Uli Anjam 3:17 - Yesus Aqa Anjam Bole

¹⁷ Ni ino segi ñam soqtoqnsim mareqnum, “E silali koba ti. E ñoro koba ejunum. E iŋgi bei qa truquosai.” Ni degsi maraim. Di ni gisaŋonum. Ni laŋ qure qa iŋgi iŋgi tulaŋ saiqoji. Ni tulaŋ sougetejunum. Ni ŋam qandimo unum. Ni yosi laqnum. Di ni segi poimosai.

Uli Anjam 3:17 ပူးပေါင်းရင်းမြစ်များ

Matyu 5:3

“Tamo uŋgasari qudei naŋgi endegsi poinjrqo, naŋgi Qotei aqa ŋamgalaq di tulaŋ keresai. Naŋgi degsi poinjrqo deqa naŋgi tulaŋ areboleboleinjreme. Di kiyaqa? Qotei laŋ qureq di unu qaji a naŋgo Mandor Koba sosim naŋgi taqatnjrqas.

Matyu 9:12

Onaqa Yesus a Farisi naŋgo anjam di qusiqa minjrej, “Tamo ma saiqoji naŋgi ma gereiyo tamo aqaq gilosaieqnub. Tamo ma ti naŋgi segi ma gereiyo tamo aqaq gileqnub.

Luk 1:53

Tamo naŋgi mam unub qaji Qotei na iŋgi anainjreqnaq naŋgi kere na unub. Ariya tamo naŋgi iŋgi koba ti unub qaji a na uratnjreqnaqa naŋgi iŋgi saiinjreqnu.

Luk 6:24

“Ariya niŋgi bini ñoro koba ti unub qaji bunuqna niŋgi gulube oqab. Di kiyaqa? Nuŋgo are boletetŋgwajqa iŋgi agi niŋgi mandamq endia ekritonub.

Rom 11:20

Di bole. Ariya Qotei aqa kumbra di aqa utru agiende. Israel naŋgi Qotei qa naŋgo areqalo siŋgilatosai deqa Qotei na naŋgi giŋgeŋnjrsiqa breinjrej. Ariya niŋgi Qotei qa nuŋgo areqalo siŋgilatejunub deqa Qotei na niŋgi olo eleŋej. Di nuŋgo wau na sai. Deqa niŋgi nuŋgo segi ñam soqtosib diqaib. Niŋgi ulaoiye.

Rom 11:25

O was qu, niŋgi segi powo koba ti unub niŋgi degsib are qalaib. Niŋgi degaib deqa e na uli anjam bei niŋgi endegsi merŋgwai. Israel tamo uŋgasari qudei naŋgo areqalo geteŋnjrejunu. Naŋgi degsib soqnib sawa bei bei qaji tamo uŋgasari Qotei na nami giltnjrej naŋgi di kalil eleŋekritosim kereamqa bati deqa a na Israel tamo uŋgasari kalil naŋgo areqalo dego waqtetnjrimqa naŋgi olo are bulyqab.

Rom 12:3

Qotei a e qa are boleiyonaq deqa wau ebej. Deqa e niŋgi segi segi endegsi merŋgwai. Niŋgi nuŋgo segi powo ti kumbra ti soqtosib nuŋgo was qudei naŋgi buŋnjrqa are qalaib. Niŋgi nuŋgo kumbra geregere tenemtosib areqalo bole ti sosib Qotei qa nuŋgo areqalo siŋgilatoqniye. Ariya a na niŋgi segi segi siŋgila eŋgej qaji di olo soqtosib nuŋgo was qudei naŋgi buŋnjraib.

Rom 7:24

Gulube dena ijo areqalo tulaŋ ugetetbeqnu! Deqa tamo yai na e aqaryaibimqa e ijo jejamu moiqas qaji endi olo uratqai?

2 Pita 1:9

Ariya kumbra bole deqaji tamo bei aqaq di sqasai di a tamo ŋam qandimo bul sqas. Deqa iŋgi bole bole isaq di unu qaji di a unqa keresai. Bole, Qotei a nami aqa une kobotetej. Ariya a deqa olo are walyeqnu.

Uli Anjam 16:15

Onaqa Yesus a marej, “Niŋgi quiye. E bajiŋ tamo bul niŋgi qa boqujatqai. Deqa tamo bei a ŋam sosim aqa gara tigsim sqas di a areboleboleiyqas. Di kiyaqa? A yosi laqasai. Deqa tamo uŋgasari naŋgi aqa jemai unqasai.”

Uli Anjam 2:9

Ni gulube ti jaqatiŋ ti ejunum di e qalie. Ni iŋgi tulaŋ saiqoji unum di dego e qalie. Di uŋgum. Ni laŋ qure qa iŋgi iŋgi koba eleŋejunum. E qalie, tamo qudei naŋgi na ni misiliŋmoqnsib anjam uge uge mermeqnub. Naŋgi segi qa mareqnub, “Iga Juda tamo.” Di gisaŋ. Naŋgi Satan aqa aŋgro.

Uli Anjam 3:16

Ni tulaŋ kaŋkaŋ sai. Ni tulaŋ ulili sai. Ni kaŋkaŋ kiñala segi. Deqa e ni iŋgi qusa bul ijo miligiq na oqsim ijo medabuq na beqmqai.