Rom 4:15 - Yesus Aqa Anjam Bole

¹⁵ Iga qalie, dal anjam unu deqa tamo naŋgi dal anjam gotraŋyeqnub. Deqa Qotei a naŋgi qa minjiŋ oqeteqnu. Ariya dal anjam sosai qamu tamo naŋgi dal anjam gotraŋyeqnub degsi marqa keresai qamu.

Rom 4:15 ပူးပေါင်းရင်းမြစ်များ

Jon 15:22

“E bosim jeu tamo naŋgi di anjam minjrosai qamu naŋgi une saiqoji qamu. Ariya bini naŋgi naŋgo une di ulitqa gam saiqoji.

Jon 3:36

Tamo naŋgi Qotei aqa Ŋiri qa naŋgo areqalo siŋgilatqab qaji naŋgi ŋambile gaigai sqab. Ariya tamo naŋgi Qotei aqa Ŋiri aqa anjam dauryqa uratqab qaji naŋgi ŋambile itqasai. Qotei aqa minjiŋ naŋgoq di sqas.

Rom 1:17

Anjam bole dena Qotei na aqa kumbra iga osorgej. Aqa kumbra agiende. A na iga tamo bole une saiqoji qa mergej. Iga Yesus qa gago areqalo siŋgilatem dena a na iga tamo bole une saiqoji qa mergej. Di kiyaqa? Iga Yesus qa gago areqalo siŋgilatqom gam dena qujai iga Qotei aqa ŋamgalaq di tamo bole une saiqoji sqom. Agi Qotei aqa anjam bei nami endegsib neŋgreŋyeb unu, “Qotei na tamo uŋgasari a qa naŋgo areqalo siŋgilateqnub qaji naŋgi tamo bole une saiqoji qa minjrqas. Yim deqa naŋgi ŋambile gaigai sqab.”

Rom 5:13

Dal anjam a bosaisonaqa bati deqa tamo kalil naŋgi une atsib laqneb. Ariya dal anjam sosai deqa Qotei a naŋgo une geregere ubtqa keresai.

1 Korin 15:56

O was qu, moio aqa qaja agi une. Une aqa siŋgila agi Qotei aqa dal anjam.

Galesia 3:10

Ariya tamo qudei naŋgi endegsib are qaleqnub, “Iga dal anjam dauryqom gam dena iga Qotei aqa ŋamgalaq di tamo bole une saiqoji sqom.” O was qu, tamo naŋgi di Qotei na padaltnjrqas. Di kiyaqa? Qotei aqa anjam bei nami endegsib neŋgreŋyeb unu, “Tamo bei a Qotei aqa dal anjam kalil neŋgreŋq di unu qaji di dauryekritosim ariya qujai bole qujai grotqas di Qotei na a padaltqas.”

Galesia 3:19

A laŋa yqa minjej deqa a bunuqna kiyaqa olo dal anjam atej? E marqai. A gago une boleq atqa osiq deqa dal anjam atej. A endegsi are qalej. Dal anjam a soqnim bati deqa Abraham aqa moma qujai a qa nami marej qaji di brantqas. A deqa are qalsiq dal anjam atej. Dal anjam di Qotei na aqa laŋ aŋgro naŋgi enjrnaqa Moses a Qotei ti Israel naŋgi ti naŋgo ambleq di tigelesonaqa laŋ aŋgro naŋgi dena dal anjam di palontosib Moses minjnabqa a na kamba iga egej.

Efesus 5:6

Niŋgi geregere ŋam atiye. Tamo qudei naŋgi na niŋgi kumbra uge deqaji yqajqa titŋgoqnsib anjam laŋa laŋa merŋgoqnibqa niŋgi naŋgo anjam di qusib naŋgi daurnjraib. Tamo uŋgasari Qotei aqa anjam gotraŋyeqnub qaji naŋgi kumbra deqaji yeqnub deqa Qotei a naŋgi qa tulaŋ minjiŋ oqeteqnu.

Kolosi 3:6

Tamo naŋgi kumbra uge uge deqaji yeqnub qaji naŋgi qa mondoŋ Qotei a minjiŋ oqetim naŋgi awai uge enjrqas. Tamo naŋgi di Qotei aqa anjam gotraŋyo qaji tamo.

1 Jon 3:4

Tamo naŋgi une ateqnub qaji naŋgi Qotei aqa dal anjam gotraŋyeqnub. Une atqajqa kumbra ti dal anjam gotraŋyqajqa kumbra ti ombla kerekere.

Uli Anjam 19:15

Kristus aqa medabuq na serie olekoba tulaŋ qala uge brantej. A serie di osimqa tamo uŋgasari sawa sawa kalilq di unub qaji naŋgi ñumeleŋqajqa deqa aqa medabuq na brantej. A bu toqoŋ ain na gereiyo qaji di dego ojsimqa dena tamo uŋgasari sawa sawa kalilq di unub qaji naŋgi siŋgila na taqatnjroqnsimqa wain gei parato qaji kulumq dia aqa siŋga waiysim wain gei paraparainjrqas. Kulum di agi Qotei siŋgila koba ti unu qaji aqa minjiŋ.