Uli Anjam 5:5 - Yesus Aqa Anjam Bole

⁵ Onaqa gate koba bei na merbej, “O Jon, ni akamaim. Ni que. Laion a Juda aqa leŋq dena ŋambabej deqa a qoto siŋgilaosiq aqa jeu tamo naŋgi ñumej. A Mandor Koba Devit aqa leŋq dena ŋambabej deqa a na kandel aqa namur waqtosim buk di plaltqa kere.”

Uli Anjam 5:5 ပူးပေါင်းရင်းမြစ်များ

Luk 23:28

Gileqnabqa Yesus a qusiqa bulosiqa naŋgi minjrej, “O Jerusalem uŋgasari, niŋgi e qa akamaib. Niŋgi nuŋgo aŋgro naŋgi qa ti niŋgi segi qa ti are qalsib akamoiye.

Luk 7:13

Onaqa Tamo Koba Yesus a uŋa di unsiqa a qa tulaŋ dulosiqa minjej, “Ni akamaim.”

Luk 8:52

Aŋgro a moiej deqa tamo uŋgasari kalil naŋgi akamkobaoqneb. Deqa Yesus na saidnjrsiqa minjrej, “Niŋgi akamaib. Aŋgro di a moiosai. A laŋa ŋeisiq qambumtejunu.”

Jon 20:13

Onaqa laŋ aŋgro aiyel naŋgi na Maria minjeb, “Uŋa, ni kiyaqa akameqnum?” Onaqa minjrej, “Naŋgi ijo Tamo Koba osib jaraionub. Qabia kio atonub di e qaliesai.”

Rom 1:3

Qotei aqa anjam bole di aqa segi Ŋiri aqa anjam. Aqa Ŋiri a tamo bulyosiqa Devit aqa leŋ dena ŋambabej.

Rom 15:12

Ariya Aisaia a dego Qotei aqa medabu osiq anjam bei endegsi marej, “Mondoŋ Devit aqa abu Jesi aqa leŋ dena mandor kobaquja bei brantqas. Brantosim a na sawa bei bei qaji tamo uŋgasari kalil naŋgi taqatnjresqas. A bosim naŋgi boletnjrqajqa deqa naŋgi a qa tariŋoqnsib sqab.”

Hibru 7:14

Iga qalieonum, gago Tamo Koba Yesus a Juda aqa leŋ naŋgoq dena ŋambabej. Ariya Juda aqa leŋ naŋgoq dena atra tamo naŋgi brantqajqa Moses a deqa marosaioqnej.

Uli Anjam 1:1

Nami anjam endi uliesonaqa Yesus Kristus na olo babtej. Qotei na anjam endi Yesus osoryej. Yimqa kumbra mondoŋ urur brantoqujatqas qaji di Yesus na kamba olo aqa wau tamo naŋgi osornjrqajqa deqa. Ariya Yesus a na aqa laŋ aŋgro qariŋyonaqa a e qa bosiqa anjam endi e ebej. Yim e na kamba olo aqa wau tamo qudei naŋgi minjrqajqa deqa. E Jon. E Yesus aqa wau tamo.

Uli Anjam 22:16

E Yesus. E na ijo laŋ aŋgro qariŋyo-numqa niŋgi e qa loueqnub qaji niŋgi qa aisiq anjam endi palontosiq merŋgwo. E Mandor Koba Devit aqa leŋq dena ŋambabem qaji. E Devit aqa Aŋgro. Nebeqa laqnaqa burbas bunuj oqeqnu dego kere e minjaleqnum.”

Uli Anjam 3:21

Tamo a Satan ombla qotsim siŋgilaqas di e na minjitqa aqo ombla ijo awo jaram kobaq di awoqom. Nami e segi qoto siŋgilaosimqa aqo ijo Abu wo aqa awo jaram kobaq di awoem dego kere.

Uli Anjam 4:10

Naŋgi kumbra degyeqnabqa Qotei ŋambile gaigai unu qaji aqa awo jaram namoq dia gate kokba 24 naŋgi siŋga pulutoqnsibqa a qa louoqnsibqa naŋgo gate tatal wala ti gol na gereiyo qaji di awo jaram koba namoq di breiyoqnsibqa endegsib loueqnub,

Uli Anjam 4:4

Ariya e olo ŋam atsimqa awo jaram kokba 24 unjrem. Awo jaram kokba 24 dena Qotei aqa awo jaram ambletesoqneb. Gate kokba 24 naŋgi awo jaramq di awoeleŋesoqneb. Naŋgi gara qat olekokba jigeleŋosib mandor kokba naŋgo gate tatal wala ti gol na gereiyo qaji di ateleŋosib soqneb.

Uli Anjam 5:4

E degsi unsim deqa e tulaŋ akamu-getem.

Uli Anjam 6:1

Onaqa e olo ŋam atsimqa buk naŋgi na lubtosib kandel aqa namur na qandrato 7-pela-teb qaji di Kaja Du na ojesosiqa kandel aqa namur namba 1 waqtonaq unem. Waqtonaqa wagme ŋambile so qaji matu a namoosiq marej, “Ni au.” Aqa kakoro di kola anjam ato bulonaq quem.

Uli Anjam 7:13

Onaqa gate koba bei na nenembej, “Tamo uŋgasari naŋgi gara qat olekokba jigejunub qaji di yai naŋgi? Naŋgi qure qabe qaji?”