Taitus 1:14 - Yesus Aqa Anjam Bole

¹⁴ Deqa ni na naŋgi minjrimqa naŋgi Juda naŋgo sa anjam ti tamo naŋgi Qotei aqa anjam bole gotraŋyeqnub qaji naŋgo dal anjam ti di quqwa uratqab.

Taitus 1:14 ပူးပေါင်းရင်းမြစ်များ

Matyu 15:9

Naŋgi mandam tamo naŋgo dal anjam palontoqnsib olo beltoqnsib mareqnub, “Gago anjam endi Qotei aqa anjam.” Deqa naŋgi laŋa babaŋ na e qa loueqnub.’”

Mak 7:7

Naŋgi laŋa babaŋ na e qa loueqnub. Naŋgi naŋgo segi anjam palontoqnsib olo beltoqnsib gisaŋosib mareqnub, “Gago anjam endi Qotei aqa anjam.” ’ Aisaia a niŋgi qa keretsiqa anjam degsi neŋgreŋyej. Aqa anjam di bole.

Galesia 4:9

Ariya bini niŋgi Qotei bole qalieonub. A niŋgi qa dego bole qalieqo. Deqa kiyaqa niŋgi olo puluosib mondor uge uge naŋgi daurnjrqajqa are qaleqnub? Kiyaqa niŋgi olo naŋgo kaŋgal tamo bul sqajqa are qaleqnub? Niŋgi qalie, mondor uge uge naŋgi dena niŋgi aqaryaiŋgwa keresai.

Kolosi 2:22

Dal anjam di jejamu qa iŋgi iŋgi qa anjam. Iga jejamu qa iŋgi iŋgi qa are qalsim wauqom di keresai. Iŋgi iŋgi di urur koboqab. Dal anjam di mandam tamo naŋgi na babtoqnsib iga dauryqa mergeqnub.

2 Timoti 4:4

Deqa naŋgi anjam bole quqwajqa uratoqnsib-qa laŋa sa anjam quqwajqa dab atoqnqab.

Taitus 3:11

Ni qalie, tamo deqaji naŋgi Qotei aqa gam torei uratonub. Naŋgi une yo qaji tamo. Naŋgo une dena naŋgi osornjreqnu, naŋgi tamo uge.

Hibru 12:25

O was qu, niŋgi geregere ŋam atiye. Qotei na niŋgi anjam merŋgoqnimqa niŋgi aqa anjam quqwa urato uge. Qotei a nami mandamq endi sosiqa Israel naŋgi anjam siŋgila na minjreqnaqa naŋgi quqwa uratoqneb. Deqa Qotei na naŋgi awai uge enjrej. Awai uge di naŋgi uratnjrqa keresai. Ariya bini Qotei a laŋ goge di sosiqa iga dego anjam siŋgila na mergeqnu. Deqa iga a qoreiyqom di a na iga awai tulaŋ ugedamu egwas. Awai uge di iga uratgwa keresai.

2 Pita 2:22

Tamo naŋgi di bauŋ ti bel ti bul. Agi anjam bole bei endegsi unu, “Bauŋ naŋgo kumbra agiende. Naŋgi ŋiloqnsib olo puluoqnsib naŋgo ŋilo uyeqnub.” Anjam bei dego unu, “Bel naŋgo kumbra agiende. Naŋgi yaq di yaloqnsib olo boqnsib jagiq di briŋeqnub.”