Rom 9:33 - Yesus Aqa Anjam Bole

³³ Agi Qotei aqa anjam bei nami endegsib neŋgreŋyeb unu, “Niŋgi quiye. E na tal aqa ai utru bei giltem unu. Deqa tal aqa ai utru di tamo naŋgi quraqyosib maŋgalqab. E na tal aqa ai utru di olo osiy tal siŋgilatqajqa deqa Saion qureq di tigeltit sqas. Tamo naŋgi tal aqa ai utru deqa naŋgo areqalo siŋgilatqab di naŋgi jemainjrqasai.”

Rom 9:33 ပူးပေါင်းရင်းမြစ်များ

Matyu 21:42

Naŋgi degsib Yesus minjnabqa a na olo minjrej, “Qotei aqa anjam bei unu. Niŋgi anjam di nami sisiyosai kio? Agi anjam nami endegsib neŋgreŋyeb unu, ‘Tal gereiyo qaji tamo naŋgi na tal aqa ai arqsibqa uge qa marsib taqal waiyeb. Onaqa tal aqa ai di Qotei na olo osiq tumaq di tigeltej unu. Tal aqa ai di tal siŋgilatqajqa deqa tigeltej unu. Tamo Koba Qotei a segi na tal aqa ai di tigeltej deqa iga unsim mareqnum, “Tal aqa ai di tulaŋ bolequja.” ’

Matyu 21:44

Tamo bei a uloŋosim tal aqa ai di aqa quraq aiimqa tal aqa ai dena aqa tanu giŋgeŋyqas. Ariya tal aqa ai di uloŋosimqa tamo bei aqaq aisim aqa jejamu ti tanu ti torei paraparayqas.”

Rom 10:1

O was qu, ijo areqalo koba agiende. Qotei na Israel tamo uŋgasari naŋgi eleŋqajqa deqa e are koba qaleqnum. Osim deqa e gaigai Qotei pailyeqnum.

Rom 10:11

Agi Qotei aqa anjam bei nami endegsib neŋgreŋyeb unu, “Tamo naŋgi Kristus qa naŋgo areqalo siŋgilatqab di naŋgi jemainjrqasai.”

Rom 5:5

Ariya iga laŋa tariŋosaieqnum. Qotei na aqa Mondor Bole iga egej deqa Mondor dena aqa qalaqalaiyo kumbra gago are miligiq di atej unu.

Galesia 5:11

O was qu, e tamo naŋgi muluŋ aiqajqa minjroqnem qamu kiyaqa jeu tamo naŋgi na e ugeugeibeqnub? E tamo naŋgi muluŋ aiqajqa minjroqnem qamu jeu tamo naŋgi na ŋamburbas qa anjam jeutosai qamu.

Filipai 1:20

Deqa ijo areqalo kobaquja agiende. E kumbra uge bei yqasai. Yim deqa e jemaibqasai. E endegsi are qalonum. Bini bati endeqa ti bunuq qa ti e siŋgila na tigeloqnsiy kumbra bole segi dauryoqnqai. Agi e kumbra degyeqnum. Deqa e moiqai kio e sqai kio di uŋgum. E ijo kumbra kalil qa Kristus aqa ñam soqtoqnqai.

2 Timoti 1:12

Deqa uŋgum, e gulube oqnsiy sqai. E deqa jemaibqasai. E Yesus qa ijo areqalo siŋgilateqnum deqa e a qa bole qalieonum. A segi na wau endi ijo baŋq di atej deqa e qalieonum, a na wau di geregere taqatoqnqas. Taqatsim gilsim a olo bqajqa bati brantqas.

1 Jon 2:28

Od, ijo aŋgro, niŋgi Kristus beteryosib soqniye. Yim deqa mondoŋ a olo brantimqa iga jemaigwasai. Iga are siŋgilatosim aqa ulatamuq di tigelesqom.