Uli Anjam 21:17 - Yesus Aqa Anjam Bole

¹⁷ Laŋ aŋgro na qure aqa dadaŋ keretej di aqa goge 144 meta. Toqoŋ laŋ aŋgro na ojesoqnej qaji di mandam qaji toqoŋ. Mandam aqa kereto na laŋ aŋgro na iŋgi iŋgi kalil keretoqnej. Kereto dena a na dadaŋ keretej.

Uli Anjam 21:17 ပူးပေါင်းရင်းမြစ်များ

Uli Anjam 13:18

Tamo a areqalo bole ti sqas di a toqor di aqa utru geregere poiyqa kere. Tamo a powo ti sqas di a wagme juwaŋ aqa ñam geregere sisiyem. Iga ñam di sisiyqom di iga tamo naŋgo ñam sisiyeqnum dego kere. Ariya iga ñam di sisiyqom di agi 666 brantqas.

Uli Anjam 14:3

Tamo uŋgasari naŋgi di Qotei aqa awo jaram koba namoq di tigelesosibqa wagme qolqe ŋambile so qaji naŋgi ti gate kokba naŋgi ti naŋgo ŋamgalaq dia lou bunuj na louoqneb. Tamo 144,000 Qotei na nami mandamq dena awaiyeleŋej qaji naŋgi segi lou di qalieqa kere. Tamo qudei naŋgi lou di qalieqa keresai.

Uli Anjam 21:16

Qure aqa par ti ole ti kerekere. Laŋ aŋgro dena toqoŋ di osiqa qure keretej di aqa par ti ole ti goge ti 2,200 kilomita. Qure di aqa par ti ole ti goge ti kerekere.

Uli Anjam 21:9

Ariya laŋ aŋgro 7-pela tabir 7-pela ojesoqneb naŋgi deqaji bei bosiqa ijo areq di tigelej. Tabir 7-pela miligiq di agi nami iŋgi uge 7-pela jigsib bilentonab mandamq aisiq tamo uŋgasari naŋgi tulaŋ ugeugeinjrej. Bati di Qotei aqa minjiŋ koboej. Ariya laŋ aŋgro dena merbej, “Ni endeq au. Bamqa Kaja Du aqa uŋa bunuj walaqo qaji di osormit unqam.”

Uli Anjam 7:4

Onaqa tamo gembub naŋgi toqor eleŋeb di marnab quem. Tamo 144,000 naŋgo lanjaq di toqor ateleŋonab e unem. Tamo naŋgi di Israel naŋgo moma utru 12-pela naŋgo leŋ deqaji.