Rom 6:12 - Yesus Aqa Anjam Bole

¹² Deqa une na nuŋgo jejamu taqatqa laqnimqa niŋgi na olo saidyiye. Yim nuŋgo une na niŋgi titŋgimqa niŋgi nuŋgo jejamu qa areqalo uge uge dauryqasai. Nuŋgo jejamu agi bunuqna moiqas.

Rom 6:12 ပူးပေါင်းရင်းမြစ်များ

Rom 13:14

Niŋgi Tamo Koba Yesus Kristus beteryosib a gara bul jigsib soqniye. Sosib deqa niŋgi nuŋgo jejamu qa areqalo uge uge di dauryqajqa are qaloqnqasai.

Rom 2:8

Ariya tamo qudei naŋgi naŋgo segi jejamu qa are qaloqnsib deqa naŋgi anjam bole gotraŋyoqnsib kumbra uge uge dauryeqnub. Deqa Qotei a tamo naŋgi deqaji qa minjiŋ oqimqa awai ugedamu enjrqas.

Rom 5:21

Une aqa kumbra na moio babtej deqa une na iga siŋgila na taqatgesoqnej. Ariya bini Qotei a iga qa are tulaŋ boleiyeqnu aqa kumbra dena iga olo taqatgejunu. Gago Tamo Koba Yesus Kristus aqa wau na Qotei a iga qa are tulaŋ boleiyoqnsiqa iga tamo bole une saiqoji qa mergeqnu. Kumbra dena iga ŋambile gaigai sqom.

Rom 6:14

Deqa une na niŋgi olo taqatŋgwasai. Di kiyaqa? Bini niŋgi dal anjam aqa sorgomq di sosai. Qotei a niŋgi qa are tulaŋ boleiyej kumbra di aqa sorgomq di niŋgi unub.

Rom 6:16

Niŋgi quiye. Niŋgi nuŋgo segi jejamu tamo bei yosib aqa anjam dauryoqnqab di niŋgi aqa wau tamo sqab. Dego kere niŋgi une aqa wau tamo sqab di niŋgi moreŋqab. Ariya niŋgi Qotei aqa wau tamo sosib aqa anjam dauryoqnqab di niŋgi tamo bole une saiqoji sqab. Di niŋgi qaliesai kio?

Rom 8:11

Qotei a na aqa Ŋiri Kristus Yesus subq na olo tigeltej. Qotei aqa Mondor a nuŋgo are miligiq di unu deqa Qotei na aqa Mondor aqa siŋgila na nuŋgo jejamu moiqas qaji di dego olo subq na tigeltosim niŋgi ŋambile eŋgwas.

Rom 8:13

Niŋgi areqalo namij na walwelqab di niŋgi moreŋqab. Ariya niŋgi Qotei aqa Mondor aqa kumbra na walwelosib aqa siŋgila na nuŋgo segi jejamu aqa kumbra uge uge moiotqab di niŋgi ŋambile sqab.

2 Korin 4:11

Iga Yesus aqa wau ojeqnum deqa iga mandamq endi sonamqa gago jeu tamo naŋgi na bati gaigai iga moiotgwa laqnub. Kumbra dena Yesus aqa ŋambile dego gago jejamuq di olo branteqnaq tamo uŋgasari naŋgi uneqnub.

2 Korin 5:4

Iga mandam qaji talq endia unum deqa iga are gulubeigeqnaqa akamoqnsim unum. Iga gago jejamu namij endi uratqajqa deqa are qalosai. Iga jejamu bunuj olo osim gara bul jugim gago jejamu moiqas qaji endi a olo ŋambile sqajqa deqa are qaleqnum.

Galesia 5:16

Ijo anjam agiende. Qotei aqa Mondor na niŋgi gam osorŋgim aqa kumbra na walweloqniye. Degsib walwelqab di niŋgi nuŋgo areqalo uge uge namij dauryqasai.

Galesia 5:24

Tamo kalil Kristus Yesus beteryejunub qaji naŋgi na naŋgo areqalo namij ti naŋgo are prugnjrqajqa kumbra ti kalil ŋamburbasq di qamnab moiej.

