Uli Anjam 16:14 - Yesus Aqa Anjam Bole

¹⁴ Mondor uge qalub dena maŋwa uge uge siŋgila kokba yoqnsibqa mandor kokba sawa sawa kalil taqate-junub qaji naŋgoq giloqnsib minjreqnub, “Niŋgi na nuŋgo qaja tamo kalil koroinjrsib minjribqa tamo uŋgasari naŋgo une qa peginjrqa batiamqa naŋgi qoteleŋqab.” Naŋgi degsib minjreqnub. Qotqajqa bati di agi Qotei siŋgila koba ti unu qaji aqa bati koba.

Uli Anjam 16:14 ပူးပေါင်းရင်းမြစ်များ

Matyu 24:14

Yim naŋgi sawa sawa kalil keretoqnsib Qotei a tamo uŋgasari naŋgo Mandor Koba sosiq naŋgi taqatnjreqnu anjam bole di mare mare laqnib tamo uŋgasari kalil naŋgi quoqnqab. Ariya bunuqna diŋo bati brantqas.”

Matyu 24:24

Di kiyaqa? Tamo qudei naŋgi bosib gisaŋosib marqab, ‘E Kristus.’ Qudei naŋgi marqab, ‘E Qotei aqa medabu o qaji tamo bole.’ Degsib maroqnsib maŋwa kokba gargekoba babtoqnqab. Naŋgo maŋwa dena naŋgi na tamo uŋgasari kalil naŋgi ugeugeinjrqajqa deqa wauoqnqab. Osib Qotei aqa segi tamo uŋgasari nami giltnjrej qaji naŋgi dego ugeugeinjrqajqa wauoqnqab.

Mak 13:22

Tamo qudei naŋgi bosib gisaŋosib marqab, ‘E Kristus.’ Qudei naŋgi marqab, ‘E Qotei aqa medabu o qaji tamo bole.’ Degsib maroqnsib maŋwa kokba gargekoba babtoqnqab. Naŋgo maŋwa dena naŋgi na tamo uŋgasari kalil naŋgi ugeugeinjrqajqa deqa wauoqnqab. Osib Qotei aqa segi tamo uŋgasari nami giltnjrej qaji naŋgi dego ugeugeinjrqajqa wauoqnqab.

Luk 2:1

Bati deqa Rom naŋgo mandor koba Sisar Ogastus a marej, “Iga na tamo uŋgasari sawa sawa kalilq di unub qaji naŋgo ñam sisiyqom.”

Jon 8:44

Niŋgi nuŋgo abu Satan aqa aŋgro. Niŋgi nuŋgo abu Satan aqa areqalo dauryqajqa tulaŋ siŋgilaeqnub. Satan a nami tamo qalo qaji tamo soqnej agi bini unu. A kumbra bole dauryosaieqnu. Di kiyaqa? A kumbra bole dauryqajqa torei urateqnu. A anjam marqas di a gisaŋ anjam segi marqas. A gisaŋ anjam qa utru. A gisaŋ tamo. A gisaŋ anjam kalil aqa abu.

Rom 1:8

Mati e niŋgi anjam endegsi merŋgwai. Niŋgi Yesus Kristus qa nuŋgo areqalo siŋgilatejunub deqa tamo uŋgasari naŋgi niŋgi qa saosib laqnabqa sawa sawa kalilq dia tamo naŋgi queqnub. E deqa are qaloqnsim deqa Yesus Kristus aqa ñam na ijo Qotei biŋiyeqnum.

2 Tesalonaika 2:9

Dal anjam gotraŋyo qaji tamo di a Satan aqa siŋgila ti bosim aqa gisaŋ kumbra na maŋwa gargekoba tamo uŋgasari naŋgi osornjroqnqas.

1 Timoti 4:1

Qotei aqa Mondor a anjam endegsi babtej. Mondoŋ diŋo bati jojomoqnimqa tamo qudei naŋgi Kristus qa naŋgo areqalo siŋgilatqa uratqab. Di kiyaqa? Naŋgi gisaŋ mondor ti mondor uge uge ti naŋgo anjam qusib dauryqab deqa.

