Rom 8:14 - Yesus Aqa Anjam Bole

¹⁴ Tamo uŋgasari kalil Qotei aqa Mondor na naŋgi gam osornjreqnaq walweleqnub qaji naŋgi Qotei aqa aŋgro tiŋtiŋ unub.

Rom 8:14 ပူးပေါင်းရင်းမြစ်များ

Matyu 5:9

“Tamo uŋgasari jeu turyoqnsibqa lawo kumbra boleq ateqnub qaji naŋgi dego tulaŋ areboleboleinjreme. Di kiyaqa? Qotei a naŋgi qa olo marqas, ‘Naŋgi ijo segi aŋgro bole.’

Jon 1:12

Ariya tamo uŋgasari qudei naŋgi a areiyeb. Tamo uŋgasari naŋgi di aqa ñam qa naŋgo areqalo siŋgilateb qaji. Onaqa a na naŋgi giltnjrej. Yim naŋgi Qotei aqa aŋgro sqajqa deqa.

Rom 8:19

Di kiyaqa? Qotei a nami aqa aŋgro naŋgi boleq atqajqa bati atej. Iŋgi iŋgi kalil Qotei a nami ateleŋej qaji naŋgi bati di unqajqa deqa tariŋoqnsib unub. Iŋgi iŋgi naŋgi di taroqnsib ŋam atoqnsib endegsib nenemeqnub, “Bati gembu bati di brantqas?”

Rom 8:5

Tamo naŋgi areqalo namij na walweleqnub qaji naŋgi areqalo namij segi dauryeqnub. Ariya tamo naŋgi Qotei aqa Mondor Bole aqa kumbra na walweleqnub qaji naŋgi Mondor Bole aqa areqalo dauryeqnub.

Rom 8:9

Ariya niŋgi areqalo namij na walwelosaieqnub. Qotei aqa Mondor a nuŋgo are miligiq di unu deqa niŋgi aqa kumbra na walweleqnub. Tamo a Kristus aqa Mondor ti sqasai di a Kristus aqa tamo sqa keresai.

Rom 9:26

E nami sawa bei bei qaji tamo naŋgi endegsi minjrem, ‘Niŋgi ijo tamo sai.’ Ariya bunuqna e na naŋgi olo endegsi minjrqai, ‘Niŋgi ijo segi aŋgro unub. Agi e Qotei ŋambile unum qaji.’”

Rom 9:8

Anjam di aqa utru agiende. Tamo naŋgi mandam tamo naŋgo leŋ na ŋambabeb qaji naŋgi Qotei aqa aŋgro tiŋtiŋ sai. Tamo naŋgi Qotei aqa anjam nami marej qaji di qusib bole qa marsib naŋgo areqaloq di siŋgilatqab qaji naŋgi segi Abraham aqa aŋgro tiŋtiŋ sqab.

2 Korin 6:18

Osiy e nuŋgo Abu soqnit niŋgi ijo segi aŋgro tiŋtiŋ sqab.’ Tamo Koba Qotei siŋgila koba ti unu qaji a degsi marej.”

Galesia 3:26

Niŋgi kalil Kristus Yesus qa nuŋgo areqalo siŋgilatosib a beteryejunub deqa niŋgi Qotei aqa aŋgro tiŋtiŋ unub.

Galesia 4:5

A degyej. Di kiyaqa? A na iga tamo uŋgasari dal anjam aqa sorgomq di soqnem qaji iga eleŋosim awaigimqa iga Qotei aqa aŋgro tiŋtiŋ sqajqa deqa.

Galesia 4:6

Deqa bini niŋgi Qotei aqa aŋgro tiŋtiŋ unub. Agi a na aqa Ŋiri aqa Mondor qariŋyonaqa a gago are miligiq aiej. Aiej deqa iga Qotei metoqnsim endegsi minjeqnum, “O ni gago Abu.”

Galesia 5:16

Ijo anjam agiende. Qotei aqa Mondor na niŋgi gam osorŋgim aqa kumbra na walweloqniye. Degsib walwelqab di niŋgi nuŋgo areqalo uge uge namij dauryqasai.

Galesia 5:18

Ariya niŋgi Qotei aqa Mondor aqa kumbra dauryqab di niŋgi olo dal anjam aqa sorgomq di sqasai.

Efesus 1:5

Tulaŋ nami Qotei na iga qalaqalaigosiqa iga aqa segi aŋgro sqa marsiqa Yesus Kristus aqa wau na iga eleŋej. Qotei aqa segi areqalo na a degyej.

Efesus 5:9

Suwaŋ a na kumbra endeqaji babteqnu. Tamo naŋgi suwaŋoq di unub qaji naŋgi kumbra bole bole yeqnub. Naŋgi kumbra tiŋtiŋ dauryeqnub. Naŋgi anjam bole mareqnub.

1 Jon 3:1

Bole, gago Abu Qotei a na iga tulaŋ qalaqalaigeqnu! A na iga aqa segi aŋgro tiŋtiŋ sqa marsiq iga giltgej. Deqa iga bole qalieonum, iga Qotei aqa aŋgro bole. Tamo naŋgi mandamq endi unub qaji naŋgi Qotei qa qaliesai. Deqa naŋgi iga qa dego qaliesai.

1 Jon 3:24

Tamo bei a Qotei aqa dal anjam dauryqas di a Qotei beteryesqas. Qotei a kamba dego tamo di beteryesqas. Qotei na aqa Mondor Bole iga egej deqa iga qalieonum, Qotei na iga betergejunu.

Uli Anjam 21:7

Tamo a Satan ombla qotsim siŋgilaqas di e na iŋgi iŋgi kalil di laŋa yqai. E aqa Qotei sqai. A ijo aŋgro sqas.