Uli Anjam 22:14 - Yesus Aqa Anjam Bole

¹⁴ “Tamo uŋgasari naŋgo gara yansonub qatqo qaji naŋgi tulaŋ areboleboleinjrim sqab. Naŋgi ŋambile qa ŋam gei osib uyqa kere. Naŋgi Qotei aqa qure koba dego miligiq gilqa kere.

Uli Anjam 22:14 ပူးပေါင်းရင်းမြစ်များ

Jon 10:7

Deqa Yesus a na aqa yawo anjam di aqa damu ubtosiqa endegsi minjrej, “Niŋgi quiye. E bole merŋgwai. Kaja naŋgo jeŋ miligiq gilqajqa siraŋme agi e segi.

Jon 10:9

E segi siraŋme. Tamo bei a e qa bosim jeŋ miligiq giloqnqas di Qotei na a oqas. Amqa a miligiq gile oqede osim iŋgi bole uyoqnqas.

Jon 14:15

Osiqa Yesus a olo anjam endegsi minjrej, “Niŋgi e qalaqalaibo degosib ijo anjam dauryoqniye.

Jon 14:6

Onaqa Yesus na minjej, “E segi gam. E segi anjam bole qa utru. E segi ŋambile qa utru dego. Deqa tamo bei a gam bei na ijo Abu aqaq oqwa keresai. Ijo Abu aqaq oqwajqa gam agi e segi qujai.

Jon 4:12

Gago moma utru Jekop a nami ya sub endi bogsiqa gago moma naŋgi enjrej. A segi ya sub endena ya uyoqnej. Aqa aŋgro naŋgi aqa bulmakau ti aqa kaja ti naŋgi dego sub endena ya uyoqneb. Ni na a buŋyqam kio?”

1 Korin 7:19

Niŋgi muluŋ aieb kio niŋgi muluŋ aiosai kio di laŋa. Ariya niŋgi Qotei aqa dal anjam dauryqab di kumbra bole utru ti.

1 Korin 8:9

Ariya niŋgi geregere are qaliye. Niŋgi qalie, niŋgi iŋgi bei uyqa are soqnim niŋgi uyiye. Di une sai. Ariya niŋgi iŋgi uyibqa tamo naŋgi powo bole osai qaji naŋgi niŋgi nuŋgsib dena uloŋosib uneq aiqab di niŋgi olo iŋgi di uyaib.

1 Korin 9:5

Iga uŋa oqa are soqnim Kristen uŋa osim laqnqa kere e? Agi Tamo Koba Yesus aqa wau tamo qudei naŋgi ti aqa was naŋgi ti Pita ombla na uŋa oqnsib laqnub.

Galesia 5:6

Tamo a Kristus Yesus beteryesqas di a marqas, iga muluŋ aiqom di laŋa. Iga muluŋ aiqasai di dego laŋa. Ariya iga Kristus qa gago areqalo siŋgilatosim dena iga qalaqalaiyo kumbra dauryoqnqom di kumbra bole utru ti.

1 Jon 3:3

Tamo kalil Kristus qa tariŋeqnub qaji naŋgo kumbra dena naŋgi naŋgo segi une olo uratoqnsib Qotei aqa ŋamgalaq di jiga saiqoji unub. Agi Kristus a segi jiga saiqoji unu dego kere.

1 Jon 5:3

Iga Qotei qalaqalaiyqom di iga aqa dal anjam dego dauryqom. Iga Qotei aqa dal anjam dauryqajqa di gulube sai. Di oto.

Uli Anjam 2:7

“‘Tamo a dabkala ti sqas di a anjam Qotei aqa Mondor Bole na tamo uŋgasari qure qureq dia ijo ñam qa koroosib loueqnub qaji naŋgi minjreqnu di geregere quem. Tamo a Satan ombla qotsim siŋgilaqas di e na laŋ qure qa ŋam gei osiy anaiyit a uysim dena ŋambile gaigai sqas. Ŋam di agi Qotei aqa laŋ qureq di unu.’ O Jon, ni anjam degsim neŋgreŋyosim Efesus naŋgo laŋ aŋgro aqaq qariŋye.”

Uli Anjam 21:12

Qure di dadaŋyeb di tulaŋ goge koba. Dadaŋ di aqa siraŋme 12-pela soqneb. Siraŋme jojomq dia laŋ aŋgro 12-pela tigelesoqneb. Siraŋmeq dia Israel tamo uŋgasari naŋgo moma utru 12-pela naŋgo ñam neŋgreŋyonab soqneb.

Uli Anjam 21:27

Ariya iŋgi jiga ti tamo naŋgi kumbra uge uge yeqnub qaji naŋgi ti tamo naŋgi gisaŋ anjam mareqnub qaji naŋgi ti qure di miligiq gilqa keresai. Tamo uŋgasari naŋgo ñam ŋambile qa buk miligiq di Qotei na neŋgreŋyej qaji naŋgi segi qure di miligiq gilqa kere. Ŋambile qa buk di agi Kaja Du aqa segi buk.

Uli Anjam 22:2

Ya qalaqsi ŋambile qa ŋamtaŋ bei tigelesoqnej. Ŋam di bai segi segi qa gei utru segi segi yoqnqas. Bai bei gei utru bei yqas. Bai bei gei utru bei yqas. Degsim gilsim gei utru 12-pelatqas. Aqa baŋga na tamo uŋgasari sawa sawa kalilq di unub qaji naŋgo ma kobotetnjroqnqas.

Uli Anjam 22:7

Niŋgi quiye. Yesus a marqo, ‘E niŋgi qa boqujatqai.’” Qotei aqa anjam e na buk endia neŋgreŋyonum qaji di tamo uŋgasari naŋgi dauryqab naŋgi tulaŋ areboleboleinjrqas.

Uli Anjam 7:14

Onaqa e na kamba minjem, “O tamo koba, ni segi qalie.” Onaqa merbej, “Tamo uŋgasari naŋgi di jeu tamo naŋgi na tulaŋ ugeugeinjrsib gulube ti jaqatiŋ ti enjreb. Enjreb deqa naŋgi na Kaja Du aqa leŋ na naŋgo gara yanseleŋonab tulaŋ qatej.