Rom 8:35 - Yesus Aqa Anjam Bole

³⁵ Kristus a segi na iga tulaŋ qalaqalaigeqnu. Deqa tamo yai na aqa qalaqalaiyo kumbra di olo getentimqa a na iga qalaqalaigwasai? Tamo dego bei sosai. O was qu, iga gulube osimqa kio, jaqatiŋ osimqa kio, tamo qudei na iga ugeugeigibqa kio, iga mam koba osimqa kio, gara saigimqa kio, kumbra uge bei na ugetgimqa kio, qoto bei gagoq di brantimqa kio Kristus a deqa iga qalaqalaigwasai e? Sai.

Rom 8:35 ပူးပေါင်းရင်းမြစ်များ

Jon 10:28

E naŋgi ŋambile enjritqa naŋgi ŋambile gaigai sqab. Deqa naŋgi padalqasai bolesai. Tamo bei na naŋgi ijo baŋq dena yaibqa keresai.

Jon 13:1

Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati koba jojomonaqa Yesus a endegsi qalieej, “E mandam endi so bati koboqo. E moisiy ijo Abu aqaq olo oqwa bati brantqo.” A degsi qalieosiq deqa aqa segi tamo uŋgasari mandamq di soqneb qaji naŋgi tulaŋ qalaqalainjroqnsiq gilsi gilsiq aqa moiqa bati itej.

Jon 16:33

Niŋgi na e beterbosib are lawo na sqajqa deqa e na anjam endi niŋgi merŋgonum. Niŋgi mandamq endia sosib niŋgi gulube koba oqnqab. Deqa uŋgum. Niŋgi are siŋgilatiye. E segi na mandam endeqa siŋgila kalil gotraŋyosim tigelejunum.”

Aposel 14:22

Naŋgi aiyel degsib giloqnsibqa tamo uŋgasari Yesus dauryoqneb qaji naŋgo are siŋgilatetnjroqnsib minjroqneb, “Niŋgi Yesus qa nuŋgo areqalo siŋgilatosib soqniye. Bole, niŋgi gulube gargekoba iteleŋoqnqab. Di uŋgum. Gulube nuŋgoq boqnibqa Qotei a nuŋgo Mandor Koba sosim niŋgi taqatŋgoqnqas.”

Rom 2:9

Tamo kalil kumbra uge uge yeqnub qaji naŋgi mondoŋ gulube koba ti jaqatiŋ ti oqab. Juda naŋgi mati oqab. Bunuqna sawa bei bei qaji naŋgi dego oqab.

Rom 8:17

Ariya iga Qotei aqa aŋgro unum deqa mondoŋ iga iŋgi bole bole Abu Qotei na nami iga egwa marej qaji di oqom. Iŋgi bole di agi gago was Kristus a na nami esoqnej. A jaqatiŋ ej dego kere iga dego jaqatiŋ oqnsim sqom. Ariya mondoŋ iga a ombla ñam koba osim so bole gaigai sqom.

Rom 8:37

Ariya Kristus na iga qalaqalaigej deqa gulube kalil di gagoq di brantoqnqas di uŋgum. A na gaigai iga aqaryaigeqnu deqa iga qoto siŋgilaoqnsim tigelejunum.

1 Korin 4:11

Iga nami mam ti ya qar ti soqnem agi bini unum. Iga gara bolesai dego. Tamo qudei naŋgi na iga ugeugeigeqnub. Iga tal saiqoji.

1 Korin 4:12

Iga ŋes ti gago segi baŋ na ti wauoqnsim unum. Tamo qudei naŋgi na iga misiliŋgeqnub. Ariya iga kamba naŋgi qa olo pailyeqnum. Tamo qudei naŋgi na iga ugeugeigeqnab iga na kamba naŋgi ugeugeinjrosaieqnum. Iga medabu getentosim gulube di qoboiyeqnum.

2 Korin 12:10

Deqa e Kristus aqa ñam qa siŋgila saiqoji sqai kio tamo qudei naŋgi na e misiliŋboqnqab kio e gulube oqnqai kio jeu tamo naŋgi na e ugeugeiboqnqab kio e waukobaoqnqai kio di uŋgum. E deqa areboleboleibqas. Di kiyaqa? E siŋgila saiqoji sqai bati di e Kristus aqa siŋgila ti sqai.

2 Korin 4:17

Di kiyaqa? Iga qalieonum, gulube ti jaqatiŋ ti iga bini eqnum qaji di tulaŋ kokba sai. Naŋgi sokiñalayosib koboqab. Iga gulube di eqnum deqa mondoŋ iga laŋ qureq dia so bole gaigai sqom. Iga qalieonum, iŋgi bole bole iga mondoŋ oqom qaji di tulaŋ boledamu. Iŋgi iŋgi dena mandam qa iŋgi iŋgi kalil tulaŋ buŋnjresqas.

2 Korin 4:8

Sawa sawa kalilq dia gulube gargekoba iga qa beqnu. Ariya gulube dena gago siŋgila kobotetgosaieqnu. Iŋgi iŋgi gargekoba na gago areqalo niñaqyetgeqnu. Ariya iŋgi iŋgi dena gago areqalo torei ugetetgosaieqnu.

2 Korin 4:9

Gago jeu tamo naŋgi na iga gulube egeqnub. Ariya Qotei a deqa iga uratgosaieqnu. Naŋgi na iga lugoqnsib ŋeiotgeqnub. Ariya Qotei na olo iga aqaryaigeqnu deqa naŋgi iga torei ugeugeigosaieqnub.

2 Tesalonaika 2:16

Gago Tamo Koba Yesus Kristus wo gago Abu Qotei wo naŋgi aiyel na iga tulaŋ qalaqalaigeqnub. Qotei a iga qa are boleiyoqnsiq deqa a gaigai gago are boletetgeqnu. Osiqa a na iga siŋgilatgeqnu. Deqa mondoŋ a na iga boletgwajqa deqa iga tariŋoqnsim unum.

2 Timoti 1:12

Deqa uŋgum, e gulube oqnsiy sqai. E deqa jemaibqasai. E Yesus qa ijo areqalo siŋgilateqnum deqa e a qa bole qalieonum. A segi na wau endi ijo baŋq di atej deqa e qalieonum, a na wau di geregere taqatoqnqas. Taqatsim gilsim a olo bqajqa bati brantqas.

Uli Anjam 1:5

Yesus Kristus a Qotei aqa anjam kalil geregere palontosiq mareqnu qaji tamo. A tamo kalil naŋgi qa namoosiq subq na tigelej. A mandor kokba kalil mandamq endi unub qaji naŋgo Tamo Koba. A dego niŋgi qa are tulaŋ boleiyimqa niŋgi are lawo na soqniye. Yesus a na iga tulaŋ qalaqalaigeqnu. A moisiqa aqa leŋ aiej dena a na gago une kalil kobotetgej.