Efesus 2:3

Nami iga kalil dego tamo naŋgi di koba na laqnem deqa iga gago areqalo namij dauryoqnem. Iga gago jejamu qa areqalo uge uge dauryosim laqnem deqa Qotei aqa minjiŋ tamo uge uge naŋgoq di unu qaji di gagoq di dego soqnej.

Efesus 4:22

Nami niŋgi dego so namijq di sosib walweloqneb. So namij dena niŋgi gisa gisaŋgeqnaqa niŋgi kumbra uge uge yqajqa are prugŋgoqnej. Nuŋgo kumbra dena niŋgi padalqa gamq di soqneb. Ariya bini niŋgi so namij di torei uratosib

1 Tesalonaika 4:5

Yimqa nuŋgo areqalo uge uge dena niŋgi titŋgimqa sambala kumbra tamo naŋgi Qotei qaliesai qaji naŋgi yeqnub di niŋgi dego dauryo uge.

2 Timoti 2:22

Deqa areqalo uge uge kalil aŋgro wala naŋgo are miligiq dena branteqnu qaji di ni na qoreiye. Osim ni kumbra tiŋtiŋ yqajqa wauoqnsim Qotei qa ino areqalo siŋgilatoqnsim tamo kalil naŋgi qalaqalainjroqnsim are lawo na soqne. Ni ti tamo kalil are bole na Tamo Koba Qotei qa louoqnsib aqa ñam na pailyeqnub qaji naŋgi ti kumbra di yoqniye.

Taitus 2:12

Qotei a iga qa are tulaŋ boleiyeqnu aqa kumbra dena iga endegsi osorgeqnu. Iga Qotei qoreiyqajqa kumbra torei uratqom. Osim mandam endeqaji areqalo uge uge dego uratosim areqalo bole ti sosim kumbra bole segi dauryoqnqom. Bole, iga mandam tamo uŋgasari naŋgo ambleq endi unum. Ariya Qotei a iga qa are boleiyeqnu aqa kumbra dena iga endegsi osorgeqnu. Iga Qotei aqa kumbra segi dauryoqnqom.

Taitus 3:3

Ni qalie, iga dego nami areqalo uge ti sosimqa Qotei aqa anjam gotraŋyoqnem. Bati di Satan a na iga gisa gisaŋgeqnaqa iga Qotei aqa gam bole dauryqa uratosim kumbra uge dauryqajqa are pruggeqnaqa gago segi jejamu qa tulaŋ areboleboleigoqnej. Kumbra dena iga siŋgila na ojesoqnej. Deqa iga minjiŋ ti are uge ti sosim walweloqnem. Tamo naŋgi na iga jeutgeqnabqa iga na kamba dego naŋgi jeutnjroqnem.

1 Pita 1:14

Sosib niŋgi aŋgro du du bulosib Qotei aqa anjam geregere qusib dauryoqniye. Nami niŋgi Qotei qaliesai deqa niŋgi areqalo uge uge dauryoqneb. Ariya bini niŋgi kumbra di olo dauryaib. Uratiye.

1 Pita 2:11

O ijo kadoi bole, nuŋgo qure bole agi laŋ goge di unu. Deqa niŋgi mandamq endia yauŋ tamo bulosib unub. Deqa e na niŋgi endegsi merŋgwai. Niŋgi nami nuŋgo areqalo namij dauryqajqa are prugŋgoqnej. Ariya areqalo namij di nuŋgo qunuŋ ti ombla qoteqnub. Deqa niŋgi nuŋgo areqalo namij di uratosib qoreiyiye.

Jut 1:16

Tamo naŋgi di gaigai are ugeinjreqnaqa laŋa laŋa tamo naŋgo jejamuq di anjam qameleŋeqnub. Osib naŋgo segi areqalo uge uge dauryeqnub. Naŋgi naŋgo medabu waqtoqnsib diqoqnsib naŋgo segi ñam soqteqnub. Osib tamo uŋgasari naŋgo ñam dego laŋa soqtetnjroqnsib naŋgi walawala-injreqnub. Yim naŋgi na naŋgo areqalo dauryqajqa deqa.

Jut 1:18

Agi naŋgi anjam endegsib merŋgoqneb, “Mondoŋ diŋo bati jojomamqa meqe meqem tamo naŋgi boqnsib Qotei qoreiyoqnsib naŋgo segi areqalo uge uge dauryoqnqab.”