Uli Anjam 8:7 - Yesus Aqa Anjam Bole

⁷ Onaqa laŋ aŋgro namba 1 a namo aqa gul anjamej. Gul anjamonaqa ais awa bul ŋamyuo ti leŋ ti turtosib mandamq aieb. Aisib ŋamtaŋ ti ñiŋ ti mandam taqal qujaiq di so qaji di kalil yuekriteb. Mandam taqal aiyel uratonab soqnej.

Uli Anjam 8:7 ပူးပေါင်းရင်းမြစ်များ

Jems 1:11

Iga qalie, seŋ oqsim kaŋkaŋamqa balamtamo aqa so laosim moiqas. Yim aqa wala bole di koboqas. Dego kere tamo naŋgi ñoro koba ti unub qaji naŋgi wauoqnsibqa bati qujai qa naŋgi urur moreŋosib koboqab.

1 Pita 1:24

Agi Qotei aqa anjam bei nami endegsib neŋgreŋyeb unu, “Tamo uŋgasari kalil naŋgi mandamq endia bati olekoba sqasai. Naŋgi ñiŋ bul urur koboqab. Deqa naŋgo ñam balamtamo aqa so bulosim uloŋqas. Agi ñiŋ a gaigai kaŋgraŋeqnu. Balamtamo aqa so a sokiñalayoqnsiq uloŋeqnu.

Uli Anjam 12:4

Aqa weru na bongar kalil laŋ taqal qujaiq di so qaji naŋgi butuynjrnaqa ululoŋosib mandamq aieleŋeb. Laŋ taqal aiyelq di sai. Naŋgi bole soqneb. Ariya uŋa di aŋgrotimqa amal dena aŋgro di qalsim uyqajqa deqa uŋa aqa areq di tigelesosiq koqyosiq tariŋoqnej.

Uli Anjam 16:2

Onaqa laŋ aŋgro matu a gilsiqa aqa tabir namo bilentonaqa mandamq aiej. Mandamq ainaqa tamo naŋgi wagme juwaŋ aqa toqor osib aqa sulum biŋiyoqneb qaji naŋgo jejamuq di yu siŋgila kokba tulaŋ uge bumbraŋyeleŋeb.

Uli Anjam 16:21

Bati deqa ais oŋgol kokba awa bul aieleŋej. Ais oŋgol di tulaŋ kokba. Ais oŋgol segi segi naŋgo gulube 50 kilogram. Ais di laŋ goge dena tamo naŋgo jejamuq aisiqa naŋgi tulaŋ ugeugeinjrej. Qotei na ais di qariŋyej deqa tamo naŋgi minjiŋ oqetnjrnaqa Qotei misiliŋyoqneb.

Uli Anjam 6:8

Degsi marnaqa e olo ŋam atsimqa hos merient branto-naq unem. Tamo hos quraq di awesoqnej qaji aqa ñam Moio. Moio qure na a daurysiq laqnej. Onaqa naŋgi aiyel siŋgila osib tamo uŋgasari mandam taqal qujaiq di so qaji naŋgi serie na ti mam na ti ma uge na ti wagme juwaŋ na ti ñumnab moreŋeb. Mandam taqal qalubq di so qaji naŋgi uratnjrnab soqneb. Naŋgi ñumosai.

Uli Anjam 7:1

Onaqa e olo ŋam atsimqa laŋ aŋgro qolqe naŋgi laŋ utru qolqeq di tigelesonab unjrem. Jagwa qolqe naŋgi na mandam ti yuwal ti ŋam baŋga ti puynjraib deqa laŋ aŋgro qolqe naŋgi na jagwa qolqe di getentnjresoqneb.

Uli Anjam 9:15

Onaqa laŋ aŋgro namba 6 a anjam di qusiqa gilsiq laŋ aŋgro qolqe naŋgi di palontnjrej. Naŋgi aisib tamo uŋgasari kalil mandam taqal qujaiq di so qaji naŋgi ñumib moreŋqajqa deqa osiq naŋgi palontnjrej. Tamo uŋgasari mandam taqal aiyelq di so qaji naŋgi ñumqasai. Naŋgi bole sqab. Bati Qotei na nami giltej qaji di brantimqa laŋ aŋgro qolqe naŋgi di tigelosib tamo uŋgasari naŋgi ñumib moreŋqab. Deqa naŋgi tariŋosib soqneb. Tariŋosib sonab bati deqa tiŋtiŋ laŋ aŋgro namba 6 a gilsiqa naŋgi palontnjrej.

Uli Anjam 9:18

Gulube qalub dena tamo uŋgasari kalil mandam taqal qujaiq di so qaji naŋgi ñumeleŋeb. Mandam taqal aiyel urateb. Ŋamyuo ti qurem ti meniŋ yuo ti hos naŋgo medabuq na branteleŋeb qaji dena tamo uŋgasari naŋgi ñumeleŋeb.

Uli Anjam 9:4

Siŋgila enjrsiqa minjrej, “Niŋgi ñiŋ ti ŋam baŋga gesgi ti ŋamtaŋ ti ugeugeinjraib. Naŋgi uratnjrib soqneb. Tamo uŋgasari naŋgo lanjaq di Qotei aqa toqor saiqoji unub qaji naŋgi di segi ugeugeinjriye.