Rom 5:18 - Yesus Aqa Anjam Bole

¹⁸ Iga Yesus aqa wau deqa geregere are qaloqnqom. Tamo qujai Adam a dal anjam gotraŋyej. Aqa une dena Qotei na iga tamo uŋgasari kalil une ti qa mergej. Dego kere tamo qujai Kristus a kumbra bole tiŋtiŋ yej. Qotei a deqa are qalsiqa iga kalil tamo bole une saiqoji qa mergsiqa ŋambile egej.

Rom 5:18 ပူးပေါင်းရင်းမြစ်များ

Jon 1:7

A anjam palontqa bej. A puloŋ qa anjam palontoqnej. Tamo uŋgasari kalil naŋgi aqa anjam qusib puloŋ qa naŋgo areqalo siŋgilatqajqa deqa palontoqnej.

Jon 12:32

E bini mandamq endi unum. Ariya bunuqna jeu tamo naŋgi na e soqtbosib goge gaintbqab. Yimqa bati deqa e na tamo uŋgasari kalil naŋgi metnjritqa naŋgi e qa bqab.”

Jon 3:26

Onaqa Jon aqa aŋgro naŋgi Jon aqa areq gilsib minjeb, “O Qalie Tamo Koba, nami tamo ni ombla Jordan ya taqal beiq di sosibqa ni a qa anjam maroqnem qaji bini tamo uŋgasari kalil naŋgi aqa areq gileqnabqa a na yansnjreqnu. Naŋgi inoq bosaieqnub.”

Aposel 13:39

Niŋgi Moses aqa dal anjam dauryqab dena Qotei a nuŋgo une kobotetŋgwasai. Niŋgi dena Qotei aqa ŋamdamuq di une saiqoji sqa keresai. Tamo naŋgi Yesus qa naŋgo areqalo siŋgilatqab qaji naŋgi segi Qotei na une kobotetnjrimqa naŋgi aqa ŋamdamuq di une saiqoji sqab.

Rom 3:25

Agi Qotei a endegsi are qalej. A na Yesus qariŋyim a bosim moiim aqa leŋ aisim tamo uŋgasari kalil a qa naŋgo areqalo siŋgilateqnub qaji naŋgo une taqal waiysim aqa minjiŋ kobotqas. Kumbra dena a na iga tamo bole une saiqoji qa mergej. Aqa kumbra di a na iga osorgej. Nami Qotei a tamo naŋgi are bulyqajqa deqa marsiq naŋgi qa tariŋoqnsiqa naŋgo une qa urur kambatnjrosaioqnej.

Rom 4:25

Qotei na Yesus uratonaqa naŋgi na a qalnab moiej. Yim a gago une kobotqajqa deqa. Onaqa Qotei na Yesus olo subq na tigeltosiq dena iga tamo bole une saiqoji qa mergej.

Rom 5:12

Iga qalie, tamo qujai Adam a une atej. Aqa une dena aqa leŋ kalil naŋgi dego une eleŋeb. Adam a une ti deqa a moiej. Aqa leŋ naŋgi dego aqa une osib kalil moreŋeb.

Rom 5:15

Ariya Adam aqa une qujai de ti Qotei a iga qa are tulaŋ boleiyeqnu aqa kumbra de ti ombla kerekere sai. Tamo qujai Adam a une atej dena tamo gargekoba naŋgi moreŋoqneb. Ariya Qotei a tamo gargekoba naŋgi qa are tulaŋ boleiyeqnu aqa kumbra dena moio kobotej. Deqa iga bole qalieonum, tamo qujai Yesus Kristus a tamo gargekoba naŋgi qa are boleiyej aqa kumbra di tulaŋ boledamu. Qotei na iga Yesus laŋa egej awai saiqoji.

Rom 5:19

Tamo qujai Adam a Qotei aqa anjam gotraŋyej. Aqa kumbra dena tamo uŋgasari gargekoba naŋgi dego une eleŋeb. Dego kere tamo qujai Kristus a Qotei aqa anjam dauryej. Aqa kumbra dena tamo uŋgasari gargekoba naŋgi tamo bole une saiqoji sqab.

Rom 6:14

Deqa une na niŋgi olo taqatŋgwasai. Di kiyaqa? Bini niŋgi dal anjam aqa sorgomq di sosai. Qotei a niŋgi qa are tulaŋ boleiyej kumbra di aqa sorgomq di niŋgi unub.

1 Korin 15:22

Adam aqa leŋ kalil naŋgi moreŋeqnub. Dego kere Kristus aqa tamo kalil naŋgi olo ŋambile oqab.

Hibru 2:9

Ariya bini iga Yesus uneqnum. A ñam kobaquja ejunu. Nami a laŋ aŋgro naŋgo sorgomq di sokiñala soqnej. Bati deqa a na tamo uŋgasari kalil naŋgo sawa osiq moinaqa Qotei a naŋgi qa are boleiyosiq aqaryainjrej. Yesus a jaqatiŋ koba osiq moiej deqa Qotei na aqa ñam olo soqtetosiqa ñam kobaquja yej.

2 Pita 1:1

E Saimon Pita. E Yesus Kristus aqa wau tamo. A na e qariŋbej deqa e aqa anjam marsim laqnum. Kristus a gago Qotei. A na iga padalo sawaq dena eleŋej. Niŋgi ti iga ti gago areqalo qujai. Agi iga kalil Yesus qa gago areqalo siŋgilateqnum. Yesus Kristus a kumbra tiŋtiŋ yeqnu qaji tamo. Aqa kumbra dena niŋgi a qa nuŋgo areqalo siŋgilateqnub. Agi iga a qa gago areqalo siŋgilateqnum dego kere.

1 Jon 2:20

Niŋgi Qotei aqa Mondor Bole ejunub. Deqa niŋgi kalil powo ti unub.