Rom 5:7 - Yesus Aqa Anjam Bole

⁷ Bole, tamo bei a tamo bole bei aqaryaiyqa osim moiqasai. Ariya tamo tulaŋ boledamu bei soqnim a qa kio tamo bei a are siŋgilatosim moiqas.

Rom 5:7 ပူးပေါင်းရင်းမြစ်များ

Matyu 13:15

Tamo uŋgasari di naŋgo areqalo geteŋnjrejunu. Naŋgo dabkala na ijo anjam quqwajqa asginjreqnu. Naŋgi ŋam bruŋejunub. Deqa naŋgo ŋamdamu na ijo kumbra unqasai. Naŋgo dabkala na ijo anjam qusib aqa utru poinjrqasai. Naŋgi are bulyosib ijoq babqa e na naŋgi boletnjrqasai dego.’ Qotei a nami degsi marej.

Jon 15:13

Tamo bei na aqa kadoi naŋgi tulaŋ qalaqalainjrsim deqa a na naŋgi aqaryainjrqa osimqa aqa segi ŋambile uratosim moiqas di a kumbra tulaŋ boledamu yqas. Qalaqalaiyo kumbra dena qalaqalaiyo kumbra kalil tulaŋ buŋnjrejunu.

Aposel 11:24

Barnabas a tamo tulaŋ bolequja. Qotei aqa Mondor aqaq di sonaqa a siŋgila ti wauoqnej. Aqa areqalo kalil Yesus qa siŋgilatsiq soqnej. Deqa a Qotei aqa anjam mareqnaqa tamo uŋgasari gargekoba naŋgi quoqnsib are bulyoqnsib Tamo Koba Yesus qa naŋgo areqalo siŋgilatoqneb.

Rom 16:4

Nami jeu tamo naŋgi na e lubqa laqnab naŋgi aiyel moiqa ulaosaiosib deqa e aqaryaibeb. Deqa e naŋgi qa osim Qotei biŋiyeqnum. E segi sai. Kristen tamo uŋgasari sawa sawa kalilq di unub qaji naŋgi dego naŋgi aiyel qa osib Qotei biŋiyeqnub.

Rom 5:6

Iga gago segi jejamu aqaryaiyqa keresai sonamqa Kristus a iga tamo uŋgasari kumbra uge uge yeqnum qaji iga qa osiq moiej. Bati Qotei a nami atej qaji di brantonaqa a iga qa moiej.

Rom 5:8

Ariya iga une tamo sonamqa Kristus a iga qa moiej. Aqa kumbra dena Qotei na iga osorgwo, a iga tulaŋ qalaqalaigeqnu.

1 Jon 3:16

Yesus a aqa segi ŋambile uratosiq iga qa moiej. Aqa kumbra dena a na iga qalaqalaiyo kumbra osorgej. Deqa iga dego gago Kristen was naŋgi qa are qalsim gago segi ŋambile uratosim naŋgi qa moreŋqom.