Uli Anjam 14:3 - Yesus Aqa Anjam Bole

³ Tamo uŋgasari naŋgi di Qotei aqa awo jaram koba namoq di tigelesosibqa wagme qolqe ŋambile so qaji naŋgi ti gate kokba naŋgi ti naŋgo ŋamgalaq dia lou bunuj na louoqneb. Tamo 144,000 Qotei na nami mandamq dena awaiyeleŋej qaji naŋgi segi lou di qalieqa kere. Tamo qudei naŋgi lou di qalieqa keresai.

Uli Anjam 14:3 ပူးပေါင်းရင်းမြစ်များ

1 Korin 1:18

Tamo naŋgi padalqa gamq di unub qaji naŋgi mareqnub, “Kristus a ŋamburbasq di moiej anjam di nanari anjam.” Ariya iga Qotei na eleŋeqnu qaji iga mareqnum, “Kristus a ŋamburbasq di moiej anjam di Qotei aqa siŋgila ti unu.”

1 Korin 2:14

Ariya tamo naŋgi Qotei aqa Mondor ti sosai qaji naŋgi laŋ qa iŋgi iŋgi di oqa keresai. Di kiyaqa? Naŋgi mareqnub, “Iŋgi iŋgi di bolesai. Di nanari tamo naŋgo iŋgi.” O was qu, iŋgi iŋgi di iga Qotei aqa Mondor aqaq dena eleŋeqnum. Deqa tamo naŋgi Qotei aqa Mondor ti sosai qaji naŋgi iŋgi iŋgi deqa poinjrqa keresai. Tamo naŋgi Mondor ti unub qaji naŋgi segi iŋgi iŋgi deqa poinjrqa kere.

Uli Anjam 14:1

Onaqa e olo ŋam atsimqa Kaja Du a Saion manaq di tigelesonaq unem. Tamo 144,000 naŋgi dego a koba na tigelesonab unjrem. Unjrem di naŋgo lanjaq di Kaja Du aqa segi ñam ti aqa Abu aqa ñam ti neŋgreŋyonab soqnej.

Uli Anjam 15:3

Osib Qotei aqa wau tamo Moses aqa lou ti Kaja Du aqa lou na ti endegsib louoqneb, “O Tamo Koba Qotei, siŋgila kalil inoq di unu. Wau kalil ni yeqnum qaji di siŋgila koba. Iga ino wau di unoqnsim deqa tulaŋ prugugeteqnum. Tamo uŋgasari sawa sawa kalilq di unub qaji naŋgo Mandor Koba agi ni segi. Kumbra kalil ni yeqnum qaji di tulaŋ boledamu.

Uli Anjam 2:17

“‘Tamo a dabkala ti sqas di a anjam Qotei aqa Mondor Bole na tamo uŋgasari qure qureq dia ijo ñam qa koroosib loueqnub qaji naŋgi minjreqnu di geregere quem. Tamo a Satan ombla qotsim siŋgilaqas di e na laŋ qure qa iŋgi uliejunu qaji di anaiyit uyqas. Meniŋ qat dego yqai. Osiy meniŋ quraq di ñam bunuj neŋgreŋyqai. Ñam di tamo bei a qalieqasai. Tamo meniŋ oqas qaji a segi qalieqas.’ O Jon, ni anjam degsi neŋgreŋyosim Pergamum naŋgo laŋ aŋgro aqaq qariŋye.”

Uli Anjam 5:9

Wagme qolqe naŋgi ti gate kokba naŋgi ti bosib Kaja Du aqa areq di siŋga pulutosibqa lou bunuj na endegsib louoqneb, “O Kaja Du, ni buk di osimqa kandel aqa namur buk qandratejunu qaji di waqtqa kere. Di kiyaqa? Ni lumnab moisim ino leŋ aiej dena ni na ino segi tamo uŋgasari naŋgi awainjrsimqa Qotei aqa baŋq di ateleŋem unub. Od, tamo uŋgasari leŋ segi segi qaji, anjam maro segi segi qaji, jejamu segi segi qaji, sawa segi segi qaji naŋgi ni na awainjrsimqa Qotei aqa baŋq di ateleŋem unub.

Uli Anjam 7:4

Onaqa tamo gembub naŋgi toqor eleŋeb di marnab quem. Tamo 144,000 naŋgo lanjaq di toqor ateleŋonab e unem. Tamo naŋgi di Israel naŋgo moma utru 12-pela naŋgo leŋ deqaji.