Uli Anjam 13:6 - Yesus Aqa Anjam Bole

⁶ Yoqnsiqa aqa segi medabu waqtoqnsiqa Qotei misiliŋyoqnej. Qotei aqa ñam ti aqa qure koba ti aqa segi tamo uŋgasari laŋ qureq di unub qaji naŋgi ti wagme juwaŋ dena misiliŋnjroqnej.

Uli Anjam 13:6 ပူးပေါင်းရင်းမြစ်များ

Matyu 12:34

Niŋgi tamo uge. Niŋgi amal uge bul. Niŋgi kiersib anjam bole maroqnqab? Tamo naŋgo areqalo naŋgo are miligiq di unu qaji di naŋgo medabuq na branteqnu.

Matyu 15:19

Iŋgi iŋgi tamo naŋgo are miligiq na branteqnu qaji agi ubtsiy merŋgwai. Areqalo uge uge, tamo qaloqa, uŋa qa laoqa, was aqa ŋauŋ anjamyoqa, bajiŋoqa, was aqa jejamu laŋa gisaŋyoqa, was yomuiyoqa.

Jon 1:14

Anjam di a tamo yusiqa gago ambleq di soqnej. Onaqa iga aqa ñam koba ti aqa siŋgila ti di unem. Aqa ñam agiende. A segi qujai Qotei aqa Ŋiri. A iga qa are tulaŋ boleiyeqnu. A segi anjam bole qa utru.

Rom 3:13

Naŋgi kalil anjam uge mareqnub. Tamo moio qaji sub meaŋesonaq tamo naŋgo qusa sub miligiq di qusaeqnu dego kere tamo kalil naŋgo medabu na anjam tulaŋ uge uge mareqnub. Naŋgi gisaŋ anjam koba mareleŋeqnub. Amal uge na tamo uñinjreqnub dego kere tamo kalil naŋgo medabu na tamo uŋgasari naŋgi ugeugeinjreqnub.

Kolosi 1:19

Qotei aqa areqalo agiende. Aqa segi ŋambile ti kumbra ti kalil aqa segi Ŋiri Yesus aqaq di sqas. Deqa Qotei a segi Yesus aqaq di keretsim maqesqas.

Kolosi 2:9

Niŋgi qalie, Kristus a tamo bulyosiq gago ambleq di soqnej. Qotei aqa segi ŋambile ti kumbra ti kalil aqaq di keretsiq maqejunu.

Hibru 9:2

Atra tal di jagwa tal bul. Tal miligiq dia warum bei soqnej. Warum di aqa ñam “Getento Warum.” Warum di naŋgi gereiysib lam ti atra bijal ti atraiyqa bem ti warum miligiq di atnab soqnej.

Hibru 9:24

Iga qalie, Kristus a mandam qaji atra tal tamo naŋgi na gereiyeb qaji di miligiq gilosai. Mandam qaji atra tal di Qotei aqa atra tal bole laŋa sigitejunu. Kristus a laŋ qureq oqej. Deqa bini a Qotei aqa areq di sosiqa iga qa waueqnu.

Uli Anjam 11:12

Onaqa laŋ goge dena laŋ aŋgro bei a tulaŋ koba leleŋosiqa naŋgi aiyel metnjrej, “Niŋgi goge endeq boiye.” Onaqa naŋgi aiyel aqa kakoro qusibqa laŋbi miligiq na laŋ qureq oqeqnabqa naŋgo jeu tamo naŋgi na naŋgi koqnjresoqneb.

Uli Anjam 12:12

Deqa laŋ qure ti tamo uŋgasari laŋ qureq di unub qaji niŋgi ti areboleboleiŋgeme. Ariya mandam ti yuwal ti niŋgi ŋam atiye. Gulube kobaquja nuŋgoq aiqas. Di kiyaqa? Satan a sokiñalayosim padalqas di qalieqo deqa minjiŋ ani oqetqoqa niŋgi ugeugeiŋgwa aiqo.”

