Uli Anjam 14:15 - Yesus Aqa Anjam Bole

¹⁵ Onaqa olo laŋ aŋgro bei Qotei aqa atra talq dena brantosiq tulaŋ koba leleŋosiqa tamo laŋbiq di awesoqnej qaji di minjej, “Iŋgi meli gentqa batiqo. Mandam qa iŋgi kalil meliekritonub. Deqa ni ino sarep osimqa iŋgi meli giŋgeŋye.”

Uli Anjam 14:15 ပူးပေါင်းရင်းမြစ်များ

Matyu 13:30

Deqa niŋgi uratib soqneb. Wit ti pilagiŋ ti koba na oqsib geiteleŋabqa e na ijo wau tamo naŋgi minjrqai, “Niŋgi pilagiŋ otorosib ruwoeleŋosib ŋamyuoq di koitiye. Ariya niŋgi wit osib ijo talq di ateleŋiye.” ’”

Matyu 13:39

Jeu tamo pilagiŋ yago breiyej qaji di Satan. Wit geiteleŋo bati di agi diŋo bati. Ariya wau tamo naŋgi wit otoreleŋeb qaji di agi laŋ aŋgro naŋgi.

Matyu 23:32

Niŋgi degsib marobuleqnub. Deqa uŋgum. Nuŋgo moma naŋgo kumbra uge di niŋgi na olo keretosib yoqniye.

Mak 4:29

Amqa tamo di a bosim serie na giŋgeŋyosim oqas. Meli sau bqo deqa giŋgeŋyosim oqas.”

1 Tesalonaika 2:16

Osib iga na sawa bei bei qaji tamo uŋgasari naŋgi Qotei aqa anjam minjrqajqa gam getentetgeqnub. Sawa bei bei qaji tamo naŋgi Qotei na eleŋaim deqa maroqnsib gam getentetgeqnub. Deqa naŋgi bati gaigai naŋgo segi une tulaŋ kobaqujateqnub. Naŋgo kumbra dena Qotei aqa minjiŋ bosiq naŋgoq di unu.

Uli Anjam 11:19

Gate kokba 24 naŋgi degsib Qotei qa loueqnabqa laŋ aŋgro naŋgi na Qotei aqa atra tal laŋ qureq di unu qaji aqa siraŋ waqtosibqa Qotei aqa dal anjam so qaji ŋam moŋgum tal miligiq di sonaq uneb. Onaqa minjal ti qatroŋ ti kola anjam ti mimiŋ ti ais oŋgol kokba awa bul ti aieleŋeb.

Uli Anjam 13:12

Wagme juwaŋ dena wagme juwaŋ e nami unem qaji aqa siŋgila kalil yaiyosiqa a na mandam ti tamo uŋgasari mandamq di unub qaji naŋgi ti naŋgo areqalo tigel-tetnjreqnaqa naŋgi wagme juwaŋ e nami unem qaji a qa louoqneb. Wagme juwaŋ e nami unem qaji di agi qalnab moisiqa aqa yu olo mosoonaq e aqa pirigi unem.

Uli Anjam 14:14

Ariya e olo ŋam atsimqa laŋbi qat unem. Tamo bei laŋbiq di awesoqnej. Tamo di a Tamo Aŋgro bul. Aqa gateq di gate tatal gol na gereiyo qaji di atsiq soqnej. Aqa baŋq di sarep olekoba tulaŋ qala uge ojesoqnej.

Uli Anjam 14:16

Onaqa tamo laŋbiq di awesoqnej qaji a na aqa sarep ganiŋyosiqa mandamq di iŋgi melieleŋej di kalil giŋgeŋyej.

Uli Anjam 14:17

Onaqa olo laŋ aŋgro bei Qotei aqa atra tal laŋ qureq di unu qaji dena brantej. A dego sarep tulaŋ qala uge ojesoqnej.

Uli Anjam 14:18

A brantonaqa olo laŋ aŋgro bei na a dauryosiqa Qotei aqa atra bijalq dena brantej. Laŋ aŋgro di Qotei na siŋgila yonaqa a ŋamyuo taqatosiq soqnej. A brantosiqa tulaŋ koba leleŋosiqa laŋ aŋgro sarep tulaŋ qala uge ojesoqnej qaji di minjej, “Mandam qa wain sil aqa gei meliekritonub. Deqa ni ino sarep tulaŋ qala uge di osimqa wain sil aqa gei giŋgeŋyosim sawa qujaiq di koroinjre.”

Uli Anjam 15:6

Onaqa laŋ aŋgro 7-pela iŋgi uge 7-pela di ojesoqneb qaji naŋgi Qotei aqa atra talq dena brantosib oqedeb. Naŋgi gara jugo qat tulaŋ boledamu jigeleŋosib alalag gol na gereiyo qaji dena naŋgo are targaq di kaiŋysib soqneb.

Uli Anjam 16:17

Onaqa laŋ aŋgro namba 7 a gilsiqa aqa tabir jagwaq di bilentej. Bilentonaqa atra tal miligiq dia tamo bei na anjam marnaqa e aqa kakoro quem. Tamo di a Qotei aqa awo jaram koba jojomq di tigelesoqnej. A tulaŋ koba leleŋosiqa marej, “Gulube kalil di koboonub.”

Uli Anjam 6:10

Naŋgo qunuŋ tulaŋ koba leleŋosib Qotei endegsib minjoqneb, “O Tamo Koba, ni iŋgi iŋgi kalil naŋgo Mandor Koba. Ni gaigai kumbra bole tiŋtiŋ yeqnum. Ni getento koba. Ni kumbra bole segi yeqnum. Deqa ni na merge. Iga bati gembub tariŋonamqa tamo uŋgasari mandamq di unub qaji naŋgi na lignab gago leŋ aiej deqa ni kamba ñumqam?”