Uli Anjam 11:9 - Yesus Aqa Anjam Bole

⁹ Naŋgo aiyel jejamu gam ambleq di soqnibqa tamo uŋgasari jejamu segi segi qaji, sawa segi segi qaji, anjam maro segi segi qaji, leŋ segi segi qaji kalil naŋgi beleŋosib naŋgo aiyel jejamu koqnjroqnibqa bati qalub bei oto gilqas. Naŋgo aiyel jejamu subq atqa saidoqnqab.

Uli Anjam 11:9 ပူးပေါင်းရင်းမြစ်များ

Matyu 7:2

Niŋgi tamo naŋgi kumbra enjroqnqab dego kere Qotei a kamba niŋgi kumbra eŋgoqnqas. Niŋgi tamo naŋgo kumbra qa naŋgi peginjrqab dego kere Qotei a kamba nuŋgo kumbra di keretosim niŋgi pegiŋgwas.

Uli Anjam 10:11

Onaqa naŋgi na olo merbeb, “Ni Qotei aqa medabu osimqa anjam palontoqnqam. Tamo uŋgasari leŋ segi segi qaji, sawa segi segi qaji, anjam maro segi segi qaji naŋgo kumbra qa ni anjam palontoqnqam. Mandor kokba gargekoba naŋgo kumbra qa dego ni anjam palontoqnqam.”

Uli Anjam 11:11

Bati qalub bei oto di koboonaqa Qotei na jagwa qariŋyonaqa naŋgo aiyel miligiq aiej. Ainaqa naŋgi aiyel olo mondor osib ŋambile sosib tigeleb. Tigelonabqa tamo uŋgasari naŋgi na naŋgi aiyel unjrsib tulaŋ ulaugeteb.

Uli Anjam 13:7

Onaqa Qotei na wagme juwaŋ di olo odyonaqa tigelosiqa Qotei aqa segi tamo uŋgasari naŋgi qoto itnjroqnsiqa naŋgi ñumoqnsiqa a segi qoto siŋgilaoqnej. Onaqa Qotei na a olo siŋgila yonaqa a na tamo uŋgasari kalil leŋ segi segi qaji, sawa segi segi qaji, anjam maro segi segi qaji, jejamu segi segi qaji naŋgi taqatnjroqnej.

Uli Anjam 17:15

Onaqa laŋ aŋgro dena olo merbej, “Ya kokba sambala uŋa a di awesonaq ni unonum qaji di aqa utru e na ubtit ni quqwam. Ya kokba di tamo uŋgasari tulaŋ gargekoba leŋ segi segi qaji, jejamu segi segi qaji, anjam maro segi segi qaji naŋgi.

Uli Anjam 5:8

Buk di yaiyonaqa wagme ŋambile so qaji qolqe naŋgi ti gate kokba 24 naŋgi ti bosib Kaja Du aqa areq di siŋga puluteb. Naŋgi kalil segi segi gombiŋ ti tabir gol na gereiyo qaji ti ojeleŋesoqneb. Tabirq dena qurem oqoqnsiqa Abu aqa ulatamuq di branteqnu. Qurem di quleq bole. Qurem di aqa utru agiende. Qotei aqa segi tamo uŋgasari naŋgo pailyo qurem bul oqoqnsiqa aqa ulatamuq di branteqnu.

Uli Anjam 5:9

Wagme qolqe naŋgi ti gate kokba naŋgi ti bosib Kaja Du aqa areq di siŋga pulutosibqa lou bunuj na endegsib louoqneb, “O Kaja Du, ni buk di osimqa kandel aqa namur buk qandratejunu qaji di waqtqa kere. Di kiyaqa? Ni lumnab moisim ino leŋ aiej dena ni na ino segi tamo uŋgasari naŋgi awainjrsimqa Qotei aqa baŋq di ateleŋem unub. Od, tamo uŋgasari leŋ segi segi qaji, anjam maro segi segi qaji, jejamu segi segi qaji, sawa segi segi qaji naŋgi ni na awainjrsimqa Qotei aqa baŋq di ateleŋem unub.