Uli Anjam 4:1 - Yesus Aqa Anjam Bole

¹ Onaqa e olo ŋam atsimqa laŋ goge dia siraŋ bei waqesonaq unem. Unsim koqyeqnamqa tamo nami tulaŋ koba leleŋonaq aqa kakoro gul anjamobulonaq quem qaji a na olo merbej, “Ni goge endeq au. Ni bamqa kumbra kalil bunuqna branteleŋqas qaji di osormqai.”

Uli Anjam 4:1 ပူးပေါင်းရင်းမြစ်များ

Matyu 3:16

Yesus yansonaqa a yaq na gogetosiqa bati di a tarosi laŋ goge koqyonaqa laŋ waqej. Laŋ waqonaqa Qotei aqa Mondor binoŋ bulosiq laŋ goge dena aisiq Yesus aqa jejamuq di awoonaq unej.

Mak 1:10

Yansonaqa a yaq na gogetosiqa bati di a tarosiq laŋ goge koqyonaqa laŋ waqej. Laŋ waqonaqa Qotei aqa Mondor binoŋ bulosiq laŋ goge dena aisiq Yesus aqa jejamuq di awoej.

Luk 3:21

Ariya Jon a na tamo uŋgasari kalil naŋgi yansnjreqnaqa Yesus a dego bonaqa Jon na yansonaqa bati di a tarosi laŋ goge koqyosiq Qotei pailyeqnaqa laŋ waqej.

Jon 16:13

Ariya anjam bole qa Mondor a bosimqa nuŋgo areqalo gereiyetŋgimqa niŋgi anjam bole kalil poiŋgekritqas. A aqa segi areqalo na anjam merŋgwasai. A anjam quoqnsim di segi niŋgi merŋgoqnqas. Osim kumbra mondoŋ branteleŋqas qaji di dego ubtsim merŋgoqnqas.

Aposel 7:56

Osiqa Juda tamo kokba naŋgi minjrej, “Niŋgi quiye. Laŋ waqwoqa Tamo Aŋgro a Qotei aqa baŋ woq di tigelesonaq e unonum.”

Uli Anjam 1:10

E Patmos nui endi sonamqa Tamo Koba aqa batiej. Onaqa Qotei aqa Mondor Bole na e siŋgilatbonaqa ijo qoreq di tamo bei leleŋonaqa e aqa kakoro quem. A tulaŋ koba leleŋej. Gul anjameqnu dego kere.

Uli Anjam 1:12

Onaqa e tamo anjam merbej qaji di unqajqa bulosim ŋam atem lam 7-pela gol na gereiyo qaji di sonab unjrem.

Uli Anjam 1:19

Deqa kumbra ni bini unonum qaji deqa neŋgreŋye. Kumbra bini unu qaji ti kumbra bunuqna branteleŋqas qaji deqa ti neŋgreŋye.

Uli Anjam 11:12

Onaqa laŋ goge dena laŋ aŋgro bei a tulaŋ koba leleŋosiqa naŋgi aiyel metnjrej, “Niŋgi goge endeq boiye.” Onaqa naŋgi aiyel aqa kakoro qusibqa laŋbi miligiq na laŋ qureq oqeqnabqa naŋgo jeu tamo naŋgi na naŋgi koqnjresoqneb.

Uli Anjam 11:19

Gate kokba 24 naŋgi degsib Qotei qa loueqnabqa laŋ aŋgro naŋgi na Qotei aqa atra tal laŋ qureq di unu qaji aqa siraŋ waqtosibqa Qotei aqa dal anjam so qaji ŋam moŋgum tal miligiq di sonaq uneb. Onaqa minjal ti qatroŋ ti kola anjam ti mimiŋ ti ais oŋgol kokba awa bul ti aieleŋeb.

Uli Anjam 16:17

Onaqa laŋ aŋgro namba 7 a gilsiqa aqa tabir jagwaq di bilentej. Bilentonaqa atra tal miligiq dia tamo bei na anjam marnaqa e aqa kakoro quem. Tamo di a Qotei aqa awo jaram koba jojomq di tigelesoqnej. A tulaŋ koba leleŋosiqa marej, “Gulube kalil di koboonub.”

Uli Anjam 19:11

Onaqa e olo ŋam atsimqa laŋ waqonaqa hos qat bei brantonaq unem. Tamo hos quraq di awesoqnej qaji aqa ñam agiende, “Qotei aqa Wau Geregere Taqateqnu Qaji Tamo.” Aqa ñam bei, “Kumbra Bole Yeqnu Qaji Tamo.” A kumbra tiŋtiŋ na tamo uŋgasari naŋgo une qa peginjroqnsiqa naŋgi qoto itnjreqnu.

Uli Anjam 22:6

Onaqa laŋ aŋgro dena olo merbej, “Anjam endi bole kalil. Tamo kalil naŋgi qusib marqab, ‘Bole.’ Tamo Koba Qotei a na aqa medabu o qaji tamo naŋgi are tigeltetnjreqnaqa naŋgi aqa anjam marsib laqnub. Ariya bini Qotei na aqa laŋ aŋgro qariŋy-qoqa bosiq aqa wau tamo kalil naŋgi kumbra urur brantqas qaji endi osornjrqo.