Jems 3:15

Niŋgi degyqab di niŋgi powo bole ti sqasai. Niŋgi powo uge ti sqab. Powo deqaji laŋ goge dena bosai. Di mandam qaji powo. Di gago areqalo namij aqa powo. Powo di aqa abu Satan a segi.

1 Jon 5:19

Iga qalie, iga Qotei aqa aŋgro unum. Ariya tamo uŋgasari kalil mandamq endi unub qaji naŋgi tamo uge Satan aqa sorgomq di unub deqa a na naŋgi siŋgila na taqatnjreqnu.

Uli Anjam 12:9

Qotei aqa laŋ aŋgro naŋgi na amal di osib waiyonab mandamq aiej. Amal di nami soqnej qaji. Aqa ñam Satan. Aqa ñam bei, “Tamo Uŋgasari Kalil Naŋgo Ñam Ugetetnjro Qaji Tamo.” A na tamo uŋgasari kalil mandamq di so qaji naŋgi gisa gisaŋnjroqnej. A ti aqa laŋ aŋgro naŋgi ti kalil wainjrnab mandamq aieb.

Uli Anjam 13:3

Wagme juwaŋ di aqa gate bei nami qalnab moisiq yu ti so bulonaq unem. Yu di olo mosoonaq aqa pirigi unem. Onaqa tamo uŋgasari kalil wagme juwaŋ di uneb qaji naŋgi tulaŋ prugugetosib a dauryoqneb.

Uli Anjam 16:16

Ariya mondor uge qalub dena mandor kokba sawa sawa kalil taqatejunub qaji naŋgi joqsibqa Armagedon sawaq dia koroinjreb. Ñam “Armagedon” di Hibru anjam. Aqa utru, “Megido mana.”

Uli Anjam 16:7

Onaqa atra bijal a endegsi marnaq e quem, “O Tamo Koba Qotei, siŋgila kalil inoq di unu. Ni na tamo uŋgasari naŋgo kumbra uge uge kalil qa peginjroqnsimqa naŋgi padaltnjreqnum. Ino kumbra di tulaŋ boledamu tiŋtiŋo.”

Uli Anjam 17:14

Osib Kaja Du qa ŋiriŋosib qoto itqab. Amqa Kaja Du a qoto siŋgilaosimqa naŋgi ñumqas. Kaja Du a tamo kokba kalil naŋgo Tamo Koba. A mandor kokba kalil naŋgo Mandor Koba. Tamo kalil a ombla unub qaji naŋgi a ti qoto siŋgilaqab. Naŋgi di Kaja Du na metnjrsiq aqa segi tamo uŋgasari sqajqa giltnjrej qaji. Deqa naŋgi aqa anjam bole dauryeqnub.”

Uli Anjam 20:8

Oqedosimqa sawa sawa kalilq giloqnsimqa tamo uŋgasari naŋgi gisa gisaŋnjroqnqas. Tamo uŋgasari naŋgi di Gok sawa qaji ti Magok sawa qaji ti. Satan a na naŋgi koroinjrimqa qoto qa gilqab. Naŋgi tulaŋ gargekoba. Naŋgi ulul bul sisiyqa keresai.

Uli Anjam 3:10

Ni ijo anjam geregere dauryoqnsimqa gulube kalil qoboiyoqnsim siŋgila na tigelejunum deqa e ni taqatmesoqnitqa Satan a bosim tamo uŋgasari kalil sawa sawa kalilq di unub qaji naŋgi gulube enjrqa batiamqa gulube di ni qa bqasai.

Uli Anjam 6:17

Di kiyaqa? Qotei naŋgi Kaja Du wo tamo uŋgasari naŋgi qa minjiŋ oqetnjrqa bati agi brantqo. Deqa tamo yai na naŋgo siŋgila gotraŋyqa kere? Tamo dego bei sosai.”