Rom 2:3 - Yesus Aqa Anjam Bole

³ Ni na tamo naŋgi kumbra uge deqaji yeqnub qaji naŋgo jejamuq di anjam qametnjreqnum. Ariya kumbra naŋgi yeqnub qaji di ni segi dego yeqnum. Deqa ni kiersi are qalonum? Qotei na tamo naŋgi di awai uge enjrsim ariya a na ni awai uge emqasai ni degsi are qalonum kio?

Rom 2:3 ပူးပေါင်းရင်းမြစ်များ

Matyu 23:33

Niŋgi amal uge bul. Deqa mondoŋ Qotei a nuŋgo une qa merŋgsim niŋgi ŋamyuoq breiŋgwas. Yimqa niŋgi kiersib olo bole sqab? Keresai.

Matyu 26:53

E na ijo Abu minjitqa a na laŋ aŋgro 72,000 naŋgi qariŋnjrimqa bosib e aqaryaibqa kere. Ni deqa qaliesai kio?

Luk 12:14

Onaqa Yesus na minjej, “O was, tamo yai na e giltbqoqa e nuŋgo gulube di gereiyqai?”

Luk 22:58

Sokiñalaynaq tamo bei na olo Pita unej. Unsiqa minjej, “Ni dego Yesus aqa aŋgro bei.” Onaqa Pita na minjej, “E aqa aŋgro sai.”

Luk 22:60

Onaqa Pita na minjej, “Ni anjam maronum di e poibosai bolesai.” Degsi minjnaqa tuwe anjamej.

Rom 1:32

Qotei aqa dal anjam endegsi unu, “Tamo naŋgi kumbra uge deqaji yeqnub qaji naŋgi ñumib moreŋeb.” Dal anjam degsi unu. Tamo naŋgi di dal anjam di qalie. Ariya naŋgi olo gotraŋyoqnsib kumbra uge uge yeqnub. Di segi sai. Naŋgi na tamo qudei naŋgi kumbra uge uge deqaji yeqnab unoqnsib bole qa maroqnsib naŋgo ñam soqtetnjroqnsib minjreqnub, “Keretonub. Niŋgi kumbra degyoqniye.”

Rom 2:1

Niŋgi qudei tamo naŋgo jejamuq di anjam qametnjreqnub qaji niŋgi segi segi e na endegsi merŋgwai. Ni segi une saiqoji qa marqa keresai. Ni que. Ni na tamo naŋgo jejamuq di anjam qametnjreqnum di ni segi dego ino jejamuq di anjam qameqnum. Di kiyaqa? Kumbra uge naŋgi yeqnub qaji di ni segi dego yeqnum.

Rom 2:2

Iga qalie, tamo naŋgi kumbra uge deqaji yeqnub qaji naŋgi Qotei na kamba awai uge enjreqnu. Qotei a kere naŋgi awai uge enjreqnu.

Rom 9:20

O tamo, ni tamo kiero deqa ni Qotei ŋiriŋtqam? Tamo bei na mandam osim web gereiyim web na tigelosim endegsi minjqas kio, “Ni kiyaqa e degsi gereibonum?” A degsi minjqa keresai.

1 Tesalonaika 5:3

Tamo uŋgasari naŋgi endegsib maroqnqab, “Bini bati bole. Iga bole unum.” Degsib maroqnibqa gulube kobaquja naŋgoq di brantoqujatqas. Uŋa aŋgrotqa osim jaqatiŋ eqnu dego kere. Gulube di naŋgi gotraŋyqa keresai.

Hibru 12:25

O was qu, niŋgi geregere ŋam atiye. Qotei na niŋgi anjam merŋgoqnimqa niŋgi aqa anjam quqwa urato uge. Qotei a nami mandamq endi sosiqa Israel naŋgi anjam siŋgila na minjreqnaqa naŋgi quqwa uratoqneb. Deqa Qotei na naŋgi awai uge enjrej. Awai uge di naŋgi uratnjrqa keresai. Ariya bini Qotei a laŋ goge di sosiqa iga dego anjam siŋgila na mergeqnu. Deqa iga a qoreiyqom di a na iga awai tulaŋ ugedamu egwas. Awai uge di iga uratgwa keresai.

Hibru 2:3

Ariya bini Qotei na iga oqajqa marsiq wau kobaquja yej. Deqa iga Qotei aqa wau di qoreiyqom di iga awai uge turqom. Awai di iga britosim jaraiqa keresai. Namoqna Tamo Koba Yesus a segi na iga oqajqa anjam di maroqnej. Onaqa tamo naŋgi aqa anjam di quoqneb qaji naŋgi na kamba olo iga endegsib mergoqneb, “Anjam di bole.”