Uli Anjam 19:7 - Yesus Aqa Anjam Bole

⁷ Bini iga Qotei qa tulaŋ areboleboleigoqnimqa aqa ñam soqtoqnqom. Di kiyaqa? Kaja Du na aqa uŋa baŋ ojqa bati brantqoqa aqa uŋa a walaosiqa aqa jejamu gereiyqo.

Uli Anjam 19:7 ပူးပေါင်းရင်းမြစ်များ

Matyu 1:20

Degsi are qaleqnaqa bati bei Tamo Koba Qotei aqa laŋ aŋgro bei aqaq ainaqa ŋeiobilqei na unej. Unnaqa laŋ aŋgro na minjej, “O Josep, Devit aqa moma, ni Maria ame. Ni ulaaim. Ni que. Qotei aqa Mondor aqaq aiqoqa a gumaŋqo.

Matyu 22:2

“Qotei laŋ qureq di unu qaji a tamo uŋgasari naŋgo Mandor Koba sosiq naŋgi taqatnjrejunu. Kumbra di mandor koba bei aqa ŋiri uŋa baŋ ojqa bationaqa maruro atej dego kere.

Luk 12:36

Tamo bei a uŋa baŋ ojqa batiamqa naŋgi a qa goiokobayibqa di uyqajqa gilqas. Gilsim iŋgi uysim olo puluosim aqa talq bosimqa siraŋme kindokindoŋamqa aqa wau tamo naŋgi a qa tariŋejunub deqa siraŋme waqtoqujatqab. Dego kere niŋgi ijo bqajqa bati qa tariŋosib soqniye.

Jon 3:29

Tamo uŋa baŋ ojqas qaji a segi na uŋa di oqas. Aqa was a laŋa qalaq di tigelesosimqa tamo uŋa baŋ ojqo qaji aqa anjam quoqnqas. Qusimqa tulaŋ areboleboleiyqas. Dego kere e bini tulaŋ areboleboleibqo.

2 Korin 11:2

Qotei aqa tamo uŋgasari naŋgi a segi qujai tulaŋ qalaqalaiyoqnsib aqa sorgomq di sqajqa deqa a tulaŋ siŋgilaeqnu. Dego kere e dego niŋgi Kristus dauryqajqa tulaŋ siŋgilaeqnum. E segi nami niŋgi osim Kristus yonam a na niŋgi eleŋej. Deqa tamo bei na aqa duŋge nami tamo bei wo anjamosai qaji di osim tamo qujai yim a na oqas dego kere mondoŋ e niŋgi olo osiy Kristus yitqa a na niŋgi torei oqas.

Efesus 5:23

Di kiyaqa? Kristus a Kristen tamo uŋgasari naŋgo gate koba unu dego kere nuŋgo tamo naŋgi dego nuŋgo gate unub. Iga kalil Kristus aqa jejamu qujai. A na iga eleŋej.

Efesus 5:32

O was qu, Qotei aqa uli anjam di tulaŋ kobaquja. E Kristus a ti aqa segi tamo uŋgasari naŋgi ti sigitnjrsim agi niŋgi merŋgonum.

Filipai 3:3

Ariya iga Israel tamo tiŋtiŋo unum. Agi iga Qotei aqa aŋgro unum. Iga muluŋ bole aio qaji. Deqa iga Qotei aqa Mondor aqa siŋgila na Qotei qa louoqnsim Kristus Yesus aqa ñam soqteqnum. Iga qalie, tamo naŋgo jejamu na kumbra dauryqab kumbra dena naŋgi aqaryainjrqa keresai bolesai.

Uli Anjam 11:13

Onaqa bati qujai deqa mimiŋ tulaŋ kobaquja dosiq qure koba di reŋgiŋyonaqa qure taqal qujai bei padalej. Qure taqal 9-pela soqneb. Mimiŋ dena tamo uŋgasari 7,000 padaltnjrej. Onaqa tamo uŋgasari mimiŋ dena padaltnjrosai qaji naŋgi tulaŋ ulaugetosib Qotei laŋ qureq di unu qaji aqa ñam soqteb.

Uli Anjam 19:9

Onaqa laŋ aŋgro dena olo merbej, “Ni anjam endegsim neŋgreŋye, ‘Kaja Du aqa uŋa baŋ ojqa batiqo deqa aqa Abu Qotei na iŋgi koba goiqo. Goisiq aqa segi tamo uŋgasari naŋgi metnjrqo-qa iŋgi uyqa bonub. Bonub qaji naŋgi tulaŋ areboleboleinjrqas.’” Osiqa merbej, “Anjam endi Qotei aqa anjam bole.”

Uli Anjam 21:2

Onaqa e Qotei aqa segi qure koba Jerusalem bunuj di dego unem. Qure di Qotei aqaq di sosiqa laŋ goge dena mandamq aieqnaq unem. Qure di aqa wala tulaŋ boledamu. Duŋgeŋge tamo baŋ ojqa osim walaeqnu dego kere.

Uli Anjam 21:9

Ariya laŋ aŋgro 7-pela tabir 7-pela ojesoqneb naŋgi deqaji bei bosiqa ijo areq di tigelej. Tabir 7-pela miligiq di agi nami iŋgi uge 7-pela jigsib bilentonab mandamq aisiq tamo uŋgasari naŋgi tulaŋ ugeugeinjrej. Bati di Qotei aqa minjiŋ koboej. Ariya laŋ aŋgro dena merbej, “Ni endeq au. Bamqa Kaja Du aqa uŋa bunuj walaqo qaji di osormit unqam.”