Uli Anjam 3:20 - Yesus Aqa Anjam Bole

²⁰ “‘Ni e nube. E siraŋmeq di tigelesosimqa kindokindoŋeqnum. Tamo bei a ijo kakoro qusimqa siraŋ waqtetbqas e miligiq gilsiy aqo ombla iŋgi uyqom.

Uli Anjam 3:20 ပူးပေါင်းရင်းမြစ်များ

Matyu 24:33

Dego kere kumbra kalil e na merŋgonum qaji endi brantimqa niŋgi unsibqa endegsib qalieoiye, ‘Bole, Kristus bqajqa bati jojomqo. A siraŋmeq di tigelejunu.’

Luk 17:8

A minjqas, ‘Ni ijo iŋgi goietbosim gara tigsimqa iŋgi suweiyosim ebimqa iŋgi ti ya ti uyqai. Uyit menetbimqa bunu ni kamba iŋgi ti ya ti uyqam.’ Aqa wau tamo degsi minjqas. Di kiyaqa? A wau tamo laŋaj deqa.

Jon 10:3

Deqa siraŋme taqato tamo na siraŋ waqtetoqnim miligiq giloqnsim aqa segi kaja naŋgo ñam metnjroqnim naŋgi aqa kakoro qusib boqnib joqsim oqedoqnqas.

Jems 5:9

O was qu, niŋgi Qotei aqa tamo uŋgasari naŋgi qa ŋiriŋoqnsib yomuoqnaib. Qotei na kamba nuŋgo une deqa niŋgi olo pegiŋgo uge. Niŋgi quiye. Une pegiyo tamo agi bqa jojomqo. A siraŋmeq di tigelejunu.

Uli Anjam 19:9

Onaqa laŋ aŋgro dena olo merbej, “Ni anjam endegsim neŋgreŋye, ‘Kaja Du aqa uŋa baŋ ojqa batiqo deqa aqa Abu Qotei na iŋgi koba goiqo. Goisiq aqa segi tamo uŋgasari naŋgi metnjrqo-qa iŋgi uyqa bonub. Bonub qaji naŋgi tulaŋ areboleboleinjrqas.’” Osiqa merbej, “Anjam endi Qotei aqa anjam bole.”