Uli Anjam 16:19 - Yesus Aqa Anjam Bole

¹⁹ Ariya mimiŋ di brantosiqa Babilon qure koba tulaŋ niñaqyosiqa potoqalubtej. Qure qure kalil dego mimiŋ dena padaleleŋeb. Babilon aqa kumbra tulaŋ ugedamu. Aqa kumbra deqa Qotei a are qalsiqa wain siŋgila koba gambaŋq di qamsiq Babilon anaiyonaq uysiq nanariej. Wain di Qotei aqa minjiŋ koba.

Uli Anjam 16:19 ပူးပေါင်းရင်းမြစ်များ

Uli Anjam 11:8

Moreŋabqa naŋgo aiyel jejamu qure aqa gam koba ambleq di uratnjrib sqab. Qure di aqa ñam iga sasirosim mareqnum, “Sodom ti Isip ti.” Qure dia nami naŋgo Tamo Koba ŋamburbasq di qamnab moiej.

Uli Anjam 17:1

Onaqa laŋ aŋgro 7-pela tabir 7-pela ojesoqneb deqaji bei na bosiqa merbej, “Ni endeq au. Bamqa Qotei na sambala uŋa kobaquja aqa une qa pegiyosim a awai uge yim ni osormit unqam. Sambala uŋa di agi ya kokbaq di awejunu.

Uli Anjam 17:18

Uŋa ni unonum qaji di aqa utru e na ubtit ni quqwam. Uŋa di a qure kobaquja. A mandor kokba kalil mandamq di unub qaji naŋgo mandor koba sosiqa naŋgi taqatnjreqnu.”

Uli Anjam 17:5

Uŋa di aqa ñam aqa lanjaqsi neŋgreŋyonab soqnej. Ñam di sasir anjam. Aqa ñam bole agiende, “Babilon qure kobaquja. A sambala uŋa kalil naŋgo ai. Kumbra uge uge kalil mandamq di so qaji naŋgo ai agi a segi.” Aqa ñam bole agide.

Uli Anjam 18:10

Naŋgi Babilon aqa jaqatiŋ koba di unsibqa tulaŋ ulaugetqab. Osib isaq di tigelesosib maroqnqab, ‘O Babilon, ni qure kobaquja! Ni nami qure siŋgila koba soqnem! Ariya bini ni tulaŋ padalougetonum! Bati qujai qa ino kumbra uge aqa awai agi ni itonum!’

Uli Anjam 18:2

Onaqa a tulaŋ koba leleŋosiqa endegsi marej, “Babilon qure kobaquja a tulaŋ padalougetqo! Od, a tulaŋ padalougetqo! Babilon qure di mondor uge uge kalil naŋgo so sawa. Mondor uge naŋgi ti qebari jigat naŋgi ti qebari uge kalil dego qure dia unub.

Uli Anjam 18:21

Ariya anjam di koboonaqa laŋ aŋgro siŋgila koba bei a bosiqa wit kuroyo qaji meniŋ kobaquja osiq soqtosiqa yuwalq di waiyej. Osiqa marej, “Qotei na degsim Babilon qure koba siŋgila na waiyim koboqas. Yim tamo qudei naŋgi na olo bunu a unqasai.

Uli Anjam 18:5

Babilon aqa une kalil di tumbolosiq oqsiq laŋ qure ojqoqa e unonum. Kumbra uge kalil a yoqnej qaji Qotei a deqa are walyosaieqnu.