Uli Anjam 8:2 - Yesus Aqa Anjam Bole

² Sokiñalayonaq e olo ŋam atsimqa laŋ aŋgro 7-pela Qotei aqa ulatamuq di tigelesoqneb qaji naŋgi unjrem. Unjrem di naŋgi gul 7-pela ojsib tigelesoqneb.

Uli Anjam 8:2 ပူးပေါင်းရင်းမြစ်များ

Matyu 18:10

“Deqa niŋgi aŋgro kiñilala e qa naŋgo areqalo siŋgilateqnub qaji naŋgi qa ugeaib. E niŋgi endegsi merŋgwai. Naŋgo laŋ aŋgro naŋgi na naŋgi taqatnjroqnsibqa ijo Abu laŋ qureq di unu qaji aqa ulatamu bati gaigai unoqnsib naŋgi qa pailyeqnub.

Matyu 24:31

Yimqa e siŋgila na gul anjamosiy ijo laŋ aŋgro naŋgi qariŋnjritqa naŋgi sawa sawa kalil keretosib Qotei aqa segi tamo uŋgasari nami giltnjrej qaji naŋgi laŋ utru utruq dena koroinjrqab.”

Luk 1:19

Onaqa laŋ aŋgro na Sekaraia minjej, “Ijo ñam Gebriel. E Qotei aqa ulatamuq di tigelejunum qaji. Qotei a segi na e qariŋbqoqa bosim anjam bole endi ni mermonum.

Luk 21:36

Deqa niŋgi bati gaigai ŋam atoqnsib Qotei pailyoqnsib soqniye. Qotei pailyoqnsib soqnibqa Qotei na niŋgi siŋgila eŋgoqnimqa kumbra kalil bumbraŋyeleŋqab qaji di nuŋgoq bqasai. Bati deqa e Tamo Aŋgro nuŋgoq botqa niŋgi ijo ulatamuq dia tigelqab.” Yesus a na aqa aŋgro naŋgi anjam degsi minjrej.

1 Korin 15:52

Qotei na gul bunu geteŋ qaji di anjamimqa tamo nami moreŋeb qaji naŋgi olo subq na tigelqab. Deqa naŋgo jejamu olo bunu qusaqasai. Ariya iga tamo moiosai qaji iga dego jejamu bulyosim olo jejamu bunuj oqom. O was qu, kumbra di urur brantoqujatqas.

1 Tesalonaika 4:16

Qotei a anjam siŋgila koba marimqa laŋ aŋgro matu a leleŋoqnimqa Qotei na gul anjamqas. Yimqa Tamo Koba Yesus a laŋ qure uratosim mandamq aioqnimqa tamo nami Yesus qa naŋgo areqalo siŋgilatosib moreŋeb qaji naŋgi namo subq na tigelqab.

Uli Anjam 1:4

E Jon. E na anjam endi neŋgreŋyosim niŋgi tamo uŋgasari qure 7-pelaq dia Yesus aqa ñam qa koroosib loueqnub qaji niŋgi qa qariŋyonum. Niŋgi agi Esia sawaq di unub. Qotei bini unu, nami soqnej, bunuqna bqas qaji a niŋgi qa are tulaŋ boleiyimqa niŋgi are lawo na soqniye. Mondor 7-pela Qotei aqa awo jaram koba namoq di unub qaji naŋgi dego niŋgi qa are tulaŋ boleinjrimqa niŋgi are lawo na soqniye.

Uli Anjam 11:15

Ariya laŋ aŋgro namba 7 na aqa gul anjamonaqa tamo uŋgasari kalil laŋ qureq di unub qaji naŋgi tulaŋ koba leleŋosib endegsib marnab quem, “Gago Tamo Koba Qotei naŋgi aqa Ŋiri Kristus wo Mandor Kokba sqajqa bati agi brantqo. Deqa naŋgi aiyel bati gaigai Mandor Kokba sosib sawa sawa kalil taqatnjroqnqab.”

Uli Anjam 15:1

Onaqa maŋwa kobaquja bei laŋ goge di brantonaq unem. Unsimqa tulaŋ koba prugugetem. Laŋ aŋgro 7-pela naŋgi iŋgi uge 7-pela ojesonab uneleŋem. Tamo uŋgasari naŋgi ugeugeinjrqajqa deqa iŋgi uge di ojesoqneb. Iŋgi uge di koboamqa gulube bei brantqasai. Iŋgi uge 7-pela di koboamqa Qotei aqa minjiŋ torei koboqas.

Uli Anjam 16:1

Onaqa tamo bei Qotei aqa atra tal miligiq di soqnej qaji a na anjam bei marnaqa e aqa kakoro quem. A tulaŋ koba leleŋosiqa laŋ aŋgro 7-pela naŋgi di endegsi minjrej, “Niŋgi tabir 7-pela Qotei aqa minjiŋ na maqeleŋejunu qaji di bilentib mandamq aiem.”

Uli Anjam 8:13

Onaqa e olo ŋam atsimqa baira kobaquja laŋ sorgomq dia tiosi laqnaq unem. A tulaŋ koba leleŋosiq endegsi marnaq quem, “O aiyo! Laŋ aŋgro qalub naŋgi gul anjamosaiunub. Naŋgi gul anjamabqa tamo uŋgasari mandamq di unub qaji naŋgi gulube tulaŋ kokba osib padalougetqab.”

Uli Anjam 8:6

Ariya laŋ aŋgro 7-pela gul 7-pela ojesoqneb qaji naŋgi gul anjamqajqa tigelosib rarieb.

Uli Anjam 9:1

Onaqa laŋ aŋgro namba 5 na aqa gul anjamonaqa bongar bei laŋ uratosiq mandamq aieqnaq unem. Unem di naŋgi na bongar di siŋgila yonabqa a gilsiqa sub guma koba di waqtej.