Uli Anjam 11:19 - Yesus Aqa Anjam Bole

¹⁹ Gate kokba 24 naŋgi degsib Qotei qa loueqnabqa laŋ aŋgro naŋgi na Qotei aqa atra tal laŋ qureq di unu qaji aqa siraŋ waqtosibqa Qotei aqa dal anjam so qaji ŋam moŋgum tal miligiq di sonaq uneb. Onaqa minjal ti qatroŋ ti kola anjam ti mimiŋ ti ais oŋgol kokba awa bul ti aieleŋeb.

Uli Anjam 11:19 ပူးပေါင်းရင်းမြစ်များ

Uli Anjam 11:13

Onaqa bati qujai deqa mimiŋ tulaŋ kobaquja dosiq qure koba di reŋgiŋyonaqa qure taqal qujai bei padalej. Qure taqal 9-pela soqneb. Mimiŋ dena tamo uŋgasari 7,000 padaltnjrej. Onaqa tamo uŋgasari mimiŋ dena padaltnjrosai qaji naŋgi tulaŋ ulaugetosib Qotei laŋ qureq di unu qaji aqa ñam soqteb.

Uli Anjam 11:15

Ariya laŋ aŋgro namba 7 na aqa gul anjamonaqa tamo uŋgasari kalil laŋ qureq di unub qaji naŋgi tulaŋ koba leleŋosib endegsib marnab quem, “Gago Tamo Koba Qotei naŋgi aqa Ŋiri Kristus wo Mandor Kokba sqajqa bati agi brantqo. Deqa naŋgi aiyel bati gaigai Mandor Kokba sosib sawa sawa kalil taqatnjroqnqab.”

Uli Anjam 12:1

Ariya laŋ goge dia Qotei aqa maŋwa bei brantonaq unem. E unem di uŋa bei tigelesoqnej. Uŋa di a seŋ na kabuosiqa baiq di tigelesoqnej. Aqa gateq di bongar 12-pela atsiq soqnej.

Uli Anjam 16:1

Onaqa tamo bei Qotei aqa atra tal miligiq di soqnej qaji a na anjam bei marnaqa e aqa kakoro quem. A tulaŋ koba leleŋosiqa laŋ aŋgro 7-pela naŋgi di endegsi minjrej, “Niŋgi tabir 7-pela Qotei aqa minjiŋ na maqeleŋejunu qaji di bilentib mandamq aiem.”

Uli Anjam 16:18

Onaqa minjal ti qatroŋ ti kola anjam ti branteb. Mimiŋ dego brantej. Mimiŋ di tulaŋ kobaquja. Mimiŋ deqaji nami brantosaioqnej. Qotei na Adam gereiyej bati deqa mimiŋ deqaji brantosai dena bosi bosiq agi bini unum.

Uli Anjam 16:21

Bati deqa ais oŋgol kokba awa bul aieleŋej. Ais oŋgol di tulaŋ kokba. Ais oŋgol segi segi naŋgo gulube 50 kilogram. Ais di laŋ goge dena tamo naŋgo jejamuq aisiqa naŋgi tulaŋ ugeugeinjrej. Qotei na ais di qariŋyej deqa tamo naŋgi minjiŋ oqetnjrnaqa Qotei misiliŋyoqneb.

Uli Anjam 19:11

Onaqa e olo ŋam atsimqa laŋ waqonaqa hos qat bei brantonaq unem. Tamo hos quraq di awesoqnej qaji aqa ñam agiende, “Qotei aqa Wau Geregere Taqateqnu Qaji Tamo.” Aqa ñam bei, “Kumbra Bole Yeqnu Qaji Tamo.” A kumbra tiŋtiŋ na tamo uŋgasari naŋgo une qa peginjroqnsiqa naŋgi qoto itnjreqnu.

Uli Anjam 4:1

Onaqa e olo ŋam atsimqa laŋ goge dia siraŋ bei waqesonaq unem. Unsim koqyeqnamqa tamo nami tulaŋ koba leleŋonaq aqa kakoro gul anjamobulonaq quem qaji a na olo merbej, “Ni goge endeq au. Ni bamqa kumbra kalil bunuqna branteleŋqas qaji di osormqai.”

Uli Anjam 4:5

Qotei aqa awo jaramq dena minjal branteqnaq unem. Qatroŋ ti kola anjam ti dego branteqnaq quem. Awo jaram namoq di ŋam puloŋ 7-pela pumbloŋeleŋeb. Ŋam puloŋ di agi Qotei aqa Mondor 7-pela naŋgi.

Uli Anjam 7:15

Deqa naŋgi Qotei aqa awo jaram koba namoq di tigelesosibqa naŋgi bati gaigai qanam ti qolo ti Qotei aqa atra tal miligiq di sosibqa a waueteqnub. Qotei awo jaram kobaq di awejunu qaji a segi naŋgi koba na sosimqa taqatnjroqnqas.

Uli Anjam 8:5

Onaqa laŋ aŋgro dena tabir di osiqa atra bijalq dena ŋamyuo osiqa tabirq di jugonaq maqonaqa waiyonaq mandamq aiej. Aisiqa kola anjam ti qatroŋ ti minjal ti mimiŋ koba ti brantej.

Uli Anjam 8:7

Onaqa laŋ aŋgro namba 1 a namo aqa gul anjamej. Gul anjamonaqa ais awa bul ŋamyuo ti leŋ ti turtosib mandamq aieb. Aisib ŋamtaŋ ti ñiŋ ti mandam taqal qujaiq di so qaji di kalil yuekriteb. Mandam taqal aiyel uratonab soqnej.