Rom 6:10 - Yesus Aqa Anjam Bole

¹⁰ A bati qujai qa moiej. Aqa kumbra dena a na une aqa siŋgila kobotej. Ariya bini a olo ŋambile unu di a Qotei ombla ŋambile unub.

Rom 6:10 ပူးပေါင်းရင်းမြစ်များ

Luk 20:38

Moses a anjam degsi neŋgreŋyej. Anjam dena iga poigwo, Qotei a tamo moreŋo qaji naŋgo Qotei sai. A tamo ŋambile so qaji naŋgo Qotei. Di kiyaqa? Naŋgi kalil aqa ŋamgalaq di ŋambile unub deqa.”

Rom 6:11

Dego kere niŋgi dego endegsib are qaliye. Niŋgi dego moiobuleb deqa niŋgi olo une aqa sorgomq di sqasai. Niŋgi Kristus Yesus beteryosib deqa niŋgi Qotei ombla ŋambile unub.

Rom 6:9

Iga qalie, Kristus a subq na olo tigelej deqa a olo bunu moiqa keresai. Moio na a olo ojqa keresai.

Rom 8:3

Dal anjam na gago une kobotqa keresai. Di kiyaqa? Iga areqalo namijq di unum deqa iga dal anjam dauryqa keresai. Ariya dal anjam na gago une kobotqa keresai deqa Qotei a segi na gago une kobotej. A gam endena gago une kobotej. A na aqa segi Ŋiri Yesus qariŋyonaqa a une tamo bulosiqa gago une kobotqa bonaqa aqa segi jejamuq di Qotei na gago une aqa awai uge atsiqa une aqa siŋgila kobotej.

2 Korin 5:15

Iga ŋambile unum deqa iga gago segi jejamu qa are qalsim walwelqasai. Utru deqa a iga qa moiej. A gago sawa osiq moisiq olo subq na tigelej deqa iga a qa are qalsim walweloqnqom.

2 Korin 5:21

Kristus a une yosaieqnu. Ariya Qotei na iga aqaryaigwa marsiq deqa a gago une kalil osiqa Kristus aqa qawarq di atnaqa a une tamo bulej. Iga Yesus beteryosim aqa siŋgila na iga Qotei aqa segi tamo uŋgasari tiŋtiŋ sqajqa deqa osiq gago une kalil osiqa Kristus aqa qawarq di atej.

1 Pita 3:18

Niŋgi Kristus qa are qaloqniye. Kristus a tamo tiŋtiŋo. Ariya a na tamo uŋgasari uge uge naŋgo sawa osiq naŋgo une qa osiq moiej. A na niŋgi joqsim Qotei aqaq oqwajqa deqa osiq niŋgi qa moiej. A bati qujai qa moiej deqa a olo moiqa keresai. A tamo bulyosiqa mandamq endi soqnej. Sonaqa jeu tamo naŋgi na a qalnab moiej. Ariya a olo subq na tigelosiqa a mondor ti soqnej.

1 Pita 4:6

Utru deqa Kristus na aqa anjam bole palontosiq tamo uŋgasari nami moreŋeb qaji naŋgi minjroqnej. Bole, naŋgi moreŋeb. Agi tamo uŋgasari kalil une yeqnub qaji naŋgi moreŋeqnub. Ariya a na aqa anjam bole palontosiq naŋgi minjrej deqa naŋgi olo ŋambile osib Qotei bulosib mondor ti sqab.