Uli Anjam 14:5 - Yesus Aqa Anjam Bole

⁵ Naŋgi nami gisaŋ anjam bei marosaioqneb. Naŋgo jejamuq di une bei saiqoji.

Uli Anjam 14:5 ပူးပေါင်းရင်းမြစ်များ

Matyu 12:34

Niŋgi tamo uge. Niŋgi amal uge bul. Niŋgi kiersib anjam bole maroqnqab? Tamo naŋgo areqalo naŋgo are miligiq di unu qaji di naŋgo medabuq na branteqnu.

Luk 23:4

Onaqa Pailat na atra tamo kokba ti tamo uŋgasari kalil naŋgi ti minjrej, “E segi are qalonum, Yesus aqa jejamuq di une bei saiqoji.”

Jon 1:47

Onaqa Nataniel a walwelosiq Yesus aqa areq beqnaqa unsiqa a qa marej, “Niŋgi uniye. Tamo di a Israel tamo bolequja. A gisaŋ anjam marosaieqnu.”

Efesus 5:27

Kristus aqa areqalo agiende. A na aqa segi tamo uŋgasari naŋgi yansnjrimqa naŋgi aqa ŋamgalaq di tulaŋ boledamu soqnib jiga bei naŋgoq di sqasai. Naŋgi aqa segi kumbra boleq di sosib une saiqoji sqab. Utru deqa a naŋgi qa moiej.

Kolosi 1:22

Ariya bunuqna Yesus a ŋamburbasq di moiej aqa kumbra dena Qotei na jeu kobotosiqa niŋgi olo eleŋej. A degyej. Di kiyaqa? A na niŋgi aqa areq joqsim bamqa niŋgi aqa segi kumbra boleq di sosib aqa ŋamgalaq di tamo tiŋtiŋo une saiqoji sqajqa deqa.

Hibru 9:14

Ariya Kristus aqa leŋ na wagme naŋgo leŋ tulaŋ buŋyejunu. Kristus aqa jejamuq di jiga bei saiqoji. Qotei aqa Mondor gaigai sqas qaji a na Kristus siŋgilatonaqa aqa segi jejamu ŋambile sonaqa osiqa Qotei atraiyej. Osiqa aqa leŋ na gago are miligi yansetgej. A gago jejamu segi yansetgosai. A gago une kobotetgej deqa iga qalieonum, iga Qotei aqa ŋamgalaq di une saiqoji unum. Deqa iga olo dal anjam dauryqajqa are qalqasai. Di kiyaqa? Dal anjam dena iga ŋambile sqa keresai. Ariya iga Qotei ŋambile gaigai unu qaji a qa are qaloqnsim wauetoqnqom di iga ŋambile sqom.

1 Pita 1:19

Kristus aqa leŋ aiej qaji dena niŋgi awaiŋgej. Kristus aqa leŋ di tulaŋ bolequja. Kristus aqa jejamuq di une bei saiqoji. Agi kaja du du nami Qotei atraiyoqneb qaji naŋgo jejamuq di yu bei saiqoji dego kere.

1 Pita 2:22

Kristus a une bei yosaioqnej. Aqa medabu na gisaŋ anjam bei dego marosaioqnej.

1 Pita 3:10

Agi Qotei aqa anjam bei nami endegsib neŋgreŋyeb unu, “Tamo bei a mandamq endia so bole sqa marsimqa a anjam uge bei maroqnaiq. A gisaŋ anjam dego maroqnaiq.

Jut 1:24

O was qu, Qotei a na niŋgi taqatŋgoqneme. Yim niŋgi uloŋqasai. Mondoŋ a na niŋgi joqsim laŋ qureq osi oqimqa niŋgi aqa riaŋ unsib une saiqoji sosib tulaŋ areboleboleiŋgim sqab.