Uli Anjam 20:10 - Yesus Aqa Anjam Bole

¹⁰ Satan a na naŋgi walawalainjroqnej deqa Qotei na a waiyim ŋamyuoq aiqas. Ŋamyuoq dia meniŋ kalil yusiq ñaŋgaeqnu. Wagme juwaŋ wo Satan aqa gisaŋ anjam maro tamo wo naŋgi aiyel nami ŋamyuoq di wainjreb unub. Deqa Satan a dego Qotei na waiyim ŋamyuoq aisim naŋgi aiyel koba na bati gaigai qolo ti qanam ti ŋamyuoq dia jaqatiŋ oqnsib sqab.

Uli Anjam 20:10 ပူးပေါင်းရင်းမြစ်များ

Matyu 25:41

“Ariya tamo uge ijo baŋ qonaŋq di unub qaji naŋgi endegsi minjrqai, ‘Niŋgi tamo tulaŋ ugedamu. Deqa niŋgi jaraiiye. Jaraiosib aisib ŋamyuo gaigai yuejunu qaji dia soqniye. Satan aqa laŋ aŋgro naŋgi ti dia sqab. Naŋgi dia sqajqa deqa Qotei a nami ŋamyuo di gereiyej.

Matyu 25:46

E na tamo uge ijo baŋ qonaŋq di unub qaji naŋgi degsi minjrsiyqa naŋgo awai uge enjrsiy breinjrit ŋamyuoq aiqab. Dia naŋgi bati gaigai jaqatiŋ oqnsib sqab. Ariya tamo bole ijo baŋ woq di unub qaji naŋgi ŋambile gaigai sqab.”

Matyu 7:15

Osiqa Yesus a olo anjam endegsi minjrej, “Niŋgi geregere ŋam atsib soqniye. Tamo qudei naŋgi na bosib gisaŋosib merŋgwab, ‘Iga Qotei aqa medabu o qaji tamo bole.’ Di gisaŋ koba. Tamo naŋgi di kaja bul lawo na nuŋgoq boqnsib walawalaiŋgoqnsib anjam merŋgeqnub. Ariya naŋgo are miligiq di naŋgi tamo uge bauŋ juwaŋ bul. Deqa naŋgi na niŋgi ugeugeiŋgwajqa laqnub. Bauŋ juwaŋ naŋgi na kaja naŋgi ñumoqnsib uyeqnub dego kere.

Uli Anjam 16:13

Onaqa e olo ŋam atsimqa mondor uge qalub unjrem. Mondor uge qalub di balum du du bul. Naŋgi amal uge aqa medabuq na, wagme juwaŋ aqa medabuq na ti, Satan aqa gisaŋ anjam maro tamo aqa medabuq na ti branteleŋeb.

Uli Anjam 19:20

Ariya tamo hos quraq di awesoqnej qaji a na wagme juwaŋ wo Satan aqa gisaŋ anjam maro tamo wo naŋgi aiyel ŋambile sonab ojsiqa wainjrnaq ŋamyuoq aieb. Ŋamyuoq dia meniŋ kalil yusiq ñaŋgaeqnu. Satan aqa gisaŋ anjam maro tamo di nami wagme juwaŋ aqa ŋamgalaq dia maŋwa tulaŋ kokba yoqnej. Aqa kumbra dena a na tamo uŋgasari wagme juwaŋ aqa toqor osib aqa sulum biŋiyoqneb qaji naŋgi gisa gisaŋnjroqnej.

Uli Anjam 20:8

Oqedosimqa sawa sawa kalilq giloqnsimqa tamo uŋgasari naŋgi gisa gisaŋnjroqnqas. Tamo uŋgasari naŋgi di Gok sawa qaji ti Magok sawa qaji ti. Satan a na naŋgi koroinjrimqa qoto qa gilqab. Naŋgi tulaŋ gargekoba. Naŋgi ulul bul sisiyqa keresai.

Uli Anjam 9:17

Onaqa e ŋeiobilqeiobulosimqa tamo hos quraq di awesoqneb qaji naŋgi unjrem di naŋgo are targaq di gara jugo dumu bul siŋgila koba jigeleŋesoqneb. Gara jugo qudei di naŋgo wala lent. Qudei qenjent. Qudei merient. Ariya hos naŋgo gate laion naŋgo gate bul. Hos naŋgo medabuq na ŋamyuo ti qurem ti meniŋ yuo ti branteleŋeb.