Uli Anjam 22:20 - Yesus Aqa Anjam Bole

²⁰ Tamo a kumbra endi kalil babtqo qaji a endegsi marqo, “Bole, e boqujatqai.” Anjam endi bole. O Tamo Koba Yesus, ni aue.

Uli Anjam 22:20 ပူးပေါင်းရင်းမြစ်များ

Jon 21:25

Yesus a mandamq endia sosiqa a kumbra tulaŋ gargekoba yoqnej. Deqa e are qalonum, Yesus aqa kumbra kalil deqa saosim neŋgreŋyqom di buk tulaŋ tumbol kobaosim sawa sawa kalilq dia maqosim sawa atqa keresaiqas.

1 Korin 16:22

Ariya e ijo anjam getentqai. Tamo bei a Tamo Koba Yesus qalaqalaiyqasai di Qotei na kamba tamo di uge qa minjsim ŋolawotqas. O Tamo Koba Yesus, ni aue.

2 Timoti 4:8

Tamo naŋgi gurgu-roqnsib bubuŋeqnub di naŋgi awai oqajqa. Ariya ijo awai bole agi Qotei a laŋ goge dia atej unu. E awai di oqajqa deqa tariŋoqnsim unum. Ijo awai agiende. Mondoŋ Tamo Koba Qotei na e tamo bole une saiqoji qa merbqas. Di ijo awai bole. Tamo Koba Qotei a kumbra tiŋtiŋ na tamo uŋgasari naŋgo kumbra qa naŋgi peginjreqnu. Ariya Qotei na naŋgi peginjrqajqa batiamqa a na awai bole di e ebqas. A e segi awai ebqasai. Tamo kalil Yesus a laŋ goge dena brantim unqajqa deqa areboleboleinjreqnaqa tariŋeqnub qaji naŋgi ti awai bole egwas.

Hibru 10:37

Agi Qotei aqa anjam bei nami endegsib neŋgreŋyeb unu, “Sokiñala tamo bunuqna bqas qaji di a bqas. Deqa a tariŋsokobaiyqasai. A urur boqujatqas.

Hibru 9:28

Dego kere Kristus a bati qujai qa tamo gargekoba naŋgo une qoboiyetnjrqa marsiqa aqa segi jejamu osiq Qotei atraiyej. Ariya mondoŋ a olo laŋ qureq dena bosimqa a tamo uŋgasari naŋgo une olo kobotetnjrqasai. A bosim tamo uŋgasari a qa tariŋeqnub qaji naŋgi oqas.

Uli Anjam 1:18

E ŋambile gaigai sqajqa utru. Nami e moiem. Bini ni e nube. E olo ŋambile unum. E bati gaigai ŋambile sqai. E segi na moio ti moio qure ti taqatejunum.

Uli Anjam 1:2

E kumbra kalil endi unem deqa e Qotei aqa anjam ti Yesus Kristus aqa anjam ti boleq na marem. Osim marem, anjam endi bole.

Uli Anjam 2:16

Deqa ni are bulye. Ni are bulyqasai di e urur ni qa bosiy serie olekoba ijo medabuq di unu qaji dena tamo naŋgi di qoto itnjrqai.

Uli Anjam 22:10

Osiqa merbej, “Qotei aqa anjam ni buk endia neŋgreŋyonum qaji di tentaim. Ni mare mare laqne. Di kiyaqa? Kumbra kalil endi brantqa bati jojomqo.

Uli Anjam 22:12

Yesus a marqo, “Niŋgi quiye. E urur boqujatqai. Bosiy tamo naŋgo kumbra segi segi pegiysiy awai enjrqai.

Uli Anjam 22:18

Tamo kalil Qotei aqa anjam e buk endia neŋgreŋyonum di queqnub qaji naŋgi e siŋgila na endegsi minjrqai. Tamo bei a mandam qa anjam bei osim Qotei aqa anjam ende ti turtqas di gulube uge uge kalil buk endia neŋgreŋyonum qaji di Qotei na kamba tamo di yqas.

Uli Anjam 22:7

Niŋgi quiye. Yesus a marqo, ‘E niŋgi qa boqujatqai.’” Qotei aqa anjam e na buk endia neŋgreŋyonum qaji di tamo uŋgasari naŋgi dauryqab naŋgi tulaŋ areboleboleinjrqas.