Uli Anjam 15:5

Onaqa e olo ŋam atem di Qotei aqa atra tal laŋ qureq di unu qaji aqa siraŋ waqesonaq unem. Tal dia Qotei na aqa anjam bole babteqnu.

Uli Anjam 18:20

“O laŋ qure ti Qotei aqa segi tamo uŋgasari niŋgi ti tamo kalil Yesus na aqa anjam mare mare laqajqa qariŋgej qaji niŋgi ti Qotei aqa medabu o qaji tamo ti niŋgi kalil Babilon qure tulaŋ padalougetqo di unsibqa tulaŋ areboleboleiŋgeme. Babilon aqa kumbra uge uge kalil Qotei na unekritsiqa deqa keretsiq awai uge yqo. Kumbra uge kalil Babilon na niŋgi eŋgoqnej qaji di Qotei na kamba kumbra uge yqo.”

Uli Anjam 21:3

Onaqa Qotei aqa awo jaram namoq dia tamo bei tigelosiq anjam marnaqa e aqa kakoro quem. A tulaŋ koba leleŋosiqa marej, “Niŋgi quiye. Bini Qotei aqa tal aisiq tamo uŋgasari naŋgoq di unu. Deqa Qotei a naŋgo ambleq di sqas. Naŋgi aqa segi tamo uŋgasari sqab. Od, Qotei a naŋgi koba na sqab. A naŋgo Qotei sqas.

Uli Anjam 4:1

Onaqa e olo ŋam atsimqa laŋ goge dia siraŋ bei waqesonaq unem. Unsim koqyeqnamqa tamo nami tulaŋ koba leleŋonaq aqa kakoro gul anjamobulonaq quem qaji a na olo merbej, “Ni goge endeq au. Ni bamqa kumbra kalil bunuqna branteleŋqas qaji di osormqai.”

Uli Anjam 4:4

Ariya e olo ŋam atsimqa awo jaram kokba 24 unjrem. Awo jaram kokba 24 dena Qotei aqa awo jaram ambletesoqneb. Gate kokba 24 naŋgi awo jaramq di awoeleŋesoqneb. Naŋgi gara qat olekokba jigeleŋosib mandor kokba naŋgo gate tatal wala ti gol na gereiyo qaji di ateleŋosib soqneb.

Uli Anjam 5:13

Onaqa iŋgi iŋgi kalil Qotei na marnaq branteleŋeb qaji naŋgi na anjam mareqnab e naŋgo kakoro quem. Iŋgi iŋgi kalil laŋ qureq di unub qaji ti mandamq di unub qaji ti mandam sorgomq di unub qaji ti yuwal miligiq di unub qaji ti naŋgi anjam mareqnab e naŋgo kakoro quem. Od, iŋgi iŋgi kalil sawa sawa kalilq di unub qaji naŋgo kakoro quem. Naŋgi endegsib mareqnab quem, “Qotei awo jaram kobaq di awejunu qaji naŋgi Kaja Du wo bati gaigai ñam koba ti arebolebole ti siŋgila ti oqnsib sqab. Deqa iga bati gaigai naŋgi aiyel biŋinjroqnqom.”

Uli Anjam 7:15

Deqa naŋgi Qotei aqa awo jaram koba namoq di tigelesosibqa naŋgi bati gaigai qanam ti qolo ti Qotei aqa atra tal miligiq di sosibqa a waueteqnub. Qotei awo jaram kobaq di awejunu qaji a segi naŋgi koba na sosimqa taqatnjroqnqas.

Uli Anjam 7:9

Onaqa bunuqna e olo ŋam atsimqa tamo uŋgasari tulaŋ gargekoba koroesonab unjrem. Tamo uŋgasari naŋgi di tamo bei na sisiyqa keresai. Naŋgi tulaŋ gargekoba. Naŋgi di kalil leŋ segi segi qaji, sawa segi segi qaji, jejamu segi segi qaji, anjam maro segi segi qaji. Naŋgi Qotei aqa awo jaram ti Kaja Du ti naŋgo areq di tigelosibqa gara jugo qat olekokba jigeleŋosib naŋgo baŋ na tuwom baŋga ojeleŋesoqneb.