Uli Anjam 8:5 - Yesus Aqa Anjam Bole

⁵ Onaqa laŋ aŋgro dena tabir di osiqa atra bijalq dena ŋamyuo osiqa tabirq di jugonaq maqonaqa waiyonaq mandamq aiej. Aisiqa kola anjam ti qatroŋ ti minjal ti mimiŋ koba ti brantej.

Uli Anjam 8:5 ပူးပေါင်းရင်းမြစ်များ

Matyu 24:7

Bati deqa sawa bei ti sawa bei ti qoto tigeloqnsibqa segi segi qoto itnjroqnqab. Mandor kokba qudei naŋgi dego qoto tigeloqnsibqa mandor kokba qudei naŋgi qoto itnjroqnqab. Sawa bei beiq dia mimiŋ kokba ti mam ti iŋgi saio bati dego branteleŋqas.

Luk 12:49

Yesus a na aqa aŋgro naŋgi anjam degsi minjrsiqa olo minjrej, “E ŋamyuo waiyit mandamq aiqajqa e deqa bem. E endegsi Qotei pailyeqnum, ‘O Abu, ŋamyuo di urur puloŋeme.’

Aposel 16:26

Ariya bati qujai deqa mimiŋ koba dosiqa siŋgila na tonto tal reŋgiŋyonaqa siraŋme kalil waqeleŋeb. Sil kokba kalil tamo naŋgi tontnjreb qaji di pambloŋeleŋeb.

Aposel 4:31

Naŋgi degsib Qotei pailyosib koboonaqa tal naŋgi koroesoqneb qaji di reŋgiŋyej. Onaqa Qotei aqa Mondor aisiqa naŋgi siŋgila enjrnaqa naŋgi walwelosib siŋgila na Qotei aqa anjam mare mare laqneb. Naŋgi ulaosai.

Uli Anjam 11:13

Onaqa bati qujai deqa mimiŋ tulaŋ kobaquja dosiq qure koba di reŋgiŋyonaqa qure taqal qujai bei padalej. Qure taqal 9-pela soqneb. Mimiŋ dena tamo uŋgasari 7,000 padaltnjrej. Onaqa tamo uŋgasari mimiŋ dena padaltnjrosai qaji naŋgi tulaŋ ulaugetosib Qotei laŋ qureq di unu qaji aqa ñam soqteb.

Uli Anjam 11:19

Gate kokba 24 naŋgi degsib Qotei qa loueqnabqa laŋ aŋgro naŋgi na Qotei aqa atra tal laŋ qureq di unu qaji aqa siraŋ waqtosibqa Qotei aqa dal anjam so qaji ŋam moŋgum tal miligiq di sonaq uneb. Onaqa minjal ti qatroŋ ti kola anjam ti mimiŋ ti ais oŋgol kokba awa bul ti aieleŋeb.

Uli Anjam 4:5

Qotei aqa awo jaramq dena minjal branteqnaq unem. Qatroŋ ti kola anjam ti dego branteqnaq quem. Awo jaram namoq di ŋam puloŋ 7-pela pumbloŋeleŋeb. Ŋam puloŋ di agi Qotei aqa Mondor 7-pela naŋgi.

Uli Anjam 6:12

Ariya Kaja Du na kandel aqa namur namba 6 waqtonaqa e olo ŋam atsimqa mimiŋ tulaŋ kobaquja donaq unem. Unem di seŋ tulaŋ ambruosiq gara tulu bulej. Bai tulaŋ lentosiq leŋ bulej.

Uli Anjam 8:3

Onaqa laŋ aŋgro bei bosiqa atra bijal jojomq di tigelesoqnej. A tabir gol na gereiyo qaji di ojesoqnej. A ŋam sum osim tabir miligiq di bilentosim koitimqa qurem quleq ti oqwajqa deqa marsiq tabir di osi bosiqa atra bijal jojomq di tigelesoqnej. Onaqa naŋgi na ŋam sum koba yonabqa osiqa Qotei aqa segi tamo uŋgasari kalil naŋgo pailyo ti ŋam sum de ti turtosiqa atra bijal gol na gereiyo qaji dia Qotei atraiyej. Atra bijal di agi Qotei aqa awo jaram namoq di unu.