Rom 3:19 - Yesus Aqa Anjam Bole

¹⁹ Iga qalie, Moses a dal anjam neŋgreŋyej di tamo naŋgi dal anjam aqa sorgomq di unub qaji naŋgi qa osiq deqa neŋgreŋyej. Deqa tamo bei a endegsi marqa keresai, “E tamo bole. E une saiqoji.” A degsi marqa keresai. Iga tamo uŋgasari kalil sawa sawa kalilq di unum qaji iga Qotei aqa ŋamgalaq di une ti unum.

Rom 3:19 ပူးပေါင်းရင်းမြစ်များ

Jon 15:25

Naŋgo kumbra uge dena Qotei aqa dal anjam bei nami neŋgreŋyeb qaji di aqa damu branteqnu. Agi nami endegsib neŋgreŋyeb, ‘Tamo naŋgi na e laŋa jeutbeqnub.’

Jon 8:9

Onaqa naŋgi Yesus aqa anjam di qusibqa naŋgi segi segi kalil oqedosib jaraieb. Tamo kokba naŋgi namoosib jaraionab qudei bunueb. Osib Yesus uratonab a segi di soqnej. Uŋa di a Yesus aqa ulatamuq di tigelesoqnej.

Rom 1:20

Qotei a nami iŋgi iŋgi kalil gereiyonaq sonaqa tamo naŋgi di unoqneb dena bosi bosiq agi bini naŋgi uneqnub. Gam dena naŋgi Qotei aqa kumbra uliejunu qaji di qalie unub. Aqa kumbra utru ti aqa siŋgila gaigai sqas qaji deqa ti naŋgi qalie unub. Deqa tamo bei a endegsi marqa keresai, “E Qotei qaliesai deqa e une saiqoji.”

Rom 3:2

Deqa e niŋgi kamba endegsi merŋgwai. Qotei a na iŋgi tulaŋ bole bole Juda naŋgi enjrej. Iŋgi bole bei agiende. A na Juda naŋgi aqa anjam taqatqajqa deqa wau enjrej.

Rom 3:23

Iga kalil une ateqnum deqa iga laŋ qureq oqsim dia Qotei ombla sqa keresai.

Rom 3:4

O was qu, iga degsi marqasai. Iga endegsi marqom. Tamo kalil naŋgi gisaŋ tamo. Ariya Qotei a segi qujai gisaŋ tamo sai. A anjam bole segi gaigai mareqnu. Agi Qotei aqa anjam bei nami endegsib neŋgreŋyeb unu, “O Qotei, ni gaigai kumbra tiŋtiŋ na e pegibeqnum. Ariya tamo qudei naŋgi na ni pegimqa maribqa ni na olo naŋgi buŋnjrsim ni une saiqoji sqam.”

Rom 3:9

Deqa iga kiersi marqom? Iga Juda tamo deqa iga na tamo qudei naŋgi buŋnjreqnum degsi marqom e? Iga degsi marqasai. Agi e niŋgi merŋgonum, iga Juda tamo ti Grik tamo naŋgi ti iga kalil une ti unum. Une na iga kalil kabutgejunu.

1 Korin 1:29

Deqa Qotei aqa ŋamgalaq di tamo bei na aqa segi ñam soqtqa keresai.

Galesia 3:10

Ariya tamo qudei naŋgi endegsib are qaleqnub, “Iga dal anjam dauryqom gam dena iga Qotei aqa ŋamgalaq di tamo bole une saiqoji sqom.” O was qu, tamo naŋgi di Qotei na padaltnjrqas. Di kiyaqa? Qotei aqa anjam bei nami endegsib neŋgreŋyeb unu, “Tamo bei a Qotei aqa dal anjam kalil neŋgreŋq di unu qaji di dauryekritosim ariya qujai bole qujai grotqas di Qotei na a padaltqas.”

Galesia 4:21

Niŋgi dal anjam aqa sorgomq di sqajqa are qaleqnub deqa niŋgi kiyaqa dal anjam geregere poiŋgosai? Niŋgi na merbiye.

Galesia 4:5

A degyej. Di kiyaqa? A na iga tamo uŋgasari dal anjam aqa sorgomq di soqnem qaji iga eleŋosim awaigimqa iga Qotei aqa aŋgro tiŋtiŋ sqajqa deqa.

Galesia 5:18

Ariya niŋgi Qotei aqa Mondor aqa kumbra dauryqab di niŋgi olo dal anjam aqa sorgomq di sqasai.