Uli Anjam 16:8 - Yesus Aqa Anjam Bole

⁸ Onaqa laŋ aŋgro namba 4 a gilsiqa aqa tabir seŋq di bilentonaqa Qotei na odonaqa seŋ tulaŋ kaŋkaŋosiqa tamo naŋgo jejamu koitetnjrej.

Uli Anjam 16:8 ပူးပေါင်းရင်းမြစ်များ

Matyu 13:6

Naŋgo jirim tulaŋ guma aiosai deqa seŋ oqsiq kaŋkaŋonaqa naŋgi laosib moreŋeb.

Luk 21:25

“Bati deqa seŋ ambruqas. Bai dego suwaŋqasai. Bongar naŋgi ululoŋosib mandamq aieleŋqab. Yuwal dego korkortosim anjam atoqnimqa tamo uŋgasari sawa sawa kalilq di so qaji naŋgi quoqnib dena naŋgo areqalo niñaqyetnjroqnimqa naŋgi tulaŋ ulaugetoqnqab.

Aposel 2:20

Seŋ ambruqas. Bai lentosim leŋ bulqas. Amqa nuŋgo Tamo Koba a riaŋ koba ti siŋgila koba ti bqas.

Uli Anjam 14:18

A brantonaqa olo laŋ aŋgro bei na a dauryosiqa Qotei aqa atra bijalq dena brantej. Laŋ aŋgro di Qotei na siŋgila yonaqa a ŋamyuo taqatosiq soqnej. A brantosiqa tulaŋ koba leleŋosiqa laŋ aŋgro sarep tulaŋ qala uge ojesoqnej qaji di minjej, “Mandam qa wain sil aqa gei meliekritonub. Deqa ni ino sarep tulaŋ qala uge di osimqa wain sil aqa gei giŋgeŋyosim sawa qujaiq di koroinjre.”

Uli Anjam 6:12

Ariya Kaja Du na kandel aqa namur namba 6 waqtonaqa e olo ŋam atsimqa mimiŋ tulaŋ kobaquja donaq unem. Unem di seŋ tulaŋ ambruosiq gara tulu bulej. Bai tulaŋ lentosiq leŋ bulej.

Uli Anjam 7:16

Deqa naŋgi olo bunu mamnjrqasai. Naŋgi bunu ya qarnjrqasai. Seŋ na olo naŋgi kaŋkaŋnjrqasai. Iŋgi bei na dego naŋgi kaŋkaŋnjrqasai.

Uli Anjam 8:12

Onaqa laŋ aŋgro namba 4 na aqa gul anjamonaqa seŋ taqal qujai ugeej. Bai taqal qujai dego ugeej. Bongar kalil laŋ taqal qujaiq di so qaji naŋgi dego ugeeleŋeb. Laŋ taqal aiyelq di sai. Deqa qanam seŋ taqal qujai ambruej. Qolo bai taqal qujai ambruej. Bongar kalil laŋ taqal qujaiq di so qaji naŋgi dego ambrueleŋeb.

Uli Anjam 9:2

Waqtonaqa qurem koba subq dena oqej. Liki yusiq qurem koba oqeqnu dego kere. Subq dena qurem oqsiqa seŋ ti laŋ ti ambrutej.