Rom 7:15 - Yesus Aqa Anjam Bole

¹⁵ Kumbra e yeqnum qaji di aqa utru e poibosai. Kumbra e yqajqa arearetbeqnu qaji di e olo yosaieqnum. Ariya kumbra e yqajqa arearetbosaieqnu qaji di e olo yeqnum.

Rom 7:15 ပူးပေါင်းရင်းမြစ်များ

Luk 11:48

Nuŋgo kumbra dena niŋgi mareqnub, nuŋgo moma naŋgi kumbra bole yoqneb. Agi naŋgi na Qotei aqa medabu o qaji tamo naŋgi ñumeqnab niŋgi na olo naŋgo sub gereiyeqnub.

Jon 15:15

Kaŋgal tamo naŋgi naŋgo tamo kokba naŋgo wau utru geregere qaliesai. Deqa e niŋgi olo kaŋgal tamo qa merŋgwasai. Anjam kalil ijo Abu na e merbeqnaq queqnum qaji di e na ubtsim niŋgi merŋgeqnum. Deqa e niŋgi ijo kadoi qa merŋgeqnum.

Rom 12:9

O was qu, niŋgi na tamo uŋgasari naŋgi bole qalaqalainjroqniye. Niŋgi gisaŋ na naŋgi qalaqalainjraib. Niŋgi kumbra uge kalil torei uratosib kumbra bole segi beteryosib yoqniye.

Rom 14:22

Niŋgi Qotei qa nuŋgo areqalo siŋgilateqnub deqa niŋgi qalie, niŋgi iŋgi iŋgi kalil uyqa kere. Ariya niŋgi iŋgi bei uyib nuŋgo was bei a unsim uneq aiaim deqa niŋgi nuŋgo qalie di nuŋgo are miligiq di ulitib soqnem. Yim Qotei a segi unqas. Tamo bei a iŋgi bei bole qa marsim uyqa are gulubeiyqasai di a arebolebole na uyem.

Rom 7:16

Ariya kumbra e yeqnum qaji di e yqajqa arearetbosaieqnu. Ijo kumbra dena e endegsi osorbeqnu, e are qalonum, Qotei aqa dal anjam a bole.

Galesia 5:17

Iga qalie, gago areqalo namij na Qotei aqa Mondor jeuteqnu. Qotei aqa Mondor a na kamba dego gago areqalo namij jeuteqnu. Naŋgi aiyel jeu jeu unub deqa kumbra bole niŋgi yqajqa arearetŋgeqnu qaji di niŋgi olo yosaieqnub.

2 Timoti 2:19

Ariya Qotei aqa segi tamo uŋgasari naŋgi tal aqa ai bulosib siŋgila na tigelejunub. Tal aqa aiq di Qotei a anjam endegsi neŋgreŋyej, “Tamo Koba Qotei a aqa segi tamo uŋgasari naŋgi qa qalie bole.” Anjam bei dego tal aqa aiq di endegsi neŋgreŋyej, “Tamo kalil Qotei aqa ñam ti unub qaji naŋgi kumbra uge kalil qoreiyoqnebe.”

Hibru 1:9

Ni kumbra tiŋtiŋ qa tulaŋ arearetmeqnu. Ni kumbra uge qa arearetmosaieqnu. Deqa ino Qotei na ino gateq di goreŋ bilentej. Aqa kumbra dena a na ni giltmosiqa ñam kobaquja emej. Deqa ni tulaŋ areboleboleimeqnu. Ino arebolebole dena ino kadoi naŋgo arebolebole tulaŋ buŋyejunu.”

Jems 3:2

Bati gargekoba iga kumbra guro guroyeqnum. Iga kalil degyeqnum. Ariya tamo bei aqa anjam maro qa grotqasai di a tamo bolequja. Deqa a na aqa baŋ ti siŋga ti jejamu ti dego geregere taqatoqnqas.

Jut 1:23

Ariya tamo qudei naŋgi une ti unub deqa naŋgi ŋamyuoq aiqa laqnub. Deqa niŋgi naŋgi urur minjribqa naŋgi naŋgo une uratosib are bulyqab. Osib deqa naŋgi ŋamyuoq aiqasai. Qotei na naŋgi oqas. Ariya tamo qudei naŋgi naŋgo areqalo namij dauryeqnub deqa naŋgi gara sari bulosib tulaŋ jiga ti unub. Deqa niŋgi naŋgi qa olo duloqniye. Osib naŋgo une qa ulaosib kumbra jigat deqaji kalil uratosib isaq giliye.