Rom 5:16 - Yesus Aqa Anjam Bole

¹⁶ Qotei na iga Yesus laŋa egej aqa kumbra de ti Adam aqa une ti ombla kerekere sai. Adam a une qujai yej dena Qotei na tamo uŋgasari naŋgi une enjrsiqa minjrej, “Niŋgi une ti deqa niŋgi awai uge oqab.” Ariya Qotei na iga Yesus laŋa egej aqa kumbra di aqa utru agiende. Tamo uŋgasari naŋgi une gargekoba yeqnabqa Qotei a naŋgi qa olo are tulaŋ boleiyonaqa naŋgi tamo bole une saiqoji qa minjrej.

Rom 5:16 ပူးပေါင်းရင်းမြစ်များ

Matyu 6:14

“O ijo aŋgro, niŋgi degsib Qotei pailyoqniye. Niŋgi quiye. Niŋgi tamo bei qa ŋiriŋ ti soqnimqa aqa une di niŋgi na kobotibqa nuŋgo Abu laŋ qureq di unu qaji a na kamba nuŋgo une kalil kobotetŋgwas.

Rom 8:1

O was qu, iga Kristus Yesus beteryejunum deqa dal anjam na gago une qa iga olo mergwa keresai. Deqa iga gago une qa olo awai uge oqasai.

1 Korin 11:32

Ariya Tamo Koba Qotei a gago kumbra uge qudei unoqnsiq deqa iga gulube egeqnu di a gago kumbra tingitetgwajqa deqa. Yim mondoŋ iga tamo kalil mandamq endi unub qaji naŋgi ti une osim padalo uge.

Galesia 3:10

Ariya tamo qudei naŋgi endegsib are qaleqnub, “Iga dal anjam dauryqom gam dena iga Qotei aqa ŋamgalaq di tamo bole une saiqoji sqom.” O was qu, tamo naŋgi di Qotei na padaltnjrqas. Di kiyaqa? Qotei aqa anjam bei nami endegsib neŋgreŋyeb unu, “Tamo bei a Qotei aqa dal anjam kalil neŋgreŋq di unu qaji di dauryekritosim ariya qujai bole qujai grotqas di Qotei na a padaltqas.”

Jems 2:10

Tamo bei a dal anjam kalil dauryekritosim ariya qujai bole qujai grotqas di a dal anjam kalil grotekritqo. Deqa aqa jejamuq di gulube sqas.