Uli Anjam 14:6 - Yesus Aqa Anjam Bole

⁶ Ariya e olo ŋam atsimqa laŋ aŋgro bei laŋ sorgomq dia pururueqnaqa unem. Laŋ aŋgro dena Qotei aqa anjam bole bati gaigai sqas qaji di osi giloqnsiqa tamo uŋgasari kalil mandamq di unub qaji naŋgi minjroqnsiq laqnej. Tamo uŋgasari leŋ segi segi qaji, sawa segi segi qaji, anjam maro segi segi qaji, jejamu segi segi qaji naŋgi turtnjroqnsiq anjam bole di minjroqnsiq laqnej.

Uli Anjam 14:6 ပူးပေါင်းရင်းမြစ်များ

Matyu 10:27

Anjam e ambruq dia merŋgeqnum qaji di niŋgi olo suwaŋoq dia maroqniye. Anjam e lumu na merŋgeqnum qaji di niŋgi olo bijal goge dia tigeloqnsibqa tamo uŋgasari naŋgi minjroqniye.

Mak 16:15

Osiqa minjrej, “Niŋgi tigelosib sawa sawa kalil keretosib tamo uŋgasari kalil naŋgi ijo anjam bole minjroqnsib laqniye.

Rom 16:25

Qotei a siŋgila koba ti unu deqa a na niŋgi siŋgilatŋgwas. Yim niŋgi Yesus Kristus aqa anjam bole e na mare mare laqnum qaji di osib nuŋgo areqaloq di siŋgilatqab. O was qu, tulaŋ nami Kristus aqa anjam bole di uliesoqnej.

Kolosi 1:23

Ariya une bei na niŋgi titŋgimqa Kristus aqa anjam bole niŋgi nami queb qaji di nuŋgo areqaloq di olo siŋgilatqa urataib deqa niŋgi nuŋgo areqalo Yesus qa bole siŋgilatoqnsib siŋgila na tigelesoqniye. E Pol. E Yesus aqa wau tamo deqa e anjam bole di tamo uŋgasari kalil mandamq endi unub qaji naŋgi minjroqnsim laqnum.

2 Tesalonaika 2:16

Gago Tamo Koba Yesus Kristus wo gago Abu Qotei wo naŋgi aiyel na iga tulaŋ qalaqalaigeqnub. Qotei a iga qa are boleiyoqnsiq deqa a gaigai gago are boletetgeqnu. Osiqa a na iga siŋgilatgeqnu. Deqa mondoŋ a na iga boletgwajqa deqa iga tariŋoqnsim unum.

Hibru 13:20

Gago Tamo Koba Yesus a gago Mandor Koba. A na kaja du du naŋgi geregere taqatnjreqnu. Aqa kaja du du agi iga. Aqa leŋ aiej dena a na Qotei aqa anjam bunuj gaigai sqas qaji di siŋgila-tej. Deqa Qotei agi iga are lawo egeqnu qaji a na Yesus subq na olo tigeltej.

1 Pita 1:25

Ariya Tamo Koba Qotei aqa anjam a bati gaigai sqas.” O was qu, Qotei aqa anjam bole di agi aqa anjam maro tamo naŋgi palontoqnsib niŋgi merŋgoqneb.

Uli Anjam 10:11

Onaqa naŋgi na olo merbeb, “Ni Qotei aqa medabu osimqa anjam palontoqnqam. Tamo uŋgasari leŋ segi segi qaji, sawa segi segi qaji, anjam maro segi segi qaji naŋgo kumbra qa ni anjam palontoqnqam. Mandor kokba gargekoba naŋgo kumbra qa dego ni anjam palontoqnqam.”

Uli Anjam 10:7

Laŋ aŋgro namba 7 na aqa gul anjamamqa Qotei aqa uli anjam nami aqa medabu o tamo naŋgi minjroqnej qaji di a na babtekritqas.” Laŋ aŋgro dena Qotei ŋambile gaigai unu qaji aqa ñam na degsi marej.

Uli Anjam 13:7

Onaqa Qotei na wagme juwaŋ di olo odyonaqa tigelosiqa Qotei aqa segi tamo uŋgasari naŋgi qoto itnjroqnsiqa naŋgi ñumoqnsiqa a segi qoto siŋgilaoqnej. Onaqa Qotei na a olo siŋgila yonaqa a na tamo uŋgasari kalil leŋ segi segi qaji, sawa segi segi qaji, anjam maro segi segi qaji, jejamu segi segi qaji naŋgi taqatnjroqnej.

Uli Anjam 3:10

Ni ijo anjam geregere dauryoqnsimqa gulube kalil qoboiyoqnsim siŋgila na tigelejunum deqa e ni taqatmesoqnitqa Satan a bosim tamo uŋgasari kalil sawa sawa kalilq di unub qaji naŋgi gulube enjrqa batiamqa gulube di ni qa bqasai.

Uli Anjam 5:9

Wagme qolqe naŋgi ti gate kokba naŋgi ti bosib Kaja Du aqa areq di siŋga pulutosibqa lou bunuj na endegsib louoqneb, “O Kaja Du, ni buk di osimqa kandel aqa namur buk qandratejunu qaji di waqtqa kere. Di kiyaqa? Ni lumnab moisim ino leŋ aiej dena ni na ino segi tamo uŋgasari naŋgi awainjrsimqa Qotei aqa baŋq di ateleŋem unub. Od, tamo uŋgasari leŋ segi segi qaji, anjam maro segi segi qaji, jejamu segi segi qaji, sawa segi segi qaji naŋgi ni na awainjrsimqa Qotei aqa baŋq di ateleŋem unub.

Uli Anjam 8:13

Onaqa e olo ŋam atsimqa baira kobaquja laŋ sorgomq dia tiosi laqnaq unem. A tulaŋ koba leleŋosiq endegsi marnaq quem, “O aiyo! Laŋ aŋgro qalub naŋgi gul anjamosaiunub. Naŋgi gul anjamabqa tamo uŋgasari mandamq di unub qaji naŋgi gulube tulaŋ kokba osib padalougetqab.”