Uli Anjam 12:1 - Yesus Aqa Anjam Bole

¹ Ariya laŋ goge dia Qotei aqa maŋwa bei brantonaq unem. E unem di uŋa bei tigelesoqnej. Uŋa di a seŋ na kabuosiqa baiq di tigelesoqnej. Aqa gateq di bongar 12-pela atsiq soqnej.

Uli Anjam 12:1 ပူးပေါင်းရင်းမြစ်များ

Matyu 12:38

Onaqa dal anjam qalie tamo qudei ti Farisi qudei ti naŋgi na kamba Yesus minjeb, “O Qalie Tamo Koba, ni endego Qotei aqa maŋwa bei babtimqa iga unsim dena poigwas, bole, ni Qotei aqa wau ojeqnum.”

Matyu 24:30

Bati deqa e Tamo Aŋgro bqai. Ijo toqor a laŋ goge dia brantimqa tamo uŋgasari sawa sawa kalilq di unub qaji naŋgi e qa akamugetqab. E Tamo Aŋgro siŋgila ti riaŋ ti laŋbiq na boqnit tamo uŋgasari kalil naŋgi e nubqab.

Mak 13:25

Bongar naŋgi laŋ goge dena ululoŋosib mandamq aiqab. Laŋ goge dia iŋgi iŋgi kalil reŋgiŋyeleŋqab.

Luk 21:11

Sawa bei beiq dia mimiŋ kokba ti ma uge ti mam ti iŋgi saio bati dego branteleŋqas. Laŋ goge dia maŋwa bei bei brantoqnibqa tamo uŋgasari naŋgi unoqnsib ulaugetoqnqab.

Luk 21:25

“Bati deqa seŋ ambruqas. Bai dego suwaŋqasai. Bongar naŋgi ululoŋosib mandamq aieleŋqab. Yuwal dego korkortosim anjam atoqnimqa tamo uŋgasari sawa sawa kalilq di so qaji naŋgi quoqnib dena naŋgo areqalo niñaqyetnjroqnimqa naŋgi tulaŋ ulaugetoqnqab.

Jon 3:29

Tamo uŋa baŋ ojqas qaji a segi na uŋa di oqas. Aqa was a laŋa qalaq di tigelesosimqa tamo uŋa baŋ ojqo qaji aqa anjam quoqnqas. Qusimqa tulaŋ areboleboleiyqas. Dego kere e bini tulaŋ areboleboleibqo.

Aposel 2:19

Laŋ goge dia e na maŋwa gargekoba yoqnqai. Mandamq dia dego maŋwa gargekoba yoqnqai. Leŋ ti ŋamyuo ti qurem koba ti qariŋyit mandamq aiqas.

Rom 13:14

Niŋgi Tamo Koba Yesus Kristus beteryosib a gara bul jigsib soqniye. Sosib deqa niŋgi nuŋgo jejamu qa areqalo uge uge di dauryqajqa are qaloqnqasai.

Rom 3:22

Gam agiende. Tamo uŋgasari Yesus Kristus qa naŋgo areqalo siŋgilateqnub qaji naŋgi segi Qotei na tamo bole une saiqoji qa minjreqnu. Gam di segi. Gam bei saiqoji.

2 Korin 11:2

Qotei aqa tamo uŋgasari naŋgi a segi qujai tulaŋ qalaqalaiyoqnsib aqa sorgomq di sqajqa deqa a tulaŋ siŋgilaeqnu. Dego kere e dego niŋgi Kristus dauryqajqa tulaŋ siŋgilaeqnum. E segi nami niŋgi osim Kristus yonam a na niŋgi eleŋej. Deqa tamo bei na aqa duŋge nami tamo bei wo anjamosai qaji di osim tamo qujai yim a na oqas dego kere mondoŋ e niŋgi olo osiy Kristus yitqa a na niŋgi torei oqas.

Galesia 3:27

Niŋgi kalil yanso osib Kristus beteryejunub deqa niŋgi Kristus a gara bul jigsib unub.

Galesia 4:26

Ariya Jerusalem bunuj a laŋ goge di unu. A kaŋgal uŋa sai. A gago ai bul.

Galesia 6:14

Ariya e ijo segi ñam soqtqa keresai. E tamo bei aqa ñam dego soqtqa keresai. E Yesus Kristus aqa ñam segi soqtqai. A ŋamburbasq di moiej e deqa segi areboleboleibeqnu. Kristus a ŋamburbasq di moiej aqa wau dena mandam qa kumbra kalil ijo areqaloq di unu qaji di moiobuleb. E segi dego ŋamburbasq di moiobulem deqa e olo mandam qa kumbra dauryqa keresai.

Efesus 5:32

O was qu, Qotei aqa uli anjam di tulaŋ kobaquja. E Kristus a ti aqa segi tamo uŋgasari naŋgi ti sigitnjrsim agi niŋgi merŋgonum.

Uli Anjam 1:20

Bongar 7-pela ijo baŋ woq di unub qaji naŋgi ti lam 7-pela gol na gereiyo qaji naŋgi ti di ni unjronum. Di anjam ulito qaji. Aqa utru agi mermqai. Ni que. Bongar 7-pela di agi tamo uŋgasari qure 7-pelaq dia e qa loueqnub qaji naŋgo laŋ aŋgro 7-pela naŋgi. Lam 7-pela di agi tamo uŋgasari qure 7-pelaq dia e qa loueqnub qaji naŋgi.”

Uli Anjam 11:19

Gate kokba 24 naŋgi degsib Qotei qa loueqnabqa laŋ aŋgro naŋgi na Qotei aqa atra tal laŋ qureq di unu qaji aqa siraŋ waqtosibqa Qotei aqa dal anjam so qaji ŋam moŋgum tal miligiq di sonaq uneb. Onaqa minjal ti qatroŋ ti kola anjam ti mimiŋ ti ais oŋgol kokba awa bul ti aieleŋeb.

Uli Anjam 12:3

Onaqa laŋ goge dia maŋwa bei brantonaq unem. E unem di amal uge lent kobaquja soqnej. Amal di aqa gate 7-pela ti aqa qala 10-pela ti soqnej. Aqa gateq di dego gate tatal 7-pela soqneb. Gate tatal di mandor kokba naŋgi na ateqnub deqaji bul.

Uli Anjam 15:1

Onaqa maŋwa kobaquja bei laŋ goge di brantonaq unem. Unsimqa tulaŋ koba prugugetem. Laŋ aŋgro 7-pela naŋgi iŋgi uge 7-pela ojesonab uneleŋem. Tamo uŋgasari naŋgi ugeugeinjrqajqa deqa iŋgi uge di ojesoqneb. Iŋgi uge di koboamqa gulube bei brantqasai. Iŋgi uge 7-pela di koboamqa Qotei aqa minjiŋ torei koboqas.

Uli Anjam 21:14

Meniŋ kokba 12-pela na dadaŋ aqa utru siŋgilateb. Meniŋ quraq di tamo 12-pela Kaja Du na qariŋnjrnaq aqa anjam marsib laqneb qaji naŋgo ñam atnab soqneb.

Uli Anjam 21:23

Qure di seŋ ti bai ti na suwantosai. Qotei aqa segi riaŋ na qure di suwantoqnqas. Kaja Du a segi qure di aqa puloŋ.