Uli Anjam 6:12 - Yesus Aqa Anjam Bole

¹² Ariya Kaja Du na kandel aqa namur namba 6 waqtonaqa e olo ŋam atsimqa mimiŋ tulaŋ kobaquja donaq unem. Unem di seŋ tulaŋ ambruosiq gara tulu bulej. Bai tulaŋ lentosiq leŋ bulej.

Uli Anjam 6:12 ပူးပေါင်းရင်းမြစ်များ

Matyu 11:21

Osiqa minjrej, “O tamo uŋgasari Korasin qure ti Betsaida qure ti di unub qaji, niŋgi tulaŋ padalougetqab. Tamo bei a Tair qure ti Saidon qure ti deq gilsiq maŋwa e nuŋgoq di yoqnem qaji di naŋgoq di yo qamu naŋgi nami are bulyosib naŋgo une qa are ugeinjrnaq are uge qa gara jigsib ŋam sumq di awoeb qamu.

Matyu 24:29

Osiqa Yesus a olo anjam endegsi minjrej, “Gulube kalil di naŋgo bati koboamqa seŋ ambruqas. Bai dego suwaŋqasai. Bongar naŋgi laŋ goge dena ululoŋosib mandamq aiqab. Laŋ goge dia iŋgi iŋgi kalil reŋgiŋyeleŋqab.

Matyu 24:7

Bati deqa sawa bei ti sawa bei ti qoto tigeloqnsibqa segi segi qoto itnjroqnqab. Mandor kokba qudei naŋgi dego qoto tigeloqnsibqa mandor kokba qudei naŋgi qoto itnjroqnqab. Sawa bei beiq dia mimiŋ kokba ti mam ti iŋgi saio bati dego branteleŋqas.

Matyu 27:45

Ariya qanam jige seŋ bati 12 onaqa sawa kalil tulaŋ ambruosi sonaq gilsiq seŋ bati 3 onaq bilaqtej.

Matyu 27:54

Ariya qaja tamo naŋgi ŋamburbasq dia Yesus taqatesoqneb qaji naŋgo gate koba ombla na mimiŋ dosiq mandam reŋgiŋyonaq meniŋ kokba paraparaeleŋonab unsibqa naŋgi tulaŋ ulaugetosib mareb, “Bole. Tamo endi a Qotei aqa Ŋiri.”

Matyu 28:2

Naŋgi gileqnabqa Tamo Koba Qotei aqa laŋ aŋgro bei laŋ goge dena aisiqa meniŋ kobaquja sub me getentesoqnej qaji di belbeltosiq qalaq di atsiqa meniŋ quraq di awesoqnej. Awesonaqa mimiŋ kobaquja dej.

Mak 15:33

Ariya qanam jige seŋ bati 12 onaqa sawa kalil tulaŋ ambruosi sonaq sonaq gilsiq seŋ bati 3 onaq bilaqtej.

Uli Anjam 11:13

Onaqa bati qujai deqa mimiŋ tulaŋ kobaquja dosiq qure koba di reŋgiŋyonaqa qure taqal qujai bei padalej. Qure taqal 9-pela soqneb. Mimiŋ dena tamo uŋgasari 7,000 padaltnjrej. Onaqa tamo uŋgasari mimiŋ dena padaltnjrosai qaji naŋgi tulaŋ ulaugetosib Qotei laŋ qureq di unu qaji aqa ñam soqteb.

Uli Anjam 16:18

Onaqa minjal ti qatroŋ ti kola anjam ti branteb. Mimiŋ dego brantej. Mimiŋ di tulaŋ kobaquja. Mimiŋ deqaji nami brantosaioqnej. Qotei na Adam gereiyej bati deqa mimiŋ deqaji brantosai dena bosi bosiq agi bini unum.

Uli Anjam 16:8

Onaqa laŋ aŋgro namba 4 a gilsiqa aqa tabir seŋq di bilentonaqa Qotei na odonaqa seŋ tulaŋ kaŋkaŋosiqa tamo naŋgo jejamu koitetnjrej.

Uli Anjam 8:12

Onaqa laŋ aŋgro namba 4 na aqa gul anjamonaqa seŋ taqal qujai ugeej. Bai taqal qujai dego ugeej. Bongar kalil laŋ taqal qujaiq di so qaji naŋgi dego ugeeleŋeb. Laŋ taqal aiyelq di sai. Deqa qanam seŋ taqal qujai ambruej. Qolo bai taqal qujai ambruej. Bongar kalil laŋ taqal qujaiq di so qaji naŋgi dego ambrueleŋeb.

Uli Anjam 8:5

Onaqa laŋ aŋgro dena tabir di osiqa atra bijalq dena ŋamyuo osiqa tabirq di jugonaq maqonaqa waiyonaq mandamq aiej. Aisiqa kola anjam ti qatroŋ ti minjal ti mimiŋ koba ti brantej.