Uli Anjam 3:11 - Yesus Aqa Anjam Bole

¹¹ E ni qa boqujatqai. Deqa anjam ni ojejunum qaji di siŋgila na ojesoqne. Amqa tamo bei na ino awai bole yaimqasai.

Uli Anjam 3:11 ပူးပေါင်းရင်းမြစ်များ

1 Korin 9:25

Tamo gurgureqnub qaji naŋgi awai oqa marsib deqa gurgur qalieqa osib mati naŋgo segi jejamu siŋgilateqnub. Yim gurgur batiamqa naŋgi siŋgila na gurgurqab. Ariya naŋgo awai di mandam qaji awai. Deqa naŋgo awai di koboqas. Ariya laŋ qaji awai iga oqa mareqnum qaji di koboqasai. Di gaigai sqas.

Filipai 4:5

Niŋgi lawo kumbra dauryoqnibqa tamo kalil naŋgi nuŋgo kumbra bole di unoqnqab. Niŋgi are qaliye. Sokiñala Tamo Koba Yesus a olo bqas.

2 Timoti 2:5

Tamo bei wo bei wo gurgurosib bubuŋosib bei na bei buŋyosim di a awai oqas. Ariya bei a ururqajqa kumbra geregere dauryqasai di a awai oqasai.

2 Timoti 4:8

Tamo naŋgi gurgu-roqnsib bubuŋeqnub di naŋgi awai oqajqa. Ariya ijo awai bole agi Qotei a laŋ goge dia atej unu. E awai di oqajqa deqa tariŋoqnsim unum. Ijo awai agiende. Mondoŋ Tamo Koba Qotei na e tamo bole une saiqoji qa merbqas. Di ijo awai bole. Tamo Koba Qotei a kumbra tiŋtiŋ na tamo uŋgasari naŋgo kumbra qa naŋgi peginjreqnu. Ariya Qotei na naŋgi peginjrqajqa batiamqa a na awai bole di e ebqas. A e segi awai ebqasai. Tamo kalil Yesus a laŋ goge dena brantim unqajqa deqa areboleboleinjreqnaqa tariŋeqnub qaji naŋgi ti awai bole egwas.

Jems 1:12

Tamo naŋgi siŋgila na tigeloqnsib gulube qoboiyeqnub qaji naŋgi areboleboleinjreme. Di kiyaqa? Naŋgi gulube kalil di gotraŋyoqnsib siŋgila na tigelesqab di Qotei na awai boledamu enjrqas. Yim naŋgi ŋambile gaigai sqab. Agi Qotei a marej, a na tamo kalil a qalaqalaiyeqnub qaji naŋgi awai bole enjrqas.

Jems 5:9

O was qu, niŋgi Qotei aqa tamo uŋgasari naŋgi qa ŋiriŋoqnsib yomuoqnaib. Qotei na kamba nuŋgo une deqa niŋgi olo pegiŋgo uge. Niŋgi quiye. Une pegiyo tamo agi bqa jojomqo. A siraŋmeq di tigelejunu.

Uli Anjam 1:3

E Qotei aqa medabu osim deqa anjam endi neŋgreŋyonum. Anjam endi Qotei aqaq na bej. Deqa tamo a anjam endi sisiyqas di a tulaŋ areboleboleiyqas. Tamo uŋgasari naŋgi Qotei aqa anjam e neŋgreŋyonum qaji endi qusib dauryqab di naŋgi dego tulaŋ areboleboleinjrqas. Di kiyaqa? Kumbra kalil endi brantqajqa bati jojomqo.

Uli Anjam 16:15

Onaqa Yesus a marej, “Niŋgi quiye. E bajiŋ tamo bul niŋgi qa boqujatqai. Deqa tamo bei a ŋam sosim aqa gara tigsim sqas di a areboleboleiyqas. Di kiyaqa? A yosi laqasai. Deqa tamo uŋgasari naŋgi aqa jemai unqasai.”

Uli Anjam 2:10

Bunuqna ni jaqatiŋ koba oqam. Ni deqa ulaaim. Ni que. Satan a na niŋgi qudei ojeleŋosim tonto talq breiŋgwas. Breiŋgimqa niŋgi ijo ñam geregere ojqab kio ijo ñam uratosib uloŋqab kio di Satan a nuŋgo areqalo unsim qalieqajqa deqa niŋgi tonto talq breiŋgwas. Niŋgi bati 10-pela gulube ti jaqatiŋ ti sqab. Ariya niŋgi e qa nuŋgo areqalo siŋgilatosib soqniye. Sosib sosib gilsib jeu tamo naŋgi na niŋgi liŋgib moreŋqab. Amqa e na niŋgi ŋambile eŋgwai. Ŋambile di nuŋgo awai boledamu.

Uli Anjam 2:13

Qure ni di unum qaji naŋgo kumbra e geregere qalieonum. Qure di Satan a na taqatejunu. Aqa awo jaram koba qure dia unu. Ariya e qalie, ni ijo ñam siŋgila na ojesosim e qa ino areqalo siŋgilateqnum. Ino areqalo di ni na ulitosaieqnum. Nami ijo anjam palonto tamo Antipas a niŋgi koba na wauoqnej. Antipas a ijo anjam geregere dauryoqnej deqa jeu tamo naŋgi nuŋgo qureq dia a qalnab moiej. Moinaqa ni di unsimqa deqa ni e qoreibosai. Qure dia agi Satan a unu.

Uli Anjam 2:25

Kumbra kalil niŋgi ojejunub qaji di siŋgila na ojesoqnib e bqai.

Uli Anjam 22:12

Yesus a marqo, “Niŋgi quiye. E urur boqujatqai. Bosiy tamo naŋgo kumbra segi segi pegiysiy awai enjrqai.

Uli Anjam 22:20

Tamo a kumbra endi kalil babtqo qaji a endegsi marqo, “Bole, e boqujatqai.” Anjam endi bole. O Tamo Koba Yesus, ni aue.

Uli Anjam 22:7

Niŋgi quiye. Yesus a marqo, ‘E niŋgi qa boqujatqai.’” Qotei aqa anjam e na buk endia neŋgreŋyonum qaji di tamo uŋgasari naŋgi dauryqab naŋgi tulaŋ areboleboleinjrqas.

Uli Anjam 3:3

Anjam bole ni nami qusim dauryem qaji deqa olo are qale. Are qalsim anjam di geregere dauryosim are bulye. Ni ŋam sirosim tigelqasai di e bajiŋ tamo bul ni qa boqujatqai. Bati gembu e inoq bqai di ni qalieqa keresai.

Uli Anjam 4:10

Naŋgi kumbra degyeqnabqa Qotei ŋambile gaigai unu qaji aqa awo jaram namoq dia gate kokba 24 naŋgi siŋga pulutoqnsibqa a qa louoqnsibqa naŋgo gate tatal wala ti gol na gereiyo qaji di awo jaram koba namoq di breiyoqnsibqa endegsib loueqnub,

Uli Anjam 4:4

Ariya e olo ŋam atsimqa awo jaram kokba 24 unjrem. Awo jaram kokba 24 dena Qotei aqa awo jaram ambletesoqneb. Gate kokba 24 naŋgi awo jaramq di awoeleŋesoqneb. Naŋgi gara qat olekokba jigeleŋosib mandor kokba naŋgo gate tatal wala ti gol na gereiyo qaji di ateleŋosib soqneb.