Uli Anjam 10:1 - Yesus Aqa Anjam Bole

¹ Onaqa e olo ŋam atsimqa laŋ aŋgro bei laŋ goge dena aieqnaq unem. A laŋ aŋgro siŋgila koba. A laŋbi na kabuosiqa aqa gateq di tuembiŋ atesoqnej. Aqa ulatamu seŋ bul suwaŋoqnej. Aqa siŋga tal aqa ai yusiq ñaŋgao bul.

Uli Anjam 10:1 ပူးပေါင်းရင်းမြစ်များ

Matyu 17:2

Sosib Yesus aqa jejamu bulyonaq naŋgi unobeiteb. Aqa ulatamu seŋ bul tulaŋ suwaŋoqnej. Aqa gara dego tulaŋ puloŋosiq qatekritej.

Luk 21:27

Bati deqa e Tamo Aŋgro siŋgila ti riaŋ koba ti laŋbiq na mandamq aioqnit tamo uŋgasari naŋgi tarosib e nubqab.

Uli Anjam 1:7

Niŋgi uniye. Yesus a laŋbi ambleq na boqnimqa tamo kalil naŋgi a unqab. Tamo kalil nami a qaja na qameb qaji naŋgi dego a unqab. Tamo uŋgasari kalil mandamq endi unub qaji naŋgi a qa are ugeinjrimqa tulaŋ akamugetqab. Od, kumbra di brantqas. Bole.

Uli Anjam 18:1

Onaqa e laŋ aŋgro bei laŋ qure uratosiq mandamq aieqnaq unem. Laŋ aŋgro di tulaŋ siŋgila koba. Aqa qasaŋ na walaej dena mandam kalil suwaŋekritej.

Uli Anjam 18:21

Ariya anjam di koboonaqa laŋ aŋgro siŋgila koba bei a bosiqa wit kuroyo qaji meniŋ kobaquja osiq soqtosiqa yuwalq di waiyej. Osiqa marej, “Qotei na degsim Babilon qure koba siŋgila na waiyim koboqas. Yim tamo qudei naŋgi na olo bunu a unqasai.

Uli Anjam 20:1

Ariya laŋ aŋgro bei laŋ goge dena aieqnaq e unem. A sub guma koba di taqatqajqa deqa Qotei na siŋgila yonaqa a sil rauŋga ojsiq mandamq aiej.

Uli Anjam 4:3

E unem di Qotei aqa jejamu tulaŋ minjalej. Meniŋ jaspa tulaŋ minjaleqnu dego kere. Aqa jejamu meniŋ konilian bul tulaŋ lent. Tuembiŋ na awo jaram di kalilyesoqnej. Tuembiŋ aqa neŋgreŋ di tulaŋ minjalej. Meniŋ emeral tulaŋ minjaleqnu dego kere. Tuembiŋ di ŋam baŋga gesgi bul.

Uli Anjam 5:2

Onaqa e olo ŋam atsimqa laŋ aŋgro siŋgila koba bei brantonaq unem. Laŋ aŋgro dena tulaŋ koba leleŋosiq marej, “Tamo yai a tamo bole deqa a na kandel aqa namur di waqtosimqa buk di plaltqa kere?”

Uli Anjam 8:13

Onaqa e olo ŋam atsimqa baira kobaquja laŋ sorgomq dia tiosi laqnaq unem. A tulaŋ koba leleŋosiq endegsi marnaq quem, “O aiyo! Laŋ aŋgro qalub naŋgi gul anjamosaiunub. Naŋgi gul anjamabqa tamo uŋgasari mandamq di unub qaji naŋgi gulube tulaŋ kokba osib padalougetqab.”