Uli Anjam 12:12 - Yesus Aqa Anjam Bole

¹² Deqa laŋ qure ti tamo uŋgasari laŋ qureq di unub qaji niŋgi ti areboleboleiŋgeme. Ariya mandam ti yuwal ti niŋgi ŋam atiye. Gulube kobaquja nuŋgoq aiqas. Di kiyaqa? Satan a sokiñalayosim padalqas di qalieqo deqa minjiŋ ani oqetqoqa niŋgi ugeugeiŋgwa aiqo.”

Uli Anjam 12:12 ပူးပေါင်းရင်းမြစ်များ

Luk 15:10

Osiqa Yesus na olo minjrej, “Dego kere une tamo qujai a are bulyimqa Qotei aqa laŋ aŋgro naŋgi a qa tulaŋ areboleboleinjrqas.”

Luk 2:14

“Laŋ goge dia Qotei a ñam kobaquja oqo. Mandamq endia tamo uŋgasari naŋgi are lawo na soqnebe. Qotei a naŋgi qa are boleiyeqnu.”

Hibru 10:37

Agi Qotei aqa anjam bei nami endegsib neŋgreŋyeb unu, “Sokiñala tamo bunuqna bqas qaji di a bqas. Deqa a tariŋsokobaiyqasai. A urur boqujatqas.

2 Pita 3:8

O ijo was bole, niŋgi ijo anjam bei endi geregere qusib olo are walŋgaiq. Qotei aqa areqalo agiende. Bati qujai a wausau 1,000 dego kere. Wausau 1,000 a bati qujai dego kere. Bati qujai ti wausau 1,000 ti naŋgi ombla kerekere. Qotei aqa areqalo agide.

Uli Anjam 10:6

Osiqa Qotei laŋ ti mandam ti yuwal ti iŋgi iŋgi kalil ti ateleŋej qaji aqa ñam na endegsi marej, “Niŋgi quiye. E bole marqai. Diŋo bati jojomqo. Deqa Qotei a tariŋsokobaiyqasai.

Uli Anjam 11:10

Naŋgi aiyel moreŋonub deqa tamo uŋgasari kalil mandamq di unub qaji naŋgi tulaŋ arebole-boleinjroqnimqa iŋgi uyoqnsib lou tuoqnib naŋgo was naŋgi korooqnib lueinjroqnqab. Naŋgi kumbra degyoqnqab. Di kiyaqa? Qotei aqa medabu o qaji tamo aiyel dena tamo uŋgasari kalil mandamq di so qaji naŋgi jaqatiŋ koba enjroqneb deqa.

Uli Anjam 11:14

Ariya gulube kobaquja namba 2 agi koboqo. Niŋgi quiye. Sokiñalaysimqa olo gulube kobaquja namba 3 brantqas.

Uli Anjam 12:9

Qotei aqa laŋ aŋgro naŋgi na amal di osib waiyonab mandamq aiej. Amal di nami soqnej qaji. Aqa ñam Satan. Aqa ñam bei, “Tamo Uŋgasari Kalil Naŋgo Ñam Ugetetnjro Qaji Tamo.” A na tamo uŋgasari kalil mandamq di so qaji naŋgi gisa gisaŋnjroqnej. A ti aqa laŋ aŋgro naŋgi ti kalil wainjrnab mandamq aieb.

Uli Anjam 13:6

Yoqnsiqa aqa segi medabu waqtoqnsiqa Qotei misiliŋyoqnej. Qotei aqa ñam ti aqa qure koba ti aqa segi tamo uŋgasari laŋ qureq di unub qaji naŋgi ti wagme juwaŋ dena misiliŋnjroqnej.

Uli Anjam 18:20

“O laŋ qure ti Qotei aqa segi tamo uŋgasari niŋgi ti tamo kalil Yesus na aqa anjam mare mare laqajqa qariŋgej qaji niŋgi ti Qotei aqa medabu o qaji tamo ti niŋgi kalil Babilon qure tulaŋ padalougetqo di unsibqa tulaŋ areboleboleiŋgeme. Babilon aqa kumbra uge uge kalil Qotei na unekritsiqa deqa keretsiq awai uge yqo. Kumbra uge kalil Babilon na niŋgi eŋgoqnej qaji di Qotei na kamba kumbra uge yqo.”

Uli Anjam 8:13

Onaqa e olo ŋam atsimqa baira kobaquja laŋ sorgomq dia tiosi laqnaq unem. A tulaŋ koba leleŋosiq endegsi marnaq quem, “O aiyo! Laŋ aŋgro qalub naŋgi gul anjamosaiunub. Naŋgi gul anjamabqa tamo uŋgasari mandamq di unub qaji naŋgi gulube tulaŋ kokba osib padalougetqab.”

Uli Anjam 9:12

Ariya gulube kobaquja namba 1 agi koboqo. Niŋgi quiye. Gulube kokba aiyel brantosaiunub. Sokiñalaysib brantqab.