Rom 3:20 - Yesus Aqa Anjam Bole

²⁰ Deqa tamo bei a dal anjam dauryosim dena a Qotei aqa ŋamgalaq di tamo bole une saiqoji sqajqa tamo dego bei sosai. Dal anjam na iga gago une osorgeqnu. Di segi.

Rom 3:20 ပူးပေါင်းရင်းမြစ်များ

Aposel 13:39

Niŋgi Moses aqa dal anjam dauryqab dena Qotei a nuŋgo une kobotetŋgwasai. Niŋgi dena Qotei aqa ŋamdamuq di une saiqoji sqa keresai. Tamo naŋgi Yesus qa naŋgo areqalo siŋgilatqab qaji naŋgi segi Qotei na une kobotetnjrimqa naŋgi aqa ŋamdamuq di une saiqoji sqab.

Rom 2:13

Di kiyaqa? Tamo naŋgi dal anjam laŋa quoqnsib olo dauryosaieqnub qaji naŋgi Qotei aqa ŋamgalaq di tamo bolesai. Tamo naŋgi dal anjam qusib dauryeqnub qaji naŋgi segi Qotei na tamo bole une saiqoji qa minjrqas.

Rom 3:28

Di kiyaqa? Bini iga qalieonum, iga Yesus qa gago areqalo siŋgilatqom gam dena qujai iga Qotei aqa ŋamgalaq di tamo bole une saiqoji sqom. Iga dal anjam dauryqom gam dena sai.

Rom 4:13

Nami Qotei na Abraham aqa moma naŋgi ti endegsi minjrej, “E niŋgi mandam kalil eŋgwai.” Ariya Abraham a dal anjam dauryej deqa Qotei na anjam di minjosai. A Qotei qa aqa areqalo siŋgilatej gam dena Qotei na a tamo bole une saiqoji qa minjej. Utru deqa Qotei na Abraham aqa moma naŋgi ti minjrej, “E niŋgi mandam kalil eŋgwai.”

Rom 4:15

Iga qalie, dal anjam unu deqa tamo naŋgi dal anjam gotraŋyeqnub. Deqa Qotei a naŋgi qa minjiŋ oqeteqnu. Ariya dal anjam sosai qamu tamo naŋgi dal anjam gotraŋyeqnub degsi marqa keresai qamu.

Rom 5:13

Dal anjam a bosaisonaqa bati deqa tamo kalil naŋgi une atsib laqneb. Ariya dal anjam sosai deqa Qotei a naŋgo une geregere ubtqa keresai.

Rom 5:20

Tamo naŋgi nami dal anjam eb bati deqa naŋgi dal anjam tulaŋ koba gotraŋyoqneb. Naŋgi une tulaŋ gargekoba yoqneb ariya Qotei a olo naŋgi qa are tulaŋ boleiyoqnej.

Rom 7:11

Di kiyaqa? Dal anjam bej dena une a gam itosiqa e gisaŋbej. Kumbra dena une na e moiotbej.

Rom 9:32

Di kiyaqa? Naŋgi tamo bole une saiqoji sqa marsib Yesus qa naŋgo areqalo siŋgilatosai. Naŋgi maroqneb, “Iga segi waukobaosim dena iga tamo bole une saiqoji sqom.” Naŋgi tal aqa ai utru quraqyosib maŋgaleb.

1 Korin 15:56

O was qu, moio aqa qaja agi une. Une aqa siŋgila agi Qotei aqa dal anjam.

Galesia 2:16

Ariya iga qalieonum, tamo naŋgi Moses aqa dal anjam dauryqab dena Qotei na naŋgi tamo bole une saiqoji qa minjrqasai. Tamo naŋgi Kristus Yesus qa naŋgo areqalo siŋgilatqab gam dena qujai Qotei na naŋgi tamo bole une saiqoji qa minjrqas. Iga dego Kristus Yesus qa gago areqalo siŋgilateqnum. Di kiyaqa? Iga qalie, gam dena qujai Qotei na iga tamo bole une saiqoji qa mergwas. Iga dal anjam dauryqom gam dena sai. Di kiyaqa? Tamo bei a dal anjam dauryqas Qotei a deqa are qalsim a tamo bole une saiqoji qa minjqasai. Sai bolesai.

Galesia 2:19

Ariya dal anjam a na e moio qa gamq di waibej. Osiqa e moiotbej. Gam dena e bini Qotei ombla ŋambile unum. E Kristus ombla na ŋamburbasq di gaiŋosim moiem.

Galesia 5:4

Niŋgi qudei mareqnub, “Iga dal anjam dauryqom gam dena Qotei na iga tamo bole une saiqoji qa mergwas.” Niŋgi degsib mareqnub di niŋgi Kristus uratonub. Qotei a niŋgi qa are tulaŋ boleiyeqnu aqa kumbra di dego niŋgi qoreiyonub.

Hibru 7:19

Dal anjam dena iga boletgosai deqa Qotei na dal anjam di taqal atsiqa olo gam bunuj waqtetgej. Gam bunuj di tulaŋ boledamu. Gam dena dal anjam namij di tulaŋ buŋyejunu. Deqa iga gam dena Qotei aqa areq giloqnqom.