Rom 9:19 - Yesus Aqa Anjam Bole

¹⁹ Ariya nuŋgo ambleq di tamo bei a endegsi merbqas, “Qotei a kumbra degyeqnu deqa a kiyaqa iga olo une ti qa mergeqnu? Tamo yai a aqa segi areqalo dauryosim olo Qotei aqa areqalo gotraŋyqa kere? Tamo dego bei sosai.”

Rom 9:19 ပူးပေါင်းရင်းမြစ်များ

Mak 14:21

Niŋgi quiye. E Tamo Aŋgro moiqai. Nami Qotei aqa anjam degsib neŋgreŋyeb unu. Deqa uŋgum. E anjam di dauryosiy moiqai. Ariya tamo e ojsim jeu tamo naŋgo baŋq di atqas qaji a tulaŋ padalougetqas. A nami ŋambabosai qamu di kere.”

Aposel 2:23

Qotei na tamo di osiq nuŋgo baŋq di atej. A nami kumbra degyqa are qalsiq deqa anjam keretej. Onaqa niŋgi na Yesus osib tamo uge naŋgo baŋq di atnabqa naŋgi na osib ŋamburbasq di qalnab moiej. Nuŋgo kumbra dena niŋgi segi na Yesus qalsib moioteb.

Rom 11:19

Ariya niŋgi na e kamba endegsib merbqab, “Qotei na dani qudei giŋgeŋnjrsiq naŋgi breinjrsiqa olo iga osiqa naŋgo limeq di beterteleŋej unum.”

1 Korin 15:12

Kristus a moinaqa Qotei na olo subq na tigeltej anjam di iga gaigai palontosim laqnum. Ariya kiyaqa niŋgi qudei mareqnub, “Tamo moreŋeb qaji naŋgi olo subq na tigelqasai”?

1 Korin 15:35

Ariya was qu, tamo bei na e endegsi nenembqas, “Tamo moreŋeb qaji naŋgi kiersib olo subq na tigelqab? Naŋgi jejamu kiero osib olo tigelqab?”

Jems 1:13

Tamo bei a une atqa are prugyimqa a endegsi maraiq, “E Qotei na are qametbqoqa une yonum.” A degsi maraiq. Tamo bei na Qotei aqa are qametim a une yqa keresai. Dego kere Qotei na tamo naŋgi une yqajqa are qametnjrosaieqnu.

Jems 2:18

Ariya tamo bei a endegsi marqas, “Tamo qudei naŋgi Kristus qa naŋgo areqalo siŋgilateqnub. Ariya tamo qudei naŋgi olo kumbra bole bole yeqnub.” Degsi marimqa e na kamba minjqai, “Ni Kristus qa ino areqalo siŋgilatqa maronum. Ariya ni kumbra bole bei babtosaieqnum. Deqa e kiersiy qalieqai, ni Kristus qa ino areqalo siŋgilateqnum? E qalieqa keresai. Ariya e Kristus qa ijo areqalo siŋgilatoqnsiy kumbra bole dego turtsiy yoqnqai di ni e nubsim merbqam, ‘Bole, ni Kristus qa ino areqalo bole siŋgilateqnum.’”