Rom 3:3 - Yesus Aqa Anjam Bole

³ Bole, Juda tamo qudei naŋgi Qotei aqa anjam di dauryosib naŋgo areqaloq di siŋgilatosaieqnub. Naŋgi urateqnub. Deqa iga endegsi marqom kio, “Qotei a gisaŋ tamo. A segi aqa anjam di dauryosaieqnu.”

Rom 3:3 ပူးပေါင်းရင်းမြစ်များ

Matyu 24:35

Laŋ ti mandam ti koboqab. Ariya ijo anjam koboqa keresai.”

Jon 1:16

A iga kalil qa are tulaŋ boleiyoqnsiqa iga geregereigeqnu.

Rom 10:16

Ariya tamo uŋgasari kalil naŋgi anjam bole di qusib dauryosaieqnub. Agi naŋgi qa Aisaia a nami endegsi marej, “O Tamo Koba, tamo yai naŋgi gago anjam di qusib naŋgo areqaloq di siŋgilateqnub?”

Rom 11:29

Iga qalie, Qotei na aqa segi tamo uŋgasari naŋgi metnjroqnsiq iŋgi bole bole enjreqnu. Aqa kumbra di a olo uratqa keresai.

Rom 9:6

Qotei na ijo was agi Jekop aqa leŋ naŋgi di eleŋosai deqa e gaigai naŋgi qa are gulubeibeqnu. Deqa Qotei aqa anjam nami marej qaji di uloŋej e? Sai. E qalie, tamo gargekoba naŋgi Israel naŋgo leŋ dena ŋambabeb ariya naŋgi kalil Israel tamo tiŋtiŋ sai.

2 Korin 3:18

Deqa gago ulatamu olo kabuesosai. Iga kalil Tamo Koba Qotei aqa riaŋ di ya jeqiloq di unobuleqnam riaŋ di gagoq di tulaŋ kobaqujaeqnaqa dena iga Qotei a segi buloqnsim unum. Tamo Koba Yesus a na kumbra di iga egeqnu. Tamo Koba a segi Qotei aqa Mondor Bole.

2 Tesalonaika 1:3

O was qu, iga gaigai niŋgi qa are qaloqnsim deqa Qotei biŋiyeqnum. Iga kere degyeqnum. Di kiyaqa? Nuŋgo areqalo Yesus qa siŋgilateqnub qaji di tulaŋ kobaqujaeqnu. Niŋgi segi segi na nuŋgo Kristen was qu naŋgi qalaqalainjreqnub. Nuŋgo kumbra di dego tulaŋ kobaqujaeqnu.

2 Timoti 2:13

Iga Kristus dauryqa marsimqa ariya gago anjam di iga olo dauryqa uratqom di Kristus a olo aqa segi anjam uratqa keresai. A dauryoqnqas.”

Hibru 4:2

Iga Qotei aqa anjam bole quoqnem. Agi Israel tamo naŋgi Qotei aqa anjam bole nami quoqneb dego kere. Ariya naŋgi aqa anjam di laŋa qusib deqa naŋgo areqaloq di siŋgilatosai. Deqa anjam dena naŋgi yala aqaryainjrosai.