Rom 9:7 - Yesus Aqa Anjam Bole

⁷ Iga endegsi marqasai, “Israel naŋgi Abraham aqa leŋ na ŋambabeb deqa naŋgi kalil aqa aŋgro tiŋtiŋ.” Iga degsi marqasai. Qotei na nami Abraham minjej, “Aisak aqa leŋ na segi ino aŋgro tiŋtiŋ naŋgi brantqab.”

Rom 9:7 ပူးပေါင်းရင်းမြစ်များ

Matyu 3:9

Niŋgi endegsib are qalaib, ‘Abraham a gago moma utru. Deqa iga Qotei aqa ŋamdamuq di tamo bole.’ Niŋgi degsib are qalaib. Niŋgi quiye. Qotei na marimqa meniŋ kalil endi dego tamo bulyosib tigelosib marqab, ‘Abraham a gago moma utru.’

Luk 16:30

Onaqa ñoro tamo dena olo minjej, ‘O Abu Abraham, di keresai. Ariya tamo bei moio qaji a subq na tigelosim anjam minjrimqa di naŋgi qusib are bulyosib dauryqab.’

Luk 3:8

Niŋgi are bulyiye. Osib nuŋgo kumbra uge kalil uratosib kumbra bole bole yoqniye. Yimqa e unsiy marqai, ‘Bole, niŋgi are bulyonub.’ Osiy niŋgi yansŋgwai. Niŋgi endegsib are qalaib, ‘Iga Abraham aqa leŋ. Deqa iga Qotei aqa ŋamgalaq di tamo bole.’ Niŋgi degsib are qalaib. Niŋgi quiye. Niŋgi Abraham aqa leŋ di laŋa. Qotei na marimqa meniŋ kalil endi dego tamo bulyosib tigelosib Abraham aqa leŋ sqab.

Jon 8:33

Onaqa naŋgi na kamba minjeb, “Iga Abraham aqa moma. Iga nami tamo bei aqa kaŋgal tamo laŋaj sosai. Deqa ni kiyaqa mergonum, ‘Une bei na niŋgi ojqa keresai’?”

Galesia 4:23

Abraham a mandam tamo naŋgo kumbra dauryosiq deqa a Hagar wo ŋereŋosib aŋgro qujai Ismael ŋambabteb. Ariya Qotei a Sara aqa aŋgro Aisak a qa nami qalieosiq deqa Abraham minjej, “Niŋgi ino ŋauŋ Sara wo aŋgrotqab.” Onaqa Qotei aqa anjam di aqa damu brantonaqa Sara a aŋgro qujai Aisak ŋambabtej.

Galesia 4:28

O was qu, uŋa di agi Sara. Niŋgi Sara aqa aŋgro Aisak a bulosib unub. Qotei a marnaqa Aisak a ŋambabej dego kere niŋgi dego anjam qujai dena Qotei aqa aŋgro tiŋtiŋ unub.

Filipai 3:3

Ariya iga Israel tamo tiŋtiŋo unum. Agi iga Qotei aqa aŋgro unum. Iga muluŋ bole aio qaji. Deqa iga Qotei aqa Mondor aqa siŋgila na Qotei qa louoqnsim Kristus Yesus aqa ñam soqteqnum. Iga qalie, tamo naŋgo jejamu na kumbra dauryqab kumbra dena naŋgi aqaryainjrqa keresai bolesai.

Hibru 11:18

Agi Qotei na nami Abraham minjej, “Aisak aqa leŋ dena ino moma naŋgi bumbraŋyqab.”