Uli Anjam 22:16 - Yesus Aqa Anjam Bole

¹⁶ E Yesus. E na ijo laŋ aŋgro qariŋyo-numqa niŋgi e qa loueqnub qaji niŋgi qa aisiq anjam endi palontosiq merŋgwo. E Mandor Koba Devit aqa leŋq dena ŋambabem qaji. E Devit aqa Aŋgro. Nebeqa laqnaqa burbas bunuj oqeqnu dego kere e minjaleqnum.”

Uli Anjam 22:16 ပူးပေါင်းရင်းမြစ်များ

Matyu 1:1

Endi Yesus Kristus aqa moma naŋgo ñam kalil. Yesus Kristus a Devit aqa leŋ. Devit a Abraham aqa leŋ.

Matyu 2:2

“Juda naŋgo mandor koba ŋambabqo qaji a qabi unu? Iga seŋ oqo sawaq dia aqa bongar unsimqa dauryosim bonum. Iga a qa louqajqa deqa bonum.”

Matyu 22:42

“Niŋgi Kristus qa kiersib are qalonub? A yai aqa ŋiri?” Onaqa naŋgi na kamba minjeb, “Kristus a Devit aqa ŋiri.”

Matyu 22:45

Niŋgi uniye. Devit a segi marej, ‘Kristus a ijo Tamo Koba.’ Deqa Kristus a kiersi Devit aqa ŋiri dego sqas?”

Luk 20:44

Niŋgi uniye. Devit a segi marej, ‘Kristus a ijo Tamo Koba.’ Deqa Kristus a kiersi Devit aqa ŋiri sqas?”

Rom 15:12

Ariya Aisaia a dego Qotei aqa medabu osiq anjam bei endegsi marej, “Mondoŋ Devit aqa abu Jesi aqa leŋ dena mandor kobaquja bei brantqas. Brantosim a na sawa bei bei qaji tamo uŋgasari kalil naŋgi taqatnjresqas. A bosim naŋgi boletnjrqajqa deqa naŋgi a qa tariŋoqnsib sqab.”

Rom 9:5

Naŋgo moma utru naŋgi nami ñam koba ti soqneb. Naŋgoq dena Kristus a ŋambabej. Kristus a segi Qotei. A iŋgi iŋgi kalil naŋgo gate. Deqa iga bati gaigai aqa ñam soqtoqnqom. Bole.

2 Pita 1:19

Deqa iga bole qalieonum, Qotei aqa medabu o qaji tamo naŋgi nami anjam maroqneb di naŋgi anjam bole maroqneb. Deqa niŋgi dego naŋgo anjam di torei ojiye. Niŋgi ojqab di bolequja. Naŋgo anjam di waŋal bul sawa ambruq di puloŋesosiqa nebe qa burbas oqeqnu dego kere nuŋgo are miligiq di suwaŋejunu.

Uli Anjam 1:1

Nami anjam endi uliesonaqa Yesus Kristus na olo babtej. Qotei na anjam endi Yesus osoryej. Yimqa kumbra mondoŋ urur brantoqujatqas qaji di Yesus na kamba olo aqa wau tamo naŋgi osornjrqajqa deqa. Ariya Yesus a na aqa laŋ aŋgro qariŋyonaqa a e qa bosiqa anjam endi e ebej. Yim e na kamba olo aqa wau tamo qudei naŋgi minjrqajqa deqa. E Jon. E Yesus aqa wau tamo.

Uli Anjam 1:11

Leleŋosiq merbej, “Kumbra kalil ni unqam qaji di neŋgreŋyosim qariŋyimqa tamo uŋgasari qure 7-pelaq dia Yesus aqa ñam qa koroosib loueqnub qaji naŋgoq gilqas. Tamo uŋgasari agi Efesus qureq dia, Smerna qureq dia, Pergamum qureq dia, Taiataira qureq dia, Sardis qureq dia, Filadelfia qureq dia, Laodisia qureq dia Yesus aqa ñam qa koroosib loueqnub qaji naŋgoq qariŋyim gilem.”

Uli Anjam 1:4

E Jon. E na anjam endi neŋgreŋyosim niŋgi tamo uŋgasari qure 7-pelaq dia Yesus aqa ñam qa koroosib loueqnub qaji niŋgi qa qariŋyonum. Niŋgi agi Esia sawaq di unub. Qotei bini unu, nami soqnej, bunuqna bqas qaji a niŋgi qa are tulaŋ boleiyimqa niŋgi are lawo na soqniye. Mondor 7-pela Qotei aqa awo jaram koba namoq di unub qaji naŋgi dego niŋgi qa are tulaŋ boleinjrimqa niŋgi are lawo na soqniye.

Uli Anjam 2:11

“‘Tamo a dabkala ti sqas di a anjam Qotei aqa Mondor Bole na tamo uŋgasari qure qureq dia ijo ñam qa koroosib loueqnub qaji naŋgi minjreqnu di geregere quem. Tamo a Satan ombla qotsim siŋgilaqas di a moio bunu qaji turqasai. Moio dena a ugetqa keresai. Sai bole sai.’ O Jon, ni anjam degsim neŋgreŋyosim Smerna naŋgo laŋ aŋgro aqaq qariŋye.”

