Uli Anjam 16:10 - Yesus Aqa Anjam Bole

¹⁰ Onaqa laŋ aŋgro namba 5 a gilsiqa aqa tabir bilentonaqa wagme juwaŋ aqa awo jaram kobaq aiej. Ainaqa tamo naŋgi wagme juwaŋ na taqatnjresoqnej qaji naŋgi ambrukobainjrnaq soqneb. Sosib jaqatiŋ tulaŋ koba osib qala bisiriqtoqneb.

Uli Anjam 16:10 ပူးပေါင်းရင်းမြစ်များ

Matyu 13:42

Naŋgi breinjrib ŋamyuo kobaq aisib dia akamkobayoqnsib pailoqnsib naŋgo jaqatiŋ qa qalagei anjam atoqnqas.

Matyu 22:13

Onaqa mandor koba a na aqa kaŋgal tamo naŋgi minjrej, ‘Tamo di siŋga ti baŋ ti tontetosib oqeq waiyibqa sawa ambruq di soqnem. Sawa dia tamo naŋgi akamkobayoqnsib pailoqnsib naŋgo jaqatiŋ qa qalagei anjam ateqnu.’

Matyu 24:51

Deqa aqa tamo koba a na wau tamo di ugeugeiyosim qalsim gisaŋ tamo naŋgo so sawaq waiyim aiqas. Sawa dia tamo naŋgi tulaŋ akamkobayoqnsib pailoqnsib naŋgo jaqatiŋ qa qalagei anjam atoqnqas.”

Matyu 8:12

Ariya tamo qudei Qotei na nami taqatnjrqa osiq metnjrej qaji naŋgi aqaq bqa asginjrej deqa Qotei a naŋgo Mandor Koba sosim taqatnjrqasai. A na naŋgi osim qalaq di breinjrimqa naŋgi sawa ambruq di sqab. Sawa dia naŋgi akamkobayoqnsib pailoqnsib naŋgo jaqatiŋ qa qalagei anjam atoqnqas.”

Luk 13:28

A na niŋgi degsim merŋgsim niŋgi qalaq di breiŋgwas. Yimqa Abraham na Aisak na Jekop na Qotei aqa medabu o qaji tamo kalil naŋgi ti Qotei na taqatnjrsim naŋgo Mandor Koba soqnimqa niŋgi naŋgi unjrsibqa akamkobayoqnsib pailoqnsib nuŋgo jaqatiŋ qa qalagei anjam atoqnqas.

1 Pita 2:17

Osib niŋgi tamo kalil naŋgi kumbra bole enjroqniye. Osib Qotei aqa tamo uŋgasari naŋgi qalaqala-injroqniye. Niŋgi Qotei ulaiyoqnsib aqa sorgomq di soqniye. Sosib mandor kokba naŋgo ñam soqtoqniye.

Uli Anjam 11:10

Naŋgi aiyel moreŋonub deqa tamo uŋgasari kalil mandamq di unub qaji naŋgi tulaŋ arebole-boleinjroqnimqa iŋgi uyoqnsib lou tuoqnib naŋgo was naŋgi korooqnib lueinjroqnqab. Naŋgi kumbra degyoqnqab. Di kiyaqa? Qotei aqa medabu o qaji tamo aiyel dena tamo uŋgasari kalil mandamq di so qaji naŋgi jaqatiŋ koba enjroqneb deqa.

Uli Anjam 11:2

Ariya koro sawa atra tal meq di unu qaji di keretaim. Di urat. E na koro sawa di sawa bei bei qaji tamo naŋgi enjritqa naŋgi na ijo qure koba Jerusalem niñaqyoqnibqa bai 42 gilqas.

Uli Anjam 11:8

Moreŋabqa naŋgo aiyel jejamu qure aqa gam koba ambleq di uratnjrib sqab. Qure di aqa ñam iga sasirosim mareqnum, “Sodom ti Isip ti.” Qure dia nami naŋgo Tamo Koba ŋamburbasq di qamnab moiej.

Uli Anjam 17:17

Qotei a segi na mandor kokba naŋgi di areqalo enjrimqa naŋgi na uŋa di degsib ugeugeiyqab. Qotei a segi nami marej, ‘E na areqalo enjritqa naŋgi kumbra di yqab.’ Qotei a nami degsi marej. Deqa bati brantimqa Qotei na areqalo enjrimqa naŋgi areqalo qujaitosib naŋgo segi siŋgila ti ñam ti kalil wagme juwaŋ di yqab. Naŋgi kumbra degyibqa Qotei aqa anjam kalil nami marej qaji di aqa damu brantqas.

Uli Anjam 17:9

“Tamo a areqalo bole ti sqas di a anjam endi geregere poiyeme. Wagme juwaŋ aqa gate 7-pela naŋgi di mana 7-pela. Uŋa di a mana 7-pela goge quraq di awejunu.

Uli Anjam 18:2

Onaqa a tulaŋ koba leleŋosiqa endegsi marej, “Babilon qure kobaquja a tulaŋ padalougetqo! Od, a tulaŋ padalougetqo! Babilon qure di mondor uge uge kalil naŋgo so sawa. Mondor uge naŋgi ti qebari jigat naŋgi ti qebari uge kalil dego qure dia unub.

Uli Anjam 18:21

Ariya anjam di koboonaqa laŋ aŋgro siŋgila koba bei a bosiqa wit kuroyo qaji meniŋ kobaquja osiq soqtosiqa yuwalq di waiyej. Osiqa marej, “Qotei na degsim Babilon qure koba siŋgila na waiyim koboqas. Yim tamo qudei naŋgi na olo bunu a unqasai.

Uli Anjam 18:23

Lam inoq di olo puloŋqasai. Inoq di tamo bei na olo uŋa baŋ ojqasai. Uŋa na tamo baŋ ojqasai. Deqa naŋgo aiyel anjam inoq di bunu quqwasai. Nami ino silali qa wauo qaji tamo naŋgi tamo kokba soqneb. Ariya bini naŋgi koboonub. O Babilon, ni na gumaniŋ kumbra gargekoba yoqnem. Kumbra dena ni na tamo uŋgasari sawa sawa kalilq di unub qaji naŋgi gisa gisaŋnjroqnem.”

Uli Anjam 8:12

Onaqa laŋ aŋgro namba 4 na aqa gul anjamonaqa seŋ taqal qujai ugeej. Bai taqal qujai dego ugeej. Bongar kalil laŋ taqal qujaiq di so qaji naŋgi dego ugeeleŋeb. Laŋ taqal aiyelq di sai. Deqa qanam seŋ taqal qujai ambruej. Qolo bai taqal qujai ambruej. Bongar kalil laŋ taqal qujaiq di so qaji naŋgi dego ambrueleŋeb.

Uli Anjam 9:2

Waqtonaqa qurem koba subq dena oqej. Liki yusiq qurem koba oqeqnu dego kere. Subq dena qurem oqsiqa seŋ ti laŋ ti ambrutej.