Uli Anjam 3:2 - Yesus Aqa Anjam Bole

² Deqa ni ŋam sirosim olo tigel. Ino kumbra qudei moiosaiunu qaji di ni na olo osim siŋgilatime. Di kiyaqa? E ino kumbra unonum ijo Qotei aqa ŋamgalaq di keresai.

Uli Anjam 3:2 ပူးပေါင်းရင်းမြစ်များ

Matyu 23:5

Kumbra kalil Farisi naŋgi yeqnub qaji di tamo naŋgi unoqnsib naŋgo ñam soqtoqnqajqa deqa yeqnub. Deqa naŋgi Qotei aqa dal anjam mutu qudei pepa kiñilalaq dia neŋgreŋyoqnsibqa lopo miligiq di jigeleŋoqnsib naŋgo lanjaq dia gara ñeŋgi na qosisib laqnub. Naŋgo gara jugo mutuq dia dego naŋgi gara burbur neŋgreŋ ti wala bole bole tontoqnsib walweleqnub.

Matyu 25:13

Yesus a na aqa aŋgro naŋgi yawo anjam degsi minjrsiqa olo minjrej, “Dego kere niŋgi geregere ŋam atsib soqniye. Di kiyaqa? Ijo bqajqa bati niŋgi qaliesai deqa.”

Matyu 25:7

Onaqa duŋgeŋge 10-pela naŋgi tigelosib naŋgo lam gereiyeb.

Aposel 18:23

Gilsiq Antiok dia bati gargekoba yala sosiqa dena walwelosiq Galesia sawa ti Frigia sawa ti dia laqnej. Laqnsiqa naŋgo qure kalilq dia brantoqnsiqa tamo uŋgasari Yesus qa naŋgo areqalo siŋgilateb qaji naŋgi koroinjroqnsiqa Qotei aqa anjam na are siŋgilatetnjroqnej.

1 Pita 4:7

Iŋgi iŋgi kalil koboqajqa bati agi jojomqo. Deqa niŋgi areqalo bole ti sosib nuŋgo kumbra kalil geregere taqatoqniye. Niŋgi degyqab di niŋgi Qotei pailyqa oqnsib geregere pailyoqnqab.

1 Pita 5:8

Niŋgi nuŋgo segi walwel geregere taqatosib ŋam atsib soqniye. Bauŋ juwaŋ naŋgi tulaŋ leleŋoqnsib tamo ñumoqnsib uyeqnub dego kere nuŋgo jeu tamo Satan a na gaigai tamo uŋgasari naŋgi padaltnjrqajqa ŋamosiq laqnu.

Uli Anjam 16:15

Onaqa Yesus a marej, “Niŋgi quiye. E bajiŋ tamo bul niŋgi qa boqujatqai. Deqa tamo bei a ŋam sosim aqa gara tigsim sqas di a areboleboleiyqas. Di kiyaqa? A yosi laqasai. Deqa tamo uŋgasari naŋgi aqa jemai unqasai.”

Uli Anjam 2:4

“‘Ariya ino kumbra uge qujai e ubtsiy mermqai. Nami ni e qa ino areqalo siŋgilatosim bati deqa ni na e tulaŋ qalaqalaiboqnem. Ariya bini ni kumbra di uratonum.

Uli Anjam 3:1

Yesus a na e degsi merbsiqa olo endegsi merbej, “Sardis qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsim neŋgreŋyosim aqaq qariŋye, ‘E Yesus. E Qotei aqa Mondor 7-pela ejunum. E bongar 7-pela dego ojejunum. E na anjam endi ni qa qariŋyonum. Kumbra kalil ni yeqnum qaji di e qalieonum. Ino kumbra di bolesai. Naŋgi ni qa mareqnub, “Ni ŋambile ti.” Di sai. Ni moiem.

Uli Anjam 3:3

Anjam bole ni nami qusim dauryem qaji deqa olo are qale. Are qalsim anjam di geregere dauryosim are bulye. Ni ŋam sirosim tigelqasai di e bajiŋ tamo bul ni qa boqujatqai. Bati gembu e inoq bqai di ni qalieqa keresai.