Uli Anjam 2:17

“‘Tamo a dabkala ti sqas di a anjam Qotei aqa Mondor Bole na tamo uŋgasari qure qureq dia ijo ñam qa koroosib loueqnub qaji naŋgi minjreqnu di geregere quem. Tamo a Satan ombla qotsim siŋgilaqas di e na laŋ qure qa iŋgi uliejunu qaji di anaiyit uyqas. Meniŋ qat dego yqai. Osiy meniŋ quraq di ñam bunuj neŋgreŋyqai. Ñam di tamo bei a qalieqasai. Tamo meniŋ oqas qaji a segi qalieqas.’ O Jon, ni anjam degsi neŋgreŋyosim Pergamum naŋgo laŋ aŋgro aqaq qariŋye.”

Uli Anjam 2:7

“‘Tamo a dabkala ti sqas di a anjam Qotei aqa Mondor Bole na tamo uŋgasari qure qureq dia ijo ñam qa koroosib loueqnub qaji naŋgi minjreqnu di geregere quem. Tamo a Satan ombla qotsim siŋgilaqas di e na laŋ qure qa ŋam gei osiy anaiyit a uysim dena ŋambile gaigai sqas. Ŋam di agi Qotei aqa laŋ qureq di unu.’ O Jon, ni anjam degsim neŋgreŋyosim Efesus naŋgo laŋ aŋgro aqaq qariŋye.”

Uli Anjam 22:1

Ariya laŋ aŋgro dena ya bei osorbej. Ya di ŋambile qa ya. Ya di tulaŋ riaŋosiq qunuŋ bulej. Ya di Qotei wo Kaja Du wo naŋgo awo jaram kobaq dena bosiq qure aqa gam koba dauryosiq sumoqnej.

Uli Anjam 22:11

Bati jojomqo deqa uŋgum. Tamo uŋgasari kumbra uge uge yeqnub qaji naŋgi olo kumbra uge uge yoqnebe. Tamo uŋgasari kumbra jigat yeqnub qaji naŋgi olo kumbra jigat yoqnebe. Tamo uŋgasari kumbra bole bole yeqnub qaji naŋgi olo kumbra bole bole yoqnebe. Tamo uŋgasari Qotei na aqa segi kumbra boleq di sqajqa giltnjrej qaji naŋgi olo aqa kumbra bole di yoqnebe.”

Uli Anjam 22:20

Tamo a kumbra endi kalil babtqo qaji a endegsi marqo, “Bole, e boqujatqai.” Anjam endi bole. O Tamo Koba Yesus, ni aue.

Uli Anjam 22:6

Onaqa laŋ aŋgro dena olo merbej, “Anjam endi bole kalil. Tamo kalil naŋgi qusib marqab, ‘Bole.’ Tamo Koba Qotei a na aqa medabu o qaji tamo naŋgi are tigeltetnjreqnaqa naŋgi aqa anjam marsib laqnub. Ariya bini Qotei na aqa laŋ aŋgro qariŋy-qoqa bosiq aqa wau tamo kalil naŋgi kumbra urur brantqas qaji endi osornjrqo.

Uli Anjam 3:13

Tamo a dabkala ti sqas di a anjam Qotei aqa Mondor Bole na tamo uŋgasari qure qureq dia ijo ñam qa koroosib loueqnub qaji naŋgi minjreqnu di geregere quem.’ O Jon, ni anjam degsim neŋgreŋyosim Filadelfia naŋgo laŋ aŋgro aqaq qariŋye.”

Uli Anjam 3:22

Tamo a dabkala ti sqas di a anjam Qotei aqa Mondor Bole na tamo uŋgasari qure qureq dia ijo ñam qa koroosib loueqnub qaji naŋgi minjreqnu di geregere quem.’ O Jon, ni anjam degsim neŋgreŋyosim Laodisia naŋgo laŋ aŋgro aqaq qariŋye.” Yesus a na e degsi merbej.

Uli Anjam 3:6

Tamo a dabkala ti sqas di a anjam Qotei aqa Mondor Bole na tamo uŋgasari qure qureq dia ijo ñam qa koroosib loueqnub qaji naŋgi minjreqnu di geregere quem.’ O Jon, ni anjam degsi neŋgreŋyosim Sardis naŋgo laŋ aŋgro aqaq qariŋye.”

Uli Anjam 5:5

Onaqa gate koba bei na merbej, “O Jon, ni akamaim. Ni que. Laion a Juda aqa leŋq dena ŋambabej deqa a qoto siŋgilaosiq aqa jeu tamo naŋgi ñumej. A Mandor Koba Devit aqa leŋq dena ŋambabej deqa a na kandel aqa namur waqtosim buk di plaltqa kere.”