Uli Anjam 3:15 - Yesus Aqa Anjam Bole

¹⁵ Kumbra kalil ni yeqnum qaji di e qalieonum. E qalie, ni ulili sai. Ni kaŋkaŋ sai. Ni ulili sqam di kere. Ni kaŋkaŋ sqam di kere.

Uli Anjam 3:15 ပူးပေါင်းရင်းမြစ်များ

Matyu 10:37

“Deqa tamo bei na aqa ai wo abu wo naŋgi tulaŋ qalaqalainjrsimqa ariya di buŋyosim e tulaŋ qalaqalaibqasai di a ijo aŋgro sqa keresai. Tamo bei na aqa aŋgro mel naŋgi ti aqa aŋgro sebiŋ naŋgi ti tulaŋ qalaqalainjrsimqa ariya di buŋyosim e tulaŋ qalaqalaibqasai di a ijo aŋgro sqa keresai.

Matyu 24:12

Kumbra uge deqaji tulaŋ kobaoqnimqa tamo gargekoba naŋgi qalaqalaiyo kumbra uratqab.

Matyu 6:24

Osiqa Yesus a olo anjam endegsi minjrej, “Tamo qujai a tamo kokba aiyel naŋgo sorgomq di sqa keresai. A na tamo kobaquja bei qalaqalaiyosim olo tamo kobaquja bei jeutqas. Bei aqa anjam dauryoqnsim olo bei qoreiyoqnqas. Dego kere niŋgi mandam qa iŋgi iŋgi ti Qotei ti turtnjrsib naŋgo sorgomq di sqa keresai.”

Rom 12:11

Niŋgi gaigai siŋgila na Qotei aqa wau ojoqniye. Qotei aqa Mondor a nuŋgoq aioqnsim are tigeltetŋgoqnim niŋgi Tamo Koba Yesus aqa wau ojqajqa tulaŋ siŋgilaoqniye.

1 Korin 16:22

Ariya e ijo anjam getentqai. Tamo bei a Tamo Koba Yesus qalaqalaiyqasai di Qotei na kamba tamo di uge qa minjsim ŋolawotqas. O Tamo Koba Yesus, ni aue.

2 Korin 12:20

Di kiyaqa? E niŋgi qa ulaeqnum. E niŋgi qa bosiy nuŋgo kumbra unsiy e niŋgi qa areboleboleibqas kio sai kio? Niŋgi dego ijo kumbra unsib niŋgi e qa areboleboleiŋgwas kio sai kio? E deqa ulaeqnum. E niŋgi qa bosiy nuŋgo kumbra endegsi unqai kio? Niŋgi anjam na qoteqnub. Niŋgi nuŋgo was naŋgi qa are ugeiŋgeqnu. Niŋgi minjiŋ oqeqnu. Niŋgi pupoeqnub. Niŋgi nuŋgo was qudei naŋgi misiliŋnjreqnub. Niŋgi yomueqnub. Niŋgi diqeqnub. Niŋgi Qotei aqa wau ugeugeiyeqnub. E degsi unqai kio?

Filipai 1:9

E bati gaigai niŋgi qa endegsi Qotei pailyeqnum, “O Abu, ni na Filipai Kristen naŋgi aqaryainjrimqa qalaqalaiyo kumbra naŋgo are miligiq di tulaŋ siŋgilatoqnsib dauryoqnqab. Osib naŋgi powo koba osib areqalo bole ti sqab.”

2 Tesalonaika 1:3

O was qu, iga gaigai niŋgi qa are qaloqnsim deqa Qotei biŋiyeqnum. Iga kere degyeqnum. Di kiyaqa? Nuŋgo areqalo Yesus qa siŋgilateqnub qaji di tulaŋ kobaqujaeqnu. Niŋgi segi segi na nuŋgo Kristen was qu naŋgi qalaqalainjreqnub. Nuŋgo kumbra di dego tulaŋ kobaqujaeqnu.

Jems 1:8

Tamo deqaji naŋgo areqalo niñaqejunu deqa naŋgi kumbra bei bei laŋa yeqnub. Naŋgi kumbra qujai dauryosaieqnub.

1 Pita 1:22

Niŋgi nami Qotei aqa anjam bole dauryoqneb. Kumbra dena niŋgi Qotei aqa ŋamgalaq di tamo bole une saiqoji soqneb. Utru deqa bini niŋgi na Qotei aqa tamo uŋgasari naŋgi tulaŋ qalaqalainjreqnub. Ariya kumbra di niŋgi olo torei siŋgilatosib nuŋgo Kristen was naŋgi siŋgila na qalaqalainjroqniye.

Uli Anjam 2:2

Ino kumbra ti ino wau ti di e qalieonum. E qalie, ni siŋgila na tigeloqnsimqa tamo uge naŋgi qa tulaŋ asgimeqnu. Tamo naŋgi di endegsib mermeqnub, “Iga dego Qotei aqa anjam marqajqa deqa qariŋgwo.” Di gisaŋ. Qotei na naŋgi qariŋnjrosai. Ni naŋgo anjam di tenemtosim ni qalieonum, naŋgi gisaŋ tamo. Ni keretsim qalieonum.

Uli Anjam 2:4

“‘Ariya ino kumbra uge qujai e ubtsiy mermqai. Nami ni e qa ino areqalo siŋgilatosim bati deqa ni na e tulaŋ qalaqalaiboqnem. Ariya bini ni kumbra di uratonum.

Uli Anjam 3:1

Yesus a na e degsi merbsiqa olo endegsi merbej, “Sardis qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsim neŋgreŋyosim aqaq qariŋye, ‘E Yesus. E Qotei aqa Mondor 7-pela ejunum. E bongar 7-pela dego ojejunum. E na anjam endi ni qa qariŋyonum. Kumbra kalil ni yeqnum qaji di e qalieonum. Ino kumbra di bolesai. Naŋgi ni qa mareqnub, “Ni ŋambile ti.” Di sai. Ni moiem.

Uli Anjam 3:16

Ni tulaŋ kaŋkaŋ sai. Ni tulaŋ ulili sai. Ni kaŋkaŋ kiñala segi. Deqa e ni iŋgi qusa bul ijo miligiq na oqsim ijo medabuq na beqmqai.