Uli Anjam 11:8 - Yesus Aqa Anjam Bole

⁸ Moreŋabqa naŋgo aiyel jejamu qure aqa gam koba ambleq di uratnjrib sqab. Qure di aqa ñam iga sasirosim mareqnum, “Sodom ti Isip ti.” Qure dia nami naŋgo Tamo Koba ŋamburbasq di qamnab moiej.

Uli Anjam 11:8 ပူးပေါင်းရင်းမြစ်များ

Matyu 10:15

Niŋgi quiye. E bole merŋgwai. Mondoŋ Qotei na tamo uŋgasari naŋgo une qa peginjrqa batiamqa qure deqaji tamo uŋgasari naŋgi ijo anjam uratonub deqa Qotei na naŋgi tulaŋ padaltnjrougetqas. Ariya Sodom qure ti Gomora qure ti naŋgi Qotei na mondoŋ degsim padaltnjrqasai. A na naŋgi gulube kiñala enjrqas. Di kiyaqa? Naŋgi ijo ñam qaliesai deqa.”

Hibru 13:12

Dego kere Yesus a dego Jerusalem qure qalaq aisiq dia jaqatiŋ osiq aqa segi leŋ bilentosiq tamo uŋgasari naŋgi qa moiej. Aqa leŋ dena tamo uŋgasari naŋgi yansnjrimqa naŋgi Qotei aqa segi tamo uŋgasari boledamu sqajqa deqa marsiq naŋgi qa moiej.

Hibru 6:6

Ariya bunuqna tamo naŋgi di olo uloŋosib Qotei aqa anjam qoreiyeb. Deqa naŋgi olo bunuqna puluosib are bulyqajqa gam saiinjrej. Naŋgo kumbra dena naŋgi na Qotei aqa Ŋiri Yesus olo ŋamburbasq di qamobulosib tamo uŋgasari naŋgo ŋamgalaq di aqa ñam ugeugeiyeb.

2 Pita 2:6

Sodom qure ti Gomora qure ti naŋgi dego Qotei na padaltnjrqa marsiqa ŋamyuo qariŋyonaqa aisiq naŋgi koitnjrnaq naŋgi torei padalekriteb. Deqa bunuqna tamo naŋgi Qotei qoreiyeqnub qaji naŋgi Sodom ti Gomora ti naŋgi qa are qaloqnsib ulaoqnqab.

Jut 1:7

Nami Sodom ti Gomora ti qure kalil jojomq di soqneb qaji naŋgi ti laŋ aŋgro uge naŋgo kumbra di dauryoqnsib sambala kumbra tulaŋ ugedamu yoqneb. Naŋgo sambala kumbra di tulaŋ bei. Deqa mondoŋ Qotei na naŋgi ŋamyuo kobaq di breinjrim naŋgi bati gaigai dia sqab. Deqa was qu, iga kumbra uge deqa are qaloqnsim ulaoqnqom. Osim kumbra uge di dauryqa uratqom.

Uli Anjam 11:13

Onaqa bati qujai deqa mimiŋ tulaŋ kobaquja dosiq qure koba di reŋgiŋyonaqa qure taqal qujai bei padalej. Qure taqal 9-pela soqneb. Mimiŋ dena tamo uŋgasari 7,000 padaltnjrej. Onaqa tamo uŋgasari mimiŋ dena padaltnjrosai qaji naŋgi tulaŋ ulaugetosib Qotei laŋ qureq di unu qaji aqa ñam soqteb.

Uli Anjam 11:9

Naŋgo aiyel jejamu gam ambleq di soqnibqa tamo uŋgasari jejamu segi segi qaji, sawa segi segi qaji, anjam maro segi segi qaji, leŋ segi segi qaji kalil naŋgi beleŋosib naŋgo aiyel jejamu koqnjroqnibqa bati qalub bei oto gilqas. Naŋgo aiyel jejamu subq atqa saidoqnqab.

Uli Anjam 14:20

Kulum di qure koba aqa polomq di ateb unu. Kulumq dia naŋgi na wain sil aqa gei paraparainjrnabqa kulumq dena leŋ koba aisiqa mandamq di tulaŋ koba maqosiq oqsiq hos naŋgo medabu tiŋq di diŋej. Osiqa sawa tulaŋ kobaquja kabutej. 300 kilomita dego.

