Uli Anjam 12:4 - Yesus Aqa Anjam Bole

⁴ Aqa weru na bongar kalil laŋ taqal qujaiq di so qaji naŋgi butuynjrnaqa ululoŋosib mandamq aieleŋeb. Laŋ taqal aiyelq di sai. Naŋgi bole soqneb. Ariya uŋa di aŋgrotimqa amal dena aŋgro di qalsim uyqajqa deqa uŋa aqa areq di tigelesosiq koqyosiq tariŋoqnej.

Uli Anjam 12:4 ပူးပေါင်းရင်းမြစ်များ

Jon 8:44

Niŋgi nuŋgo abu Satan aqa aŋgro. Niŋgi nuŋgo abu Satan aqa areqalo dauryqajqa tulaŋ siŋgilaeqnub. Satan a nami tamo qalo qaji tamo soqnej agi bini unu. A kumbra bole dauryosaieqnu. Di kiyaqa? A kumbra bole dauryqajqa torei urateqnu. A anjam marqas di a gisaŋ anjam segi marqas. A gisaŋ anjam qa utru. A gisaŋ tamo. A gisaŋ anjam kalil aqa abu.

1 Pita 5:8

Niŋgi nuŋgo segi walwel geregere taqatosib ŋam atsib soqniye. Bauŋ juwaŋ naŋgi tulaŋ leleŋoqnsib tamo ñumoqnsib uyeqnub dego kere nuŋgo jeu tamo Satan a na gaigai tamo uŋgasari naŋgi padaltnjrqajqa ŋamosiq laqnu.

Uli Anjam 12:7

Ariya laŋ goge dia qoto koba brantej. Maikel aqa laŋ aŋgro naŋgi ti tigelosib amal kobaquja qoto iteb. Onaqa amal kobaquja aqa laŋ aŋgro naŋgi ti kamba tigelosib Maikel aqa laŋ aŋgro naŋgi ti qoto itnjreb.

Uli Anjam 12:9

Qotei aqa laŋ aŋgro naŋgi na amal di osib waiyonab mandamq aiej. Amal di nami soqnej qaji. Aqa ñam Satan. Aqa ñam bei, “Tamo Uŋgasari Kalil Naŋgo Ñam Ugetetnjro Qaji Tamo.” A na tamo uŋgasari kalil mandamq di so qaji naŋgi gisa gisaŋnjroqnej. A ti aqa laŋ aŋgro naŋgi ti kalil wainjrnab mandamq aieb.

Uli Anjam 13:2

Wagme juwaŋ e unem qaji di pusi juwaŋ bul kobaquja. Pusi di aqa ñam lepat. Aqa siŋga bea aqa siŋga bul. Aqa medabu laion aqa medabu bul. Amal uge kobaquja a na aqa segi siŋgila wagme juwaŋ di yosiqa minjej, “Ni e ombla mandor kokba sqom.” Osiqa a siŋgila kobaquja yej.

Uli Anjam 13:4

Amal uge kobaquja a na aqa segi siŋgila wagme juwaŋ di yej deqa tamo uŋgasari naŋgi amal aqa ñam soqtoqneb. Osib wagme juwaŋ dego aqa ñam soqtoqnsibqa maroqneb, “Tamo yai aqa siŋgila wagme juwaŋ aqa siŋgila ti kere? Tamo yai na a qoto itqa kere? Tamo deqaji bei sosai.”

Uli Anjam 16:13

Onaqa e olo ŋam atsimqa mondor uge qalub unjrem. Mondor uge qalub di balum du du bul. Naŋgi amal uge aqa medabuq na, wagme juwaŋ aqa medabuq na ti, Satan aqa gisaŋ anjam maro tamo aqa medabuq na ti branteleŋeb.

Uli Anjam 17:18

Uŋa ni unonum qaji di aqa utru e na ubtit ni quqwam. Uŋa di a qure kobaquja. A mandor kokba kalil mandamq di unub qaji naŋgo mandor koba sosiqa naŋgi taqatnjreqnu.”

Uli Anjam 20:2

Aisiq amal kobaquja di ojsiq sil dena tontej. A wausau 1,000 tontim sqas. Amal di nami soqnej qaji. Aqa ñam Satan. Aqa ñam bei, “Tamo Kalil Naŋgo Ñam Ugetnjro Qaji Tamo.”

Uli Anjam 8:10

Onaqa laŋ aŋgro namba 3 na aqa gul anjamonaqa bongar kobaquja tor bul yusiq puloŋosiq laŋ qure uratosiq ya ti ya jumbum ti mandam taqal qujaiq di so qaji deq aiej. Mandam taqal aiyelq di sai.

Uli Anjam 8:11

Bongar di aqa ñam Isa Koba. Bongar di ya ti ya jumbum ti mandam taqal qujaiq di so qaji deq ainaqa ya di isakobaeb. Deqa tamo gargekoba naŋgi ya di uysib isakoba-injrnaqa moreŋeb.

Uli Anjam 8:12

Onaqa laŋ aŋgro namba 4 na aqa gul anjamonaqa seŋ taqal qujai ugeej. Bai taqal qujai dego ugeej. Bongar kalil laŋ taqal qujaiq di so qaji naŋgi dego ugeeleŋeb. Laŋ taqal aiyelq di sai. Deqa qanam seŋ taqal qujai ambruej. Qolo bai taqal qujai ambruej. Bongar kalil laŋ taqal qujaiq di so qaji naŋgi dego ambrueleŋeb.

Uli Anjam 8:7

Onaqa laŋ aŋgro namba 1 a namo aqa gul anjamej. Gul anjamonaqa ais awa bul ŋamyuo ti leŋ ti turtosib mandamq aieb. Aisib ŋamtaŋ ti ñiŋ ti mandam taqal qujaiq di so qaji di kalil yuekriteb. Mandam taqal aiyel uratonab soqnej.

Uli Anjam 8:8

Ariya laŋ aŋgro namba 2 na aqa gul anjamonaqa iŋgi bei mana kobaquja bul yusiq puloŋeqnaqa osib waiyonab yuwalq aiej. Ainaqa yuwal taqal qujai leŋ bulyej. Yuwal taqal aiyel leŋ bulyosai.

Uli Anjam 8:9

Degonaqa wagme kalil yuwal taqal qujaiq di ŋambile so qaji naŋgi moreŋeb. Qobuŋ kalil dego yuwal taqal qujaiq di so qaji naŋgi padalekriteb.

Uli Anjam 9:10

Sis naŋgo weru belqalaqala naŋgo weru bul, qaja ti. Naŋgo weru dena tamo naŋgi uñinjroqnsib jaqatiŋ koba enjreqnub. Sis naŋgo siŋgila weruqsi unu. Weru dena tamo uŋgasari naŋgi jaqatiŋ tulaŋ koba enjroqnibqa bai 5-pela naŋgi jaqatiŋ oqnsib sqab.

Uli Anjam 9:19

Hos naŋgo siŋgila naŋgo medabuqsi weruqsi unu. Naŋgo weru amal bul, gate ti. Naŋgo weru dena tamo uŋgasari naŋgi ugeugeinjroqneb.