Uli Anjam 14:8

Onaqa laŋ aŋgro bei na laŋ aŋgro di dauryosiq bej. Bosiq endegsi marej, “Qure koba Babilon a tulaŋ padalougetqo! Od, a tulaŋ padalougetqo! Babilon a na tamo uŋgasari kalil mandamq di so qaji naŋgi aqa sambala kumbra dauryoqnqajqa deqa are tigeltetnjroqnej. Aqa kumbra di a na wain siŋgila koba naŋgi anainjreqnaq nanarioqneb dego bul.”

Uli Anjam 16:19

Ariya mimiŋ di brantosiqa Babilon qure koba tulaŋ niñaqyosiqa potoqalubtej. Qure qure kalil dego mimiŋ dena padaleleŋeb. Babilon aqa kumbra tulaŋ ugedamu. Aqa kumbra deqa Qotei a are qalsiqa wain siŋgila koba gambaŋq di qamsiq Babilon anaiyonaq uysiq nanariej. Wain di Qotei aqa minjiŋ koba.

Uli Anjam 17:1

Onaqa laŋ aŋgro 7-pela tabir 7-pela ojesoqneb deqaji bei na bosiqa merbej, “Ni endeq au. Bamqa Qotei na sambala uŋa kobaquja aqa une qa pegiyosim a awai uge yim ni osormit unqam. Sambala uŋa di agi ya kokbaq di awejunu.

Uli Anjam 17:18

Uŋa ni unonum qaji di aqa utru e na ubtit ni quqwam. Uŋa di a qure kobaquja. A mandor kokba kalil mandamq di unub qaji naŋgo mandor koba sosiqa naŋgi taqatnjreqnu.”

Uli Anjam 17:5

Uŋa di aqa ñam aqa lanjaqsi neŋgreŋyonab soqnej. Ñam di sasir anjam. Aqa ñam bole agiende, “Babilon qure kobaquja. A sambala uŋa kalil naŋgo ai. Kumbra uge uge kalil mandamq di so qaji naŋgo ai agi a segi.” Aqa ñam bole agide.

Uli Anjam 18:10

Naŋgi Babilon aqa jaqatiŋ koba di unsibqa tulaŋ ulaugetqab. Osib isaq di tigelesosib maroqnqab, ‘O Babilon, ni qure kobaquja! Ni nami qure siŋgila koba soqnem! Ariya bini ni tulaŋ padalougetonum! Bati qujai qa ino kumbra uge aqa awai agi ni itonum!’

Uli Anjam 18:18

Tigelesosib ŋamyuo na a yuim qurem oqoqnimqa di unsibqa tulaŋ koba leleŋoqnsib maroqnqab, ‘Qure endi tulaŋ kobaquja. Qure bei qure ende ti keresai. Sai bolesai!’

Uli Anjam 18:2

Onaqa a tulaŋ koba leleŋosiqa endegsi marej, “Babilon qure kobaquja a tulaŋ padalougetqo! Od, a tulaŋ padalougetqo! Babilon qure di mondor uge uge kalil naŋgo so sawa. Mondor uge naŋgi ti qebari jigat naŋgi ti qebari uge kalil dego qure dia unub.

Uli Anjam 18:21

Ariya anjam di koboonaqa laŋ aŋgro siŋgila koba bei a bosiqa wit kuroyo qaji meniŋ kobaquja osiq soqtosiqa yuwalq di waiyej. Osiqa marej, “Qotei na degsim Babilon qure koba siŋgila na waiyim koboqas. Yim tamo qudei naŋgi na olo bunu a unqasai.

Uli Anjam 18:24

Babilon qure a na Qotei aqa medabu o qaji tamo naŋgi ti Qotei aqa segi tamo uŋgasari naŋgi ti ñumeqnaq moreŋoqneb. Aqa une di aqa jejamuq di sonaqa Qotei a unqo. Tamo kalil jeu tamo naŋgi na mandamq endia ñumeqnab moreŋoqneb qaji naŋgo leŋ ainaq Qotei a di unsiqa agi Babilon aqa jejamuq